ថ្ងៃទី ២៦ ខែកក្កដា ឆ្នាំ ២០១៩ (ហាណូយ ប្រទេសវៀតណាម) -- Premier Village Danang ត្រូវបានប្រសិទ្ធនាមជារមណីយដ្ឋានឆ្នេរល្អបំផុតនៅវៀតណាម (Best Beach Resort in Vietnam) ក្នុងឆ្នាំ ២០១៩ នៅឯកម្មវិធី Asia Pacific Tourism & Travel Awards (APTTF) ឆ្នាំ ២០១៩ ដែលបានរៀបចំឡើងនៅទីក្រុងហាណូយ នាថ្ងៃទី ២៥ ខែកក្កដា ឆ្នាំ ២០១៩។

នេះគឺជាលើកដំបូងហើយដែលរមណីយដ្ឋាន Premier Village Danang ទទួលបានពានរង្វាន់ APTTF ដែលជាការទទួលស្គាល់ដ៏ឆ្នើមចំពោះបុគ្គល និងក្រុមផ្សេងៗក្នុងវិស័យបដិសណ្ឋារកិច្ច និងទេសចរណ៍។

ពានរង្វាន់ទាំងនេះត្រូវបានផ្អែកលើការបោះឆ្នោតពីអ្នកអានគេហទំព័រផ្លូវការរបស់ APTTF ហើយបន្ទាប់មកត្រូវបានជ្រើសរើសដោយក្រុមប្រឹក្សាភិបាល និងសមាជិកនៃគណៈកម្មាធិការរង្វាន់ APTTF ឆ្នាំ ២០១៩។ នៅក្នុងពិធីប្រគល់រង្វាន់នៅសណ្ឋាគារ Melia ក្នុងទីក្រុងហាណូយ ពានរង្វាន់សរុបចំនួន ២៥ ជំពូក ត្រូវបានប្រគល់ជូនដល់បុគ្គល និងម៉ាកយីហោឆ្នើមៗក្នុងវិស័យជាច្រើននៃឧស្សាហកម្មទេសចរណ៍។

លោក Balzer Raetus អគ្គនាយកបានមានប្រសាសន៍ថា «នេះគឺជាកិត្តិយសដ៏ធំធេងសម្រាប់ពួកយើង។ ខ្ញុំសូមសម្តែងនូវការដឹងគុណយ៉ាងជ្រាលជ្រៅចំពោះវិនិយោគិន Sun Group ដែលបានដាក់ចិត្តដាក់កាយយ៉ាងខ្លាំងក្នុងការកសាងរមណីយដ្ឋានដ៏អស្ចារ្យនេះ ក៏ដូចជាអតិថិជន និងដៃគូរបស់យើងដែលតែងតែគាំទ្រយើងរហូតមក។ ពានរង្វាន់នេះគឺជាការលើកទឹកចិត្តយ៉ាងខ្លាំងដើម្បីជួយយើងបន្តកែលម្អគុណភាពសេវាកម្ម។»

Premier Village Danang Resort គឺជា រមណីយដ្ឋានប្រណីតឈានមុខគេមួយដែលមានវីឡាប្រណីតចំនួន ១១១ ខ្នង ស្ថិតនៅលើឆ្នេរ My Khe នៃទីក្រុងដាណាំង។ រមណីយដ្ឋាននេះត្រូវបានអភិវឌ្ឍដោយ Sun Group និងគ្រប់គ្រងដោយ AccorHotels។ 

សម្រាប់ព័ត៌មានបន្ថែម សូមចូលទៅកាន់ គេហទំព័រផ្លូវការរបស់ Sun Group។

 

---