Co Thach៖ ឆ្នេរ 'ថ្ម ៧ ពណ៌' ដ៏ទាក់ទាញនៃខេត្ត Binh Thuan

ប្រទេសវៀតណាមមានទេសភាពជាច្រើនដែលស័ក្តិសមសម្រាប់ការថតរូបធម្មជាតិដ៏ស្រស់ស្អាត រួមទាំងឆ្នេរសមុទ្រធម្មជាតិដ៏ស្រស់ស្អាតដែលផ្តល់ជូននូវភាពពិសេសប្លែកពីគេ។ ឧទាហរណ៍ កោះភូកុក (Phu Quoc) មានឆ្នេរ បាយសាវ (Bai Sao) − ជាឆ្នេរដែលពោរពេញទៅដោយផ្កាយសមុទ្រ។ ឆកសមុទ្រ ហាឡុង (Ha Long) មានឆ្នេរសមុទ្រជាច្រើនលាក់ខ្លួននៅចន្លោះភ្នំថ្មកំបោរដ៏ខ្ពស់ស្កឹមស្កៃ។ ហើយកោះ លីសើន (Ly Son) មានក្លោងទ្វារ តូវ៉ូ (To Vo) ដែលកកើតឡើងពីថ្មភ្នំភ្លើង។ 

នៅផ្នែកដីគោកនៃឆ្នេរសមុទ្រភាគកណ្តាលខាងត្បូង ខេត្តប៊ិញថួន (Binh Thuan) ត្រូវបានគេស្គាល់ដោយសារឆ្នេរសមុទ្របែបធម្មជាតិដ៏រ៉ូមែនទិកជាច្រើន។ លើសពីនេះ វាក៏មានទេសភាពដ៏អស្ចារ្យផ្សេងទៀតផងដែរ ដូចជាបឹងបួរដ៏ស្ងប់ស្ងាត់ វាលខ្សាច់ពណ៌ក្រហម និងពណ៌ស និងព្រៃឈើដ៏ទាក់ទាញ។ ខេត្តនេះគឺជាឋានសួគ៌សម្រាប់អ្នកស្រឡាញ់ធម្មជាតិដែលចង់បានសកម្មភាពចម្រុះ ចាប់ពីការជិះទូកកាយ៉ាក់ និងជិះក្តារបន្ទះរលក រហូតដល់ការដើរព្រៃ និងការជិះម៉ូតូអាតាវី (quadbiking) លើផ្លូវលំបាក។ 

ប្រសិនបើអ្នកឆ្ពោះទៅទីនោះ អ្នកគួរតែចំណាយពេលទៅទស្សនាឆ្នេរ កូថាច (Co Thach)។ ឆ្នេរនេះមានចម្ងាយប្រហែល ១០០ គីឡូម៉ែត្រពីទីក្រុង ហ្វានធៀត (Phan Thiet) និង ៣០០ គីឡូម៉ែត្រពីទីក្រុងហូជីមិញ។ អ្នកអាចទៅដល់ឆ្នេរ កូថាច តាមរយៈរថយន្តក្រុង រថភ្លើង និងម៉ូតូ។ ឆ្នេរដែលមានប្រវែង ១ គីឡូម៉ែត្រ និងទទឹង ៣០០ ម៉ែត្រនេះ ទាក់ទាញភ្ញៀវទេសចរដែលចាប់អារម្មណ៍នឹងទម្រង់ថ្មដ៏ចម្លែក សារាយសមុទ្រដុះស្លែ និងព្រំថ្មក្រួសចម្រុះពណ៌ភ្លឺចែងចាំង។ 

ទេសភាពដ៏ស្រស់ស្អាតនេះលេចឡើងក្នុងរូបថតជាច្រើនរបស់កែវភ្នែកអ្នកជំនាញ និងអ្នកថតរូបអាជីពដូចគ្នា។ ហេតុអ្វី? នៅលើលាតសន្ធឹងនៃឆ្នេរសមុទ្រក្បែរទឹកសមុទ្រថ្លាយ៉ាងជ្រោះ គឺមានថ្មក្រួសរាប់ពាន់គ្រាប់ដែលមានរូបរាង និងពណ៌ខុសៗគ្នាយ៉ាងភ្លឺចែងចាំង។ ដោយសារតែហេតុនេះហើយ ឆ្នេរនេះក៏ត្រូវបានគេស្គាល់ថាជា 'ឆ្នេរថ្មប្រាំពីរពណ៌' ផងដែរ។ 

នៅក្នុងឆ្នាំ ២០១១ មជ្ឈមណ្ឌលសៀវភៅកំណត់ត្រាហ្គីនណេសវៀតណាម (Vietnam Guinness Book Centre) បានទទួលស្គាល់ឆ្នេរនេះថាជាឆ្នេរមួយដែលមានពណ៌ចម្រុះបំផុតនៅក្នុងប្រទេស ដោយសារតែមានថ្ម និងដុំថ្មជាច្រើនសន្ធឹកសន្ធាប់។ ពួកវាត្រូវបានរលកសមុទ្របក់បោកទៅមកអស់រាប់ពាន់ឆ្នាំមកហើយ ដូច្នេះពួកវាត្រូវបានកែច្នៃ និងខាត់ឱ្យរលោងដោយជំនោរទឹកសមុទ្រ ទឹកប្រៃ និងចរន្តទឹក។

ថ្មក្រួសដែលមានរូបរាង ទំហំ និងពណ៌ខុសៗគ្នា ភ្លឺចែងចាំងដូចជាព្រំត្បូងដ៏មានតម្លៃចែងចាំងចម្រុះពណ៌។ ខ្លះមានរាងការ៉េ រាងទ្រវែង រាងមូល រាងត្រីកោណ រាងបេះដូង។ ពណ៌ធម្មជាតិរបស់ពួកវារួមមាន ពណ៌ស ខ្មៅ លឿង និងត្នោត។ ហើយថ្មជាច្រើនមានខ្សែឆ្នូតពណ៌យ៉ាងទាក់ទាញ។ អ្នកចូលចិត្តមើលថ្មក្រួសអាចចំណាយពេលរាប់ម៉ោងដោយរីករាយក្នុងការដើរលើឆ្នេរ ដើម្បីស្វែងរកដុំថ្មប្លែកៗ។ អ្នកនឹងឃើញថ្មខ្លះត្រូវបានតម្រៀបតម្រួតលើគ្នា ឬរក្សាលំនឹងដូចជាចម្លាក់ថ្ម សែន (Zen)។

_{ប្រភព៖ អ៊ីនធឺណិត}

បន្ទាប់មក នៅពេលដដែលជារៀងរាល់ឆ្នាំ ថ្មជាច្រើននៅលើឆ្នេរត្រូវបានគ្របដណ្តប់ដោយសារាយស្លែដ៏ទន់ល្មើយ ដែលជាទស្សនីយភាពគួរឱ្យចង់ទស្សនានៅពេលពន្លឺ និងជំនោរទឹកសមស្រប។ ដោយសារហេតុផលនេះ ឆ្នេរ កូថាច (Co Thach) គឺជាប្រធានបទសិក្សាធម្មជាតិក្នុងក្តីស្រមៃសម្រាប់អ្នកថតរូប។ 

ពាក់កណ្តាលខែមីនាគឺជាពេលវេលាដ៏ល្អបំផុតដើម្បីមើលឃើញទស្សនីយភាពដ៏អស្ចារ្យនេះ ព្រោះនេះជាពេលដែលថ្មភាគច្រើនត្រូវបានគ្របដណ្តប់ដោយពណ៌បៃតងស្រទន់ ដែលប្រែប្រួលជាច្រើនស្រទាប់ពណ៌អាស្រ័យលើមុំនៃពន្លឺ។ នៅពេលថ្ងៃត្រង់ ស្លែប្រែជាពណ៌មាស។ ក្រៅពីពាក់កណ្តាលខែមីនា អ្នកនៅតែមានឱកាសល្អក្នុងការមើលឃើញបាតុភូតនេះនៅពេលណាមួយបន្ទាប់ពីបុណ្យចូលឆ្នាំចិនរហូតដល់ខែមេសា។

នៅពេលទឹកស្រក ជាពិសេសនៅពេលថ្ងៃរះ ឬថ្ងៃលិច អ្នកនឹងបានឃើញពណ៌ចម្រុះផ្លាស់ប្តូរយ៉ាងស្រស់ស្អាត នៅពេលពន្លឺព្រះអាទិត្យចាំងមកលើថ្មដែលគ្របដណ្តប់ដោយស្លែនៅចន្លោះអន្លង់ទឹកសមុទ្រភ្លឺចែងចាំង។ អាស្រ័យលើមុំនៃពន្លឺ ពណ៌ដែលអាចមើលឃើញរួមមាន ពណ៌បៃតង ខៀវ ខៀវស្រងាត់ ស្វាយ និងថែមទាំងពណ៌ក្រហមទៀតផង។ 

បន្ទាប់ពីការកម្សាន្តនៅឆ្នេរសមុទ្ររបស់អ្នក សូមឈប់ពិសារគ្រឿងសមុទ្រស្រស់ៗនៅតូបក្បែរនោះ។ បន្ទាប់មក ឡើងកាំជណ្តើរថ្មតាមផ្លូវដែលមានខ្យល់អាកាសបរិសុទ្ធ និងមានស្រមោលជ្រលង ដើម្បីទៅដល់វត្ត កូថាច (Co Thach)។ ត្រូវបានគេស្គាល់ផងដែរថាជា Chua Hang (វត្តរូងភ្នំ) វាត្រូវបានកសាងឡើងក្នុងឆ្នាំ ១៨៣៥ ដោយព្រះចៅអធិការសែន Bửu Tạng។ ពុទ្ធសាសនិកជាច្រើនបានមកធ្វើបុណ្យផ្កានៅព្រះវិហារនេះ ដែលមានកម្ពស់ ៦៤ ម៉ែត្រលើកម្រិតទឹកសមុទ្រ ដើម្បីបួងសួងសុំសេចក្តីសុខ និងសំណាងល្អ ជាពិសេសនៅជុំវិញបុណ្យចូលឆ្នាំចិន។

ស្ថិតនៅក្នុងរូងភ្នំ ទីតាំងបេតិកភណ្ឌទំហំ ២ ០០០ ម៉ែត្រការ៉េនេះ មានស្ថាបត្យកម្មព្រះពុទ្ធសាសនាដ៏ស្កឹមស្កៃ ជាមួយនឹងរូបបដិមាដ៏ពិសិដ្ឋជាច្រើន។ ទស្សនារចនាប័ទ្មដំបូលដ៏ផ្ចិតផ្ចង់ ការរៀបក្បឿងចម្លាក់នៅលើសសរ និងក្លោងទ្វារ និងគំនូរលើជញ្ជាំងថ្មដ៏ស្រស់ស្អាត ដែលរៀបរាប់អំពីពុទ្ធប្រវត្តិ និងព្រះពោធិសត្វ។ ទិដ្ឋភាពនៃឆ្នេរថ្មពីចំណុចមើលទិដ្ឋភាពនេះគឺពិតជាអស្ចារ្យណាស់ ជាពិសេសមើលពីព្រះបដិមាព្រះម៉ែគង់ស៊ីអ៊ីម (Goddess of Mercy)។

_{ប្រភព៖ អ៊ីនធឺណិត}