ហាណូយ ប្រទេសវៀតណាម (១៤ វិច្ឆិកា ២០១៨) -- ជាមួយនឹងបេសកកម្មក្នុងការផ្សព្វផ្សាយទីក្រុងហាណូយទៅកាន់អ្នកទេសចរអន្តរជាតិ ក្រុមហ៊ុន Hanoitourist និង OPENSEA បានដាក់ឲ្យដំណើរការជាផ្លូវការនូវកម្មវិធីទេសចរណ៍ Bon Bon City Tour នៅឯរាជធានីបុរាណថាំងឡុង (Thang Long Citadel) នៅថ្ងៃទី១៤ ខែវិច្ឆិកា។ ថ្នាក់ដឹកនាំក្នុងវិស័យឧស្សាហកម្ម និងតំណាងសារព័ត៌មានបានចូលរួមយ៉ាងច្រើនកុះករ ហើយភ្ញៀវកិត្តិយសបានរីករាយជាមួយនឹងការធ្វើតេស្តសាកល្បងជិះរថយន្តក្រុង Bon Bon ទស្សនានៅជុំវិញទីក្រុង។ 

Hanoitourist ដែលជាម៉ាកយីហោដ៏ល្បីល្បាញមួយនៅវៀតណាម និងក្រុមហ៊ុនថ្មី OPENSEA បានរួមគ្នាបង្កើតកម្មវិធីទេសចរណ៍ Bon Bon City Tour ដែលជាបទពិសោធន៍បែបបុរាណនៃទីក្រុងហាណូយ សម្រាប់អ្នកទេសចរស្វែងយល់ពីភាពទាក់ទាញនៃរាជធានីមួយនេះ។

Bon Bon City Tour គឺជាដំណើរទស្សនាកម្សាន្តបែប hop-on, hop-off សម្រាប់អ្នកទេសចរដែលមានកាលវិភាគបត់បែន និងសម្បូរបែប ក្នុងអំឡុងពេលរុករកទីក្រុង។ អ្នកដំណើរទទួលបានបទពិសោធន៍យ៉ាងពេញលេញជាមួយនឹងជម្រើសកញ្ចប់ទស្សនាទីក្រុងរបស់ពួកគេ។

ផ្នែកខាងក្នុងនៃរថយន្តក្រុងត្រូវបានកែច្នៃឡើងដើម្បីបង្កើតអារម្មណ៍នៃទីក្រុងហាណូយសម័យបុរាណ ហើយផ្នែកខាងក្រៅនៃរថយន្តក្រុងត្រូវបានលាបពណ៌លឿងយ៉ាងកក់ក្តៅដើម្បីស្វាគមន៍ភ្ញៀវជិះកម្សាន្ត។ រថយន្តក្រុងចំនួនពីរគ្រឿងរត់ចាប់ពីម៉ោង ៩ ព្រឹក ដល់ម៉ោង ៤ រសៀលជារៀងរាល់ថ្ងៃ ដោយមានចន្លោះពេល ៣០ នាទីក្នុងមួយជើង។

កាលវិភាគទស្សនា Bon Bon City Tour រួមមានចំណតវប្បធម៌ និងប្រវត្តិសាស្ត្រចំនួន ៩ នៅលើផ្លូវចំនួន ២៣ ក្នុងទីក្រុងហាណូយ ដូចជា រាជធានីបុរាណថាំងឡុង (Thang Long Citadel) វត្តត្រានក្វុក (Tran Quoc Temple) ស្ពានឡុងបៀន (Long Bien Bridge) សារមន្ទីរស្រ្តីវៀតណាម (Vietnamese Women's Museum) ប្រាសាទអក្សរសាស្ត្រ (Temple of Literature) និងសារមន្ទីរវិចិត្រសិល្បៈ (Fine Arts Museum)។ 

អ្នកទេសចរអាចប្រើកាសដើម្បីស្តាប់ការណែនាំជាសំឡេងច្រើនភាសា ឬទាញយកកម្មវិធីទូរស័ព្ទ Bon Bon City Tour សម្រាប់ព័ត៌មានបន្ថែមអំពីទីតាំងនីមួយៗ។ 

សំបុត្រមានតម្លៃ ៣៥០.០០០ VND ក្នុងម្នាក់។ សម្រាប់ព័ត៌មានបន្ថែម សូមចូលទៅកាន់គេហទំព័រផ្លូវការរបស់ Bon Bon City Tour៖ www.opensea.vn/bonbon 

 

###

---