ស្នាក់នៅដើម្បីលេងកីឡាវាយកូនគោល៖ ទីលានវាយកូនគោលល្អបំផុតនៅវៀតណាម

ទីតាំង៖ ប្រហែល ៤៥ គីឡូម៉ែត្រពីហាណូយ ភាគខាងជើងវៀតណាម

ជម្រើសនេះរួមមានទីលានស្តង់ដារ PGA ចំនួនពីរដែលមាន ១៨ រន្ធ ដោយមានសរុប ៣៦ រន្ធ។ ទីលាន Lakes Course ដែលសម្រាប់តែសមាជិក ត្រូវបានចាត់ទុកថាជាទីលានប្រឈមការលំបាក។ ទីលាន Sky Course ដែលបើកចំហសម្រាប់មហាជនទូទៅ គឺងាយស្រួលលេងជាង។ មានបឹងដ៏ស្ងប់ស្ងាត់ និងភ្នំព័ទ្ធជុំវិញ ដែលធ្វើឱ្យវាក្លាយជាកន្លែងសម្រាកកាយយ៉ាងរីករាយចេញពីក្រុងហាណូយ។ 

ប្រភព៖ អ៊ីនធឺណិត

ទីតាំង៖ FLC Resort ក្រុងហាឡុង ខេត្តក្វាងញិញ

ស្នាក់នៅភាគខាងជើងមែនទេ? សម្តៅទៅកាន់ទីលានមួយនៅក្នុងតំបន់បេតិកភណ្ឌពិភពលោក UNESCO គឺឆ្នេរសមុទ្រហាឡុង ដែលជិះរថយន្តប្រហែលពីរម៉ោងពីក្រុងហាណូយ។ រីសតវាយកូនហ្គោលនេះបញ្រ្ជៀបបញ្ចូលគ្នានូវរចនាបថទំនើប និងប្រពៃណីវៀតណាម។ ហើយដោយសារទីតាំងរបស់វា អ្នកអាចបន្ថែមដំណើរកម្សាន្តតាមទូកកម្សាន្តនៅឆ្នេរសមុទ្រហាឡុងបានយ៉ាងងាយស្រួលមុន ឬក្រោយដំណើរកម្សាន្តរបស់អ្នក។ ទីលាន ១៨ រន្ធ par-71 នេះរួមមានការប្រឈមជាច្រើនប្រភេទសម្រាប់អ្នកទើបចាប់ផ្តើម និងអ្នកជំនាញ។ 

ប្រភព៖ អ៊ីនធឺណិត

ភាគកណ្តាលវៀតណាម

ទីតាំង៖ ហយអាន ខេត្តក្វាងណាម ឆ្នេរសមុទ្រភាគកណ្តាល

ទីលានវាយកូនហ្គោលប្រភេទ links ១៨ រន្ធនេះ មានទីតាំងនៅជិតតំបន់ទេសចរណ៍ដ៏ពេញនិយមពីររបស់វៀតណាម គឺដាណាំង និងហយអាន ហើយត្រូវបានរចនាឡើងដោយលោក Robert Trent Jones Jr.។ ទីលានដែលលោកបានរចនាទទួលបានការកោតសរសើរចំពោះការយកចិត្តទុកដាក់លើបរិស្ថាន និងផលប៉ះពាល់តិចតួចដល់តំបន់ជុំវិញ។ ស្នាក់នៅ Hoiana Residences ដើម្បីទទួលបាននូវផាសុកភាពនៃការរចនាខាងក្នុងដ៏ប្រណីត និងបទពិសោធន៍អាហារដ្ឋានដ៏ពិសេស។ 

ប្រភព៖ អ៊ីនធឺណិត

ទីតាំង៖ ខេត្តធួធៀនហ៊ូ ឆ្នេរសមុទ្រភាគកណ្តាលខាងជើង

ទីលានជើងឯក ១៨ រន្ធនេះត្រូវបានរចនាឡើងដោយ Sir Nick Faldo គឺជាផ្នែកមួយនៃការអភិវឌ្ឍសណ្ឋាគារប្រណីត ស្ប៉ា និងផ្ទះអាជីវកម្ម។ ដោយសារតែវាមានទីតាំងនៅចន្លោះសមុទ្រ និងភ្នំ ទេសភាពនៅទីនេះគឺស្រស់ស្អាតអស្ចារ្យណាស់។ ពួកគេមានផ្តល់ជូននូវកញ្ចប់សេវាកម្មវាយកូនហ្គោល ដែលធ្វើឱ្យការស្នាក់នៅទីនេះមានភាពងាយស្រួលបំផុតសម្រាប់អ្នកលេងមួយគូ។ 

ប្រភព៖ អ៊ីនធឺណិត

ទីតាំង៖ ខេត្តក្វាងណាម

ដូចឈ្មោះបានបញ្ជាក់ ទីលាននេះត្រូវបានរចនាឡើងដោយកីឡាករវាយកូនហ្គោលអាជីពជនជាតិស្កុតឡែន លោក Colin Montgomerie។ មានចម្ងាយត្រឹមតែ ១៥ នាទីប៉ុណ្ណោះពីអាកាសយានដ្ឋានដាណាំង វាក្លាយជាជម្រើសដ៏ងាយស្រួលសម្រាប់អ្នកដែលកំពុងដើរកម្សាន្តនៅដាណាំង និងហយអាននៅជិតនោះ។ ចាប់តាំងពីឆ្នាំ ២០០៨ មក ទីលានវាយកូនហ្គោល ៧.០៩០ យ៉ាត par-72 នេះបានរៀបចំព្រឹត្តិការណ៍ និងការប្រកួតជើងឯកជាច្រើន ដើម្បីអភិវឌ្ឍកីឡានេះយ៉ាងពិតប្រាកដនៅក្នុងតំបន់។ 

ប្រភព៖ អ៊ីនធឺណិត

ទីតាំង៖ ក្រុងដាណាំង

ទស្សនាវដ្តីអន្តរជាតិ Golf Digest បានដាក់បញ្ចូលទីលានទំហំ ៣៥០ ហិកតានេះទៅក្នុងបញ្ជីទីលានវាយកូនគោលដ៏អស្ចារ្យបំផុតទាំង ១០០ ក្នុងពិភពលោកក្នុងឆ្នាំ ២០២២។ វាមានទីលានពីរដែលត្រូវបានរចនាឡើងដោយអ្នករចនាកំពូលពីររូប។ ទីលាន Jack Nicklaus មានទំហំ ២០០ ហិកតា។ ទីលាន ១៨ រន្ធ ផារ ៧៣ នេះមានប្រវែង ៧.៣៨០ យ៉ាត។ ទីលាន Greg Norman ទំហំ ១៥០ ហិកតាមានប្លង់រចនាបែបលីង (links-style)។ 

ប្រភព៖ អ៊ីនធឺណិត

វៀតណាមខាងត្បូង

ទីតាំង៖ មជ្ឈមណ្ឌលកម្សាន្ត NovaWorld, Phan Thiet, ខេត្ត Binh Thuan

ទីលានវាយកូនគោលថ្មីនេះទទួលបានជោគជ័យយ៉ាងធំធេងនៅក្នុងកម្មវិធីពានរង្វាន់ Vietnam Golf & Leisure Awards ឆ្នាំ ២០២២។ ដោយសារតែភាពប្រឈម ភាពងាយស្រួលក្នុងការលេង និងលក្ខខណ្ឌទីលានដ៏ល្អ ទីលាននេះត្រូវបានគេជ្រើសរើសជាទីលានវាយកូនគោលថ្មីល្អបំផុតប្រចាំឆ្នាំ ២០២២ និងស្ថិតក្នុងចំណោមទីលានកំពូលទាំង ១០ របស់ប្រទេស។ បណ្តុំទីលានវាយកូនគោល PGA ៣៦ រន្ធនេះរួមមានទីលានចំនួនពីរ៖ PGA Garden និង PGA Ocean។ ទីលាននេះត្រូវបានរចនាឡើងដោយវីរបុរសកីឡាវាយកូនគោល Greg Norman ហើយត្រូវបានទទួលស្គាល់ដោយសមាគមកីឡាករវាយកូនគោលអាជីពអាមេរិក (PGA)។ មជ្ឈមណ្ឌល NovaWorld ដែលជាទីតាំងរបស់ទីលាននេះ កំពុងត្រូវបានអភិវឌ្ឍដោយមានផ្ទះវីឡា ឧទ្យានកម្សាន្ត និងកន្លែងកីឡាក្រៅផ្ទះផ្សេងទៀត។ 

_{ប្រភព៖ អ៊ីនធឺណិត}

ទីតាំង៖ Vinpearl Resort & Spa, កោះ Phu Quoc, ខេត្ត Kien Giang

តើអ្នកកំពុងស្រមៃចង់បានការវិស្សមកាលលេងកីឡាវាយកូនគោលនៅលើកោះដ៏ស្រស់ស្អាតគ្មានពីរមែនទេ? នេះគឺជាកន្លែងដ៏ស័ក្តិសមបំផុតសម្រាប់អ្នក។ ទីលានវាយកូនគោល ១៨ រន្ធនេះស្ថិតនៅភាគខាងជើងនៃ ‘កោះកែវ’ របស់ប្រទេសវៀតណាម ដែលជាគោលដៅដ៏ពេញនិយមបំផុតសម្រាប់ជនជាតិក្នុងស្រុក និងបរទេស។ កីឡាករវាយតម្លៃខ្ពស់ចំពោះលក្ខខណ្ឌទីលាន និងល្បឿននៃការលេង។ រណ្ដៅខ្សាច់ដែលបានរៀបចំយ៉ាងស្អាត និងតំបន់ដើមឈើត្រូវបានរៀបចំឡើងនៅក្នុងព្រៃឈើរឹងបុរាណ ដូច្នេះអ្នកអាចរីករាយជាមួយនឹងសំឡេងសត្វបក្សីនៅជុំវិញខ្លួននៅពេលអ្នកលេង។ ភាពងាយស្រួលជាច្រើនធ្វើឱ្យទីនេះក្លាយជាជម្រើសដ៏ល្អសម្រាប់ការវិស្សមកាលគ្រួសារ។ ឧទាហរណ៍ កញ្ចប់សេវាកម្មវាយកូនគោលរួមបញ្ចូលទាំងការចូលកម្សាន្តដោយឥតគិតថ្លៃទៅកាន់ឧទ្យានកម្សាន្តរបស់រីសតផងដែរ។ 

_{ប្រភព៖ អ៊ីនធឺណិត}

ទីតាំង៖ Phuoc Thuan, ស្រុក Xuyen Moc, ខេត្ត Ba Ria-Vung Tau

ទីលានវាយកូនគោលបែបលីង (links) ដ៏ប្រឈមនេះ ត្រូវបានរចនាឡើងដោយលោក Greg Norman ដែលបាននិយាយថា៖ «គ្មានការលេងពីរជុំណានៅ Bluffs ដែលដូចគ្នាទាំងស្រុងនោះទេ។» ទីលាននេះ ស្ថិតនៅចម្ងាយប្រហែល ២ ម៉ោងនៃការបើកបរពីទីក្រុងហូជីមិញ ផ្តល់នូវបទពិសោធន៍នៃការលេងកីឡាវាយកូនគោលបែបលីងពិតប្រាកដនៅចន្លោះវាលខ្សាច់ភាគខាងត្បូងវៀតណាម និងទស្សនាទិដ្ឋភាពសមុទ្រយ៉ាងស្រស់ស្អាត។ អ្នកជួយកាន់កាបូបវាយកូនគោល (caddies) និងអាហារដ៏ឆ្ងាញ់ឥតខ្ចោះនៅភោជនីយដ្ឋាន Infinity Restaurant របស់ក្លឹប ត្រូវបានគេណែនាំយ៉ាងខ្លាំង។

_{ប្រភព៖ អ៊ីនធឺណិត}

ទីតាំង៖ ឆ្នេរ Long Beach, Cam Ranh, ខេត្ត Khanh Hoa

ទីលានមួយទៀតដែលរចនាឡើងដោយ Greg Norman ទីលានមួយនេះត្រូវបានស្ថិតនៅលើជួរឆ្នេរសមុទ្រដែលមានរុក្ខជាតេទាបៗ ដែលមានន័យថាអ្នកអាចរីករាយជាមួយទិដ្ឋភាពសមុទ្រដ៏ធំល្វឹងល្វើយ។ ទីលានហាត់វាយ (driving range) កម្រិតកំពូល ផ្លូវ fairway ដែលមានរលក វណ្ឌវង្កធម្មជាតិ និងការផ្លាស់ប្តូរកម្ពស់ដ៏ស័ក្តិសម បង្កើតបានជាការលេងដ៏គួរឱ្យចងចាំ។ មិនមែនជារឿងភ្ញាក់ផ្អើលសម្រាប់មនុស្សជាច្រើនឡើយ ទីលាននេះត្រូវបានគេប្រសិទ្ធនាមជាទីលានប្រកួតប្រជែងល្អបំផុត (Best Championship Course) នៅក្នុងកម្មវិធីពានរង្វាន់ Vietnam Golf & Leisure Awards ឆ្នាំ ២០២២។

_{ប្រភព៖ អ៊ីនធឺណិត}