កាដូអនុស្សាវរីយ៍ប្រពៃណីវៀតណាមទាំង ១២

ក្រណាត់កុលសម្ព័ន្ធគឺជាវត្ថុមានតម្លៃសម្រាប់ភ្ញៀវទេសចរនៅប្រទេសវៀតណាម ដោយសារឱកាសបានឃើញ និងទិញស្នាដៃប៉ាក់ដៃយ៉ាងផ្ចិតផ្ចង់ និងល្អឯកបែបនេះ គឺជាភាពប្រណីតកម្រមានសម្រាប់អ្នកទេសចរដែលមកពីលោកខាងលិច។ ប្រទេសវៀតណាមមានក្រុមជនជាតិភាគតិចយ៉ាងសម្បូរបែប (ជាពិសេសនៅភាគខាងជើង) ដែលនៅតែចិញ្ចឹមជីវិតតាមរបៀបដូចគ្នានឹងអ្វីដែលពួកគេបានធ្វើរាប់រយឆ្នាំមកហើយ។ ការទិញក្រណាត់ពិតប្រាកដពីអ្នកលក់ដែលមានការទទួលស្គាល់ ជួយរក្សារបៀបរស់នៅ និងជំនាញសិល្បៈរបស់ពួកគេឲ្យគង់វង្ស។ ក្រណាត់ជាទូទៅមានតម្លៃចាប់ពី ១៥ ដុល្លារ។

នៅពេលអ្នកត្រឡប់ទៅផ្ទះវិញបន្ទាប់ពីការផ្សងព្រេងនៅវៀតណាម ឈុតចង្កឹះប្រហែលជាការរំលឹកដ៏ថោកបំផុត ប៉ុន្តែមាននិមិត្តរូបបំផុតអំពីចាន phở និង bún chả ដ៏មានឱជារស និងក្តៅៗដែលអ្នកបានញ៉ាំអំឡុងពេលធ្វើដំណើរ។ តម្លៃចាប់ពី ១ ដុល្លារក្នុងមួយគូ។

ផលិតផលសូត្រមាននៅតាមហាងភាគច្រើនជុំវិញតំបន់ Old Quarter ក្នុងទីក្រុងហាណូយ (Ha Noi)។ អ្វីៗគ្រប់យ៉ាងចាប់ពីស្រោមថង់ដេក អាវឃ្លុំ ដល់ áo dàis អាចទិញបានក្នុងតម្លៃសមរម្យ ប៉ុន្តែកន្លែងល្អបំផុតក្នុងការទិញសូត្រវៀតណាមពិតប្រាកដគឺនៅលើផ្លូវ Hang Gai (ផ្លូវសូត្រ) ដែលអ្នកនឹងឃើញហាងកាត់ដេរតម្រៀបគ្នាខ្ពស់កប់ពពកជាមួយនឹងសូត្រច្រើនពណ៌ចម្រុះត្រៀមជាស្រេចដើម្បីកាត់ដេរតាមម៉ូដដែលអ្នកជ្រើសរើស ក្នុងតម្លៃ ១០ ដុល្លារក្នុងមួយម៉ែត្រ។  

កាហ្វេវៀតណាមគឺជាអ្វីដែលភ្ញៀវទេសចរភាគច្រើនតែងតែប្រាប់ទៅអ្នកនៅផ្ទះ។ Cà phê đá (កាហ្វេខ្មៅ), cà phê sua đá (កាហ្វេទឹកដោះគោ), cà phê sữa chua (កាហ្វេយ៉ាហួ), cà phê trứng (កាហ្វេពងទា)... បញ្ជីភេសជ្ជៈកាហ្វេអ៊ីនដ៏ឆ្ងាញ់ពិសានេះនៅតែបន្តឥតឈប់ឈរ។ ប្រទេសវៀតណាមគឺជាប្រទេសនាំចេញកាហ្វេ Robusta ធំបំផុតនៅលើពិភពលោក ហើយពួកគេដឹងច្បាស់ពីរបៀបច្នៃវាឱ្យមានប្រសិទ្ធភាពបំផុត។ អ្នកអាចទិញតម្រងឆុងកាហ្វេមួយកែវ (phin cà phê) និងថង់កាហ្វេក្នុងស្រុកក្នុងតម្លៃត្រឹមតែ ៥ ដុល្លារប៉ុណ្ណោះ។

គោមក្រដាសមិនដែលជារឿងមិនល្អនោះឡើយ។ វាមានរាងសំប៉ែត ងាយស្រួលរៀបចំ និងស្រួលយកតាមខ្លួន គោមប្រពៃណីទាំងនេះនឹងបន្ថែមរចនាបថបែបវៀតណាមដ៏ទាក់ទាញដល់សួនច្បារ ឬបន្ទប់គេងណាមួយ ហើយមានពណ៌ចម្រុះ និងសម្ភារៈដ៏អស្ចារ្យចាប់ពី ៤ ដុល្លារ។ ជ្រើសរើសប្រភេទសូត្រប្រសិនបើអ្នកចង់បានភាពស៊ីវិល័យ។

áo dài គឺជាមោទនភាព និងជានិមិត្តរូបជាតិ នៃភាពស្រស់ស្អាត ភាពទន់ភ្លន់ និងភាពទាន់សម័យតាមបែបប្រពៃណីវៀតណាម ជាពិសេសនៅទីក្រុងហាណូយ។ អាវវែងដ៏ស្រស់ស្អាតនេះមានដៃវែង កអណ្តែត និងឆែកចំហៀងរហូតដល់ចង្កេះ ហើយជាទូទៅត្រូវបានពាក់ជាមួយនឹងខោជើងទូលាយ។ គេអាចឃើញស្ត្រីវៀតណាមពាក់ áo dàis ជាៀងរាល់ថ្ងៃនៅទីក្រុងហាណូយ ប៉ុន្តែវាពេញនិយមបំផុតក្នុងពិធីរៀបអាពាហ៍ពិពាហ៍ និងក្នុងកំឡុងបុណ្យចូលឆ្នាំវៀតណាម (បុណ្យតេត)។ ឈុតអាវ និងខោនេះមានតម្លៃចាប់ពី ២៥ ដុល្លារក្នុងមួយឈុត។

តុក្កតានិងមុខតាំង ត្រូវបានប្រើប្រាស់នៅក្នុងការសម្តែងល្ខោនប្រពៃណី និងពិធីបុណ្យផ្សេងៗរបស់វៀតណាមពេញមួយឆ្នាំ។ ធ្វើឡើងពីឫស្សី ស្លឹកទ្រាំង និងម្រ័ក្សណ៍ខ្មុក មុខតាំងទាំងនេះគឺជាទិដ្ឋភាពដ៏ពេញនិយមនៅភាគខាងជើង។ ផ្ទៃមុខដែលបានគូរលាបពណ៌យ៉ាងស្រស់ស្អាតតំណាងឱ្យអារម្មណ៍របស់តួអង្គចេញពីរឿងព្រេង និងរឿងនិទានប្រជាប្រិយ។

ចាន កន្ត្រក និងកម្រាលជូតជើងធ្វើពីឫស្សី គឺជាផលិតផលមួយចំនួនដែលពេញនិយមទាំងប្រជាជនក្នុងស្រុក និងអ្នកទេសចរ។ វត្ថុតាងដ៏សម្បូរបែបនេះអាចកែច្នៃដោយដៃទៅជាម៉ូដប្រពៃណី និងទំនើបយ៉ាងច្រើន ក្នុងតម្លៃសមរម្យសម្រាប់គ្រប់ថវិកា។

ជី និងគ្រឿងទេសវៀតណាម គឺជាកាដូដ៏ល្អឥតខ្ចោះសម្រាប់អ្នកចូលចិត្តម្ហូបអាហារនៅឯផ្ទះ។ ត្រូវបានទទួលស្គាល់ថាជាមូលដ្ឋានគ្រឹះនៃរសជាតិអាហារទាំងអស់ដែលត្រូវបានទទួលទាននៅទូទាំងប្រទេស ម្ហូបវៀតណាមត្រូវបានកោតសរសើរជុំវិញពិភពលោកចំពោះសមតុល្យដ៏ល្អឥតខ្ចោះនៃរសជាតិស្រស់ៗ ក្លិនឈ្ងុយឆ្ងាញ់ និងវាយនភាពដ៏ទាក់ទាញ។ ស្ទើរតែគ្រប់តំបន់ទេសចរណ៍ចាប់ពីតំបន់ដីសណ្តទន្លេមេគង្គ រហូតដល់ សាប៉ា (Sa Pa) សុទ្ធតែមានថ្នាក់បង្រៀនធ្វើម្ហូបប្រចាំតំបន់ក្នុងកម្រិតពិបាកផ្សេងៗគ្នា ដូច្នេះហេតុអ្វីមិនបញ្ចេញស្នដៃជាចុងភៅ និងនាំយករសជាតិនៃប្រទេសវៀតណាមត្រឡប់ទៅផ្ទះជាមួយអ្នក? កញ្ចប់ជីគ្រឿងទេសមានតម្លៃចាប់ពី ៣ ដុល្លារអាមេរិក។

មួកកោណគឺជាសញ្ញាសម្គាល់ដ៏បុរាណ និងងាយស្គាល់បំផុតនៃរូបភាពតំណាងរបស់ប្រជាជនវៀតណាម។ មួកធ្វើពីស្លឹកទ្រាំងដែលត្បាញដោយដៃនេះ មានប្រវត្តិសាស្ត្រ និងអត្ថន័យវប្បធម៌យ៉ាងជ្រាលជ្រៅ ហើយត្រូវបានរចនាឡើងដើម្បីការពារមនុស្សពីទឹកភ្លៀង និងពន្លឺព្រះអាទិត្យ។ មួកទាំងនេះត្រូវបានពាក់ដោយមនុស្សគ្រប់ភេទ និងគ្រប់វ័យ ទោះបីជាអ្នកនឹងឃើញវាត្រូវបានគេនិយមប្រើប្រាស់បំផុតដោយអ្នកដែលធ្វើការនៅខាងក្រៅ ដូចជានៅតាមផ្សារ ស្រែចម្ការ និងនៅលើផ្ទៃទឹកក៏ដោយ។  

ចង់បានគំនិតធ្វើដំណើរនៅវៀតណាមបន្ថែមទៀតទេ? ចុះឈ្មោះទទួលព្រឹត្តិបត្រព័ត៌មានរបស់យើង ដើម្បីទទួលបានអត្ថបទល្អៗបំផុតនៅក្នុងប្រអប់សាររបស់អ្នក។