ហាណូយ ប្រទេសវៀតណាម (ថ្ងៃទី ១១ ខែកុម្ភៈ ឆ្នាំ ២០១៩) -- Vietnam Airlines បានដាក់ឱ្យដំណើរការជាផ្លូវការនូវកម្មវិធីទូរស័ព្ទដៃជំនាន់ថ្មីរបស់ក្រុមហ៊ុនអាកាសចរណ៍នៅថ្ងៃទី ៥ ខែកុម្ភៈ ដើម្បីគាំទ្រដល់អ្នកដំណើរ និងកែលម្អបទពិសោធន៍អតិថិជនរបស់ពួកគេ។ 

ជំនាន់ចុងក្រោយបង្អស់នៃកម្មវិធីនេះបង្ហាញពីចំណុចប្រទាក់ទំនើប និងសាមញ្ញ ជាមួយនឹងបច្ចុប្បន្នភាពដើម្បីផ្គូផ្គងនឹងស្តង់ដារនៃក្រុមហ៊ុនអាកាសចរណ៍ធំៗជុំវិញពិភពលោក។ Vietnam Airlines ក៏បានផ្តោតលើការកែលម្អមុខងារនានា ដើម្បីគាំទ្រដល់អ្នកដំណើរក្នុងចំនួនអតិបរមាផងដែរ។

តាមរយៈកម្មវិធី Vietnam Airlines អ្នកដំណើរអាចស្វែងរកជើងហោះហើរ កក់សំបុត្រ ស្វែងរកកាលវិភាគធ្វើដំណើរដ៏ងាយស្រួល និងទិញសេវាកម្មបន្ថែមសម្រាប់ការធ្វើដំណើររបស់ពួកគេបានយ៉ាងឆាប់រហ័ស។
អ្នកដំណើរក៏អាចសន្សំសំចៃពេលវេលានៅស្ថានីយអាកាសយានដ្ឋានបានផងដែរ ដោយប្រើប្រាស់ការឆែកអ៊ីនដោយខ្លួនឯងលើកម្មវិធីមុនពេលឡើងយន្តហោះ។ កម្មវិធីនេះក៏បង្ហាញប័ណ្ណឡើងយន្តហោះ ដែលជួយសន្សំសំចៃក្រដាស និងបង្កើនភាពងាយស្រួលសម្រាប់អ្នកធ្វើដំណើរ។ មុខងារជូនដំណឹងថ្មីជួយឱ្យភ្ញៀវទទួលបានបច្ចុប្បន្នភាពចុងក្រោយបង្អស់អំពីកាលវិភាគជើងហោះហើរ។

ដើម្បីអបអរសាទរការធ្វើបច្ចុប្បន្នភាពនេះ Vietnam Airlines កំពុងផ្តល់ជូនការបញ្ចុះតម្លៃ ១៥% លើតម្លៃធ្វើដំណើរក្នុងស្រុកសម្រាប់អ្នកប្រើប្រាស់ ២៥ ០០០ នាក់ដំបូងដែលទាញយកកម្មវិធី។

សម្រាប់សមាជិកប័ណ្ណ Golden Lotus កម្មវិធីនេះមានព័ត៌មានធ្វើបច្ចុប្បន្នភាពអំពីគណនី Golden Lotus របស់ពួកគេ។ ពួកគេក៏នឹងទទួលបានសំបុត្ររង្វាន់តាមអនឡាញ អាចផ្ញើសំណើសុំកើនម៉ាយល៍ ទិញ ឬផ្ទេរម៉ាយល៍រង្វាន់បានផងដែរ។

អ្នកដំណើរអាចទាញយកកម្មវិធីនេះដោយឥតគិតថ្លៃនៅលើឧបករណ៍ទូរស័ព្ទផ្ទាល់ខ្លួនរបស់ពួកគេតាមរយៈ App Store, Play Store ឬ Window Phone Store។

###

ព័ត៌មានសារព័ត៌មាន សូមទាក់ទង៖
ក្រុមហ៊ុន Vietnam Airlines Corporation
លេខ ២០០ ផ្លូវ Nguyen Son, Long Bien, ហាណូយ
Hotline PR: 0903242577
Email: public-relations@vietnamairlines.com
 

សម្រាប់ព័ត៌មានលម្អិតបន្ថែម និងការកក់ទុក អតិថិជនអាច ចូលមើលគេហទំព័រ, ទំព័រ Facebook, ទំនាក់ទំនងភ្នាក់ងារ Vietnam Airlines ការិយាល័យលក់សំបុត្រនៅទូទាំងប្រទេសវៀតណាម ឬមជ្ឈមណ្ឌលសេវាថែទាំអតិថិជនទូទៅ 1900 1100។

---