ហាណូយ ប្រទេសវៀតណាម (ថ្ងៃទី ៤ ខែកញ្ញា ឆ្នាំ ២០១៨)--ដើម្បីអបអរសាទរពិធីបុណ្យសែនព្រះខែឆ្នាំនេះ សណ្ឋាគារ Sofitel Legend Metropole Hanoi កំពុងបង្ហាញឈុតកាដូនំសែនព្រះខែ ដែលមានរូបគំនូររំលឹកពីអតីតកាល ដោយអ្នកនិពន្ធប្រលោមលោកក្រាហ្វិក និងជាអ្នកគូររូបគំនូរជនជាតិវៀតណាមទទួលបានពានរង្វាន់ លោក Nguyen Thanh Phong។

ត្រូវបានរចនាឡើងដើម្បីរំលឹកឡើងវិញនូវពេលវេលាដ៏រីករាយនៃវ័យកុមារភាព ប្រអប់នំសែនព្រះខែពណ៌ក្រហម និងសនីមួយៗ ត្រូវបានលម្អដោយរូបគំនូរព្រាងយ៉ាងផ្ចិតផ្ចង់។ រូបគំនូររបស់លោក Phong ឆ្លុះបញ្ចាំងពីបរិយាកាសនៃពិធីបុណ្យ នៅពេលដែលកុមារដង្ហែតាមផ្លូវជាមួយនឹងគោមក្រដាស អមដោយការរាំម៉ុងសាយ។ រូបភាពប្រាប់រឿងរ៉ាវនេះ ទទួលបានការបំផុសគំនិតពីរំលឹកអនុស្សាវរីយ៍កុមារភាពរបស់សិល្បករផ្ទាល់។

កើត និងធំធាត់នៅទីក្រុងហាណូយ លោក Phong ល្បីល្បាញដោយសាររូបគំនូរព្រាងបែបស៊ុយរេអាលនៃទីក្រុងនេះ។ សិល្បករគំនូរកំប្លែងវ័យក្មេងរូបនេះ បានឈ្នះពានរង្វាន់អន្តរជាតិជាច្រើនក្នុងអាជីពរបស់គាត់ រួមមានពានរង្វាន់ Special Jury Prize សម្រាប់ស្នាដៃសិល្បៈល្អបំផុតក្នុងកម្មវិធី Asian Youth Animation & Comics Contest ក្នុងឆ្នាំ ២០១១ ព្រមទាំងពានរង្វាន់ Silver Award ក្នុងកម្មវិធី International MANGA Awards ប្រចាំឆ្នាំ ២០១៦។

នំសែនព្រះខែឆ្នាំនេះនៅ Metropole រួមមានរសជាតិក្លាសិកដូចជា គ្រាប់ឈូក និងស្រូវខ្ចី, ល្ងខ្មៅ និងដូង, សណ្តែកខៀវ និងពងទាប្រៃ, និងការ៉ាមែល និងផ្លែល្វាក្រៀម។ Metropole ក៏កំពុងបង្ហាញរសជាតិថ្មីប្លែកសម្រាប់ពិធីបុណ្យនេះផងដែរ គឺរសជាតិគ្រាប់ភីស្តាស៊ីអូ និងកាហ្វេ។  

ឈុតនំដ៏ប្រណីតនីមួយៗមាននំសែនព្រះខែចំនួន ៦ គ្រាប់ដែលខ្ចប់ដោយឡែកពីគ្នាជា ៦ រសជាតិផ្សេងៗគ្នា ក្នុងតម្លៃ VND 1,850,000++ ក្នុងមួយប្រអប់។ នំសែនព្រះខែរបស់ Metropole មានលក់នៅ L’Epicerie du Metropole ចាប់ពីថ្ងៃទី ២០ ខែសីហា ដល់ថ្ងៃទី ២៤ ខែកញ្ញា ឆ្នាំ ២០១៨។

 

សម្រាប់ការកក់ សូមទាក់ទង៖ 
អ្នកស្រី Hang – អ្នកគ្រប់គ្រង L’Epicerie
+84 24 3933 5224
h1555-fb3@sofitel.com

សណ្ឋាគារ Metropole Hanoi

###

---