ក្រុមហ៊ុន Muong Thanh Hospitality Group ណែនាំអត្តសញ្ញាណសាជីវកម្មថ្មី
ហាណូយ ប្រទេសវៀតណាម (ថ្ងៃទី ២៩ ខែសីហា ឆ្នាំ ២០១៨) -- ក្រុមហ៊ុន Muong Thanh Hospitality Group ដែលជាខ្សែសង្វាក់សណ្ឋាគារឯកជនដ៏ធំបំផុតមួយក្នុងតំបន់ បានណែនាំអត្តសញ្ញាណសាជីវកម្មថ្មីមួយនៅខែនេះ ដោយលេចធ្លោឡើងនូវកេរដំណែលដ៏យូរអង្វែងរបស់ក្រុមហ៊ុន និងការរួមបញ្ចូលគ្នារវាងធាតុផ្សំនៃវប្បធម៌សម័យទំនើបជាមួយតម្លៃប្រពៃណីវៀតណាម។
ដោយប្រតិបត្តិការអចលនទ្រព្យចំនួន ៥៤ កន្លែងក្នុងប្រទេសវៀតណាម និងឡាវ ព្រមទាំងគម្រោងបដិសណ្ឋារកិច្ចផ្សេងទៀត ក្រុមហ៊ុនបានឱ្យដឹងថា ខ្លួនបានជ្រើសរើសប្រើប្រាស់តម្លៃជាតិ និងព័ត៌មានលម្អិតផ្នែកវប្បធម៌ ដើម្បីលើកកម្ពស់វិស័យទេសចរណ៍ដល់ភ្ញៀវទេសចរក្នុងស្រុក និងបរទេស។ ចលនានេះមានគោលបំណងនាំយកម៉ាកសញ្ញា Muong Thanh ឈានទៅកាន់អនាគត ព្រមទាំងសម្តែងនូវការគោរពចំពោះបេតិកភណ្ឌរបស់ប្រទេសវៀតណាម។
អត្តសញ្ញាណម៉ាកសញ្ញាថ្មីនេះសង្កត់ធ្ងន់លើគុណភាពនៃម៉ាកសញ្ញារងទាំងបួនរបស់ Muong Thanh ដោយប្រើប្រាស់ក្បូរក្បាច់ជនជាតិ និងពណ៌ឌិតៗ។ ក្នុងនាមជាម៉ាកសញ្ញារងកម្រិតខ្ពស់បំផុតរបស់ក្រុមហ៊ុន 'Muong Thanh Luxury' នឹងបន្តឆ្លុះបញ្ចាំងពីស្តង់ដារនៃអតិថិជនដ៏ទាន់សម័យរបស់ខ្លួន ជាមួយនឹងក្បាច់រាងពេជ្រពណ៌ស្វាយក្រមុំ ដោយយោងតាមក្បូរក្បាច់នៃសម័យកាល Annam នៃប្រវត្តិសាស្ត្រវៀតណាម គឺ hoạ tiết kỷ hà។
សម្រាប់សណ្ឋាគារប្រណីតទាំងអស់នៅតាមតំបន់ទីប្រជុំជននៃប្រទេសវៀតណាម ការរចនាថ្មីសម្រាប់ 'Muong Thanh Grand' ប្រើប្រាស់ក្បាច់រាងហ្សិកហ្សាក់ពណ៌ខៀវចាស់ ដែលតំណាងឱ្យកម្លាំង និងជោគជ័យសម្រាប់អ្នកធ្វើដំណើរធុរកិច្ចនាពេលបច្ចុប្បន្ន។
ស្ថិតនៅតាមគោលដៅពេញនិយមទូទាំងប្រទេស សណ្ឋាគារ 'Muong Thanh Holiday' ផ្តោតលើសម្រស់ធម្មជាតិនៃប្រទេសវៀតណាម និងបទពិសោធន៍ក្នុងស្រុក។ ម៉ាកសញ្ញាសណ្ឋាគារនេះនឹងដាស់អារម្មណ៍នៃស្មារតីសេរីភាព និងជីវិតដែលមានតុល្យភាព ជាមួយនឹងពណ៌បៃតងលាយខៀវឌិត។
ជាចុងក្រោយ 'Muong Thanh Hotel' តំណាងឱ្យផាសុកភាពក្នុងតម្លៃសមរម្យ ជាមួយនឹងសណ្ឋាគារកម្រិតផ្កាយបី និងផ្កាយបួន ដែលផ្តល់នូវសេវាកម្មប្រកបដោយទំនុកចិត្ត និងមានស្តង់ដារ។ ពណ៌បៃតងព្រៃឈើថ្មីនឹងស្វាគមន៍ភ្ញៀវមកកាន់ 'ផ្ទះទីពីររបស់ពួកគេ'។
សម្រាប់ការសាកសួរព័ត៌មានប្រព័ន្ធផ្សព្វផ្សាយ សូមទាក់ទង៖
Ms. Le Thi Thu Nguyet
PR Manager
Phone: 024 38222 333 Ext 3652
###