ហាណូយ ប្រទេសវៀតណាម (ថ្ងៃទី ១៣ ខែមីនា ឆ្នាំ ២០១៩) -- ក្រុមហ៊ុនអាកាសចរណ៍ Vietnam Airlines នឹងចាប់ផ្តើមយុទ្ធនាការប្រូម៉ូសិនដ៏ធំបំផុតប្រចាំឆ្នាំរបស់ខ្លួន «ស្វាគមន៍រដូវក្តៅ ២០១៩» ចាប់ពីថ្ងៃទី ១៥ ដល់ថ្ងៃទី ២៤ ខែមីនា។ ព្រឹត្តិការណ៍ប្រចាំឆ្នាំនេះផ្តល់ជូននូវតម្លៃសំបុត្រយន្តហោះបញ្ចុះតម្លៃយ៉ាងច្រើន សម្រាប់ការធ្វើដំណើរចាប់ពីថ្ងៃទី ១ ខែមេសា ដល់ថ្ងៃទី ៣១ ខែតុលា។ 

ជាមួយនឹងបណ្តាញផ្លូវហោះហើរក្នុងស្រុកជិត ៤០ ខ្សែ និងផ្លូវហោះហើរអន្តរជាតិជាង ៥០ ខ្សែរបស់ក្រុមហ៊ុនអាកាសចរណ៍ Vietnam Airlines «ស្វាគមន៍រដូវក្តៅ ២០១៩» គឺជាឱកាសមួយសម្រាប់អ្នកដំណើរក្នុងការទៅទស្សនាតំបន់ទេសចរណ៍ដ៏ទាក់ទាញនៅក្នុងប្រទេសវៀតណាម អាស៊ី អឺរ៉ុប និងអូស្ត្រាលី។ 

«ស្វាគមន៍រដូវក្តៅ ២០១៩» មានការបញ្ចុះតម្លៃរហូតដល់ ២៩៩ ០០០ ដុង (VND) សម្រាប់ការហោះហើរក្នុងប្រទេសវៀតណាម និងទាបបំផុតត្រឹម ២០៩ ០០០ ដុង (VND) សម្រាប់ការហោះហើរអន្តរជាតិមួយចំនួន។ តម្លៃទាំងនេះមិនទាន់រាប់បញ្ចូលពន្ធ និងកម្រៃផ្សេងៗឡើយ។ 

ក្នុងអំឡុងពេលនៃការលក់បញ្ចុះតម្លៃនេះ ក្រុមហ៊ុនអាកាសចរណ៍ Vietnam Airlines ណែនាំឱ្យអ្នកដំណើរទិញសំបុត្រយន្តហោះតាមរយៈគេហទំព័រផ្លូវការរបស់ខ្លួន ភ្នាក់ងារទេសចរណ៍ ឬការិយាល័យលក់សំបុត្រផ្លូវការរបស់ Vietnam Airlines ហើយក៏ត្រូវស្នើសុំវិក្កយបត្រផងដែរ។ 

ភ្ញៀវក៏ត្រូវបានលើកទឹកចិត្តឱ្យធ្វើការ check-in តាមអនឡាញ ប្រើប្រាស់កម្មវិធីទូរស័ព្ទដៃរបស់ Vietnam Airlines ឬប្រើប្រាស់ទូរ check-in (kiosks) នៅព្រលានយន្តហោះ Noi Bai, Da Nang និង Tan Son Nhat ដើម្បីសន្សំសំចៃពេលវេលាធ្វើដំណើរ។

សម្រាប់ព័ត៌មានបន្ថែម និងការកក់សំបុត្រ អតិថិជនអាច ចូលមើលគេហទំព័រ, ទំព័រ Facebook, ទំនាក់ទំនងភ្នាក់ងារ Vietnam Airlines, ការិយាល័យលក់សំបុត្រនៅទូទាំងប្រទេសវៀតណាម ឬមជ្ឈមណ្ឌលសេវាថែទាំអតិថិជនទូទៅ 1900 1100។

---