ដាណាំង ប្រទេសវៀតណាម (ថ្ងៃទី ២ ខែវិច្ឆិកា ឆ្នាំ ២០១៨) -- នៅថ្ងៃទី ១ ខែវិច្ឆិកា ឆ្នាំ ២០១៨ កម្មវិធី Haute Grandeur Global Awards™ បានទទួលស្គាល់បទពិសោធន៍សេវាកម្មបដិសណ្ឋារកិច្ចឆ្នើមបំផុតក្នុងពិភពលោក នៅក្នុងពិធីប្រគល់ពានរង្វាន់ដ៏គួរឱ្យទាក់ទាញមួយនៅទីក្រុងឌូបៃ។ 

នៅក្នុងព្រឹត្តិការណ៍កំរាលព្រំក្រហមនេះ រីសត InterContinental® Danang Sun Peninsula Resort បានបន្តភាពលេចធ្លោនៃសេវាកម្មបដិសណ្ឋារកិច្ចរបស់ខ្លួន ដោយទទួលបានពានរង្វាន់ Haute Grandeur Excellence Awards ដ៏ឆ្នើមចំនួនបួន៖

រីសតឆ្នេរខ្សាច់ល្អបំផុតនៅកម្រិតពិភពលោក
រីសតសម្រាប់គ្រួសារល្អបំផុតនៅប្រទេសវៀតណាម
កន្លែងសម្រាកលំហែកាយអាពាហ៍ពិពាហ៍ល្អបំផុតនៅប្រទេសវៀតណាម
វីឡាល្អបំផុតនៅប្រទេសវៀតណាម

ដោយស្ថិតនៅចំកណ្តាលជ្រោយ Son Tra ដ៏មានជំនឿព្រេងនិទាន InterContinental Danang Sun Peninsula Resort គឺជាកន្លែងសម្រាកលំហែកាយដ៏ស្ងប់ស្ងាត់ជាប់ឆ្នេរខ្សាច់ ដែលផ្តល់នូវទិដ្ឋភាពដ៏អស្ចារ្យនៃសមុទ្រចិនខាងកើត (East Sea) ចេញពីគ្រប់បន្ទប់ និងវីឡាទាំងអស់។ ដោយត្រូវបានគេប្រសិទ្ធនាមយ៉ាងសមរម្យថាជាកន្លែង “ទីដែលរឿងព្រេងជួបជាមួយភាពស៊ីវិល័យ” (Where Myth Meets Luxury) ជាមួយនឹងមន្តស្នេហ៍ដ៏ស្រស់ស្អាតនៃទេសភាពតំបន់ក្ដៅ និងការរចនាដ៏អស្ចារ្យពី Bill Bensley រីសតនេះក៏ត្រូវបានគេសរសើរថាជាគោលដៅដ៏កំពូលសម្រាប់ការរៀបអាពាហ៍ពិពាហ៍ និងការសម្រាកលំហែកាយលក្ខណៈគ្រួសារនៅក្នុងតំបន់ផងដែរ។

ដោយថ្លែងអំពីសមិទ្ធផលដ៏លេចធ្លោនេះ លោក Juan Losada អគ្គនាយករបស់រីសតបានកត់សម្គាល់ថា៖ «វាជាកិត្តិយសយ៉ាងធំធេងដែលទទួលបានពានរង្វាន់ដ៏ខ្ពង់ខ្ពស់ទាំងនេះពី Haute Grandeur Global Awards។ ត្រូវបានចាត់ទុកថាជាកំពូលនៃសមិទ្ធផលសម្រាប់សណ្ឋាគារ និងរីសតទូទាំងពិភពលោក ការទទួលស្គាល់នេះបានបញ្ជាក់ជាថ្មីអំពីបទពិសោធន៍បដិសណ្ឋារកិច្ចដ៏គំរូ ក៏ដូចជាការប្តេជ្ញាចិត្តចំពោះភាពល្អប្រសើរដែលក្រុមការងាររីសតបានបង្ហាញជានិច្ច។ យើងនឹងបន្តផ្តល់ជូននូវបទពិសោធន៍ដ៏ពិសេសតាមតម្រូវការ និងសេវាកម្មដ៏វិសេសវិសាលដល់ភ្ញៀវទាំងអស់ដែលស្វែងរកបទពិសោធន៍ពិតប្រាកដក្នុងការធ្វើដំណើរលំដាប់ប្រណិត»។

Haute Grandeur Global Awards កំណត់ និងទទួលស្គាល់សណ្ឋាគារដែលបង្កើតស្តង់ដារមាសសម្រាប់សណ្ឋាគារទូទាំងពិភពលោក។ ម្ចាស់ជ័យលាភីដែលត្រូវបានជ្រើសរើសតាមរយៈដំណើរការវាយតម្លៃយ៉ាងម៉ត់ចត់ផ្អែកលើគំនិតតែមួយគត់របស់ Haute Grandeur គឺជាសណ្ឋាគារ និងរីសតទាំងឡាយណាដែលបង្កើតភាពលេចធ្លោដោយឡែកតាមរយៈភាពល្អប្រសើរនៅគ្រប់កម្រិតទាំងអស់។

កាលពីខែមុន រីសតនេះក៏ត្រូវបានគេផ្តល់កិត្តិយសនៅក្នុងបញ្ជីដ៏មានកេរ្តិ៍ឈ្មោះនៃ “រីសតល្អបំផុតក្នុងពិភពលោក” និងទទួលបានចំណាត់ថ្នាក់លេខ ៣ ក្នុងចំណោម “រីសតកំពូលៗនៅអាស៊ី” ដោយពានរង្វាន់ Condé Nast Traveler 2018 Readers’ Choice Awards។ បន្ទាប់មក ទីតាំងនេះត្រូវបានគេដាក់ឈ្មោះនៅក្នុងបញ្ជី "សណ្ឋាគាររីសតល្អបំផុតនៅអាស៊ីប៉ាស៊ីហ្វិក" ដោយ Business Traveller Asia-Pacific។

###

---