7 ສະຖານທີ່ທ່ອງທ່ຽວທີ່ບໍ່ຄວນພາດໃນ ນະຄອນໂຮ່ຈີມິນ

ພິພິທະພັນຮ່ອງຮອຍສົງຄາມ ແມ່ນພິພິທະພັນ 3 ຊັ້ນ ທີ່ເກັບຮັກສາວັດຖຸໂບຮານ ແລະ ຮູບພາບອັນສະເທີອນໃຈໄວ້ຢ່າງຫຼວງຫຼາຍ, ລວມທັງຮູບພາບທີ່ໄດ້ຮັບລາງວັນ Pulitzer ຂອງຊ່າງພາບ Nick Ut ທີ່ມີຊື່ວ່າ “The Terror of War.” ເຮືອບິນ, ລົດຖັງ, ລະເບີດ ແລະ ເຮລິຄອບເຕີ ທີ່ປົດປະຈຳການແລ້ວ ໄດ້ຖືກນຳມາຕົກແຕ່ງຢູ່ບໍລິເວນລານເດີ່ນ. ມັນເປັນປະສົບການທີ່ສະໂຫຼດໃຈ ແຕ່ກໍປະຄວາມປະທັບໃຈໄວ້ຢ່າງດົນນານ.

ຄ່າເຂົ້າຊົມ: 15,000 VND
ເວລາເປີດບໍລິການ: 7:30 ເຊົ້າ - 12:00 ທ່ຽງ, 1:30 - 5:00 ແລງ ທຸກໆມື້ ລວມທັງມື້ພັກລັດຖະການ
ທີ່ຢູ່: 28 ຖະໜົນ Vo Van Tan, ແຂວງ 6, ເຂດ 3

ອາສະນາວັດໂນເຕີດາມ (Cathedral Basilica of Our Lady of the Immaculate Conception) ທີ່ມີຍອດຫໍຄອຍຄູ່ ຕັ້ງຢູ່ຕົ້ນຖະໜົນ Dong Khoi, ເຊິ່ງເປັນດັ່ງໂອເອຊິດອັນສະຫົບງົບງຽບຢູ່ໃຈກາງເມືອງທີ່ຄຶກຄື້ນ. ການກໍ່ສ້າງອາສະນາວັດນີ້ໃຊ້ເວລານານເກືອບ 2 ທົດສະວັດ, ຕັ້ງແຕ່ປີ 1863 ຫາ 1880 ໂດຍນຳໃຊ້ອຸປະກອນທີ່ນຳເຂົ້າຈາກຝຣັ່ງທັງໝົດ.

ຂໍ້ຄວາມໜ້າຮູ້: ຮູບປັ້ນຫີນອ່ອນອາລາບາສເຕີຂອງພະແມ່ມາລີ ທີ່ຕັ້ງຢູ່ໃຈກາງຈະຕຸລັດ ມີເລື່ອງເລົ່າກັນວ່າເຄີຍມີນ້ຳຕາໄຫຼອອກມາຄັ້ງໜຶ່ງໃນປີ 2005, ເຊິ່ງມີຝູງຊົນຈຳນວນຫຼາຍໃນເວລານັ້ນຮ່ວມເປັນພະຍານ.  

ຄ່າເຂົ້າຊົມ: 15,000 VND
ເວລາເປີດບໍລິການ: 7:30 ເຊົ້າ - 12:00 ທ່ຽງ, 1:30 - 5:00 ແລງ ທຸກໆມື້ ລວມທັງມື້ພັກລັດຖະການ
ທີ່ຢູ່: 1 Cong Xa Paris, Ben Nghe, ເຂດ 1

ຢູ່ກົງກັນຂ້າມກັບອາສະນາວັດ ແມ່ນໄປສະນີກາງອັນມີສະເໜ່ຂອງນະຄອນໂຮ່ຈີມິນ. ລອງຍ່າງເຂົ້າໄປດ້ານໃນ, ທ່ານຈະພົບກັບໂຖງອາຄານຂະໜາດໃຫຍ່ ທີ່ຂະໜາບຂ້າງດ້ວຍຕູ້ໂທລະສັບໄມ້ໃນຍຸກວິກຕໍເຣຍ, ແຜນທີ່ປະຫວັດສາດເທິງຝາ, ແລະ ຮູບແຕ້ມຂະໜາດໃຫຍ່ຂອງ ໂຮ່ຈີມິນ. ບາງຄັ້ງ ສະຖາປານິກຂອງອາຄານນີ້ມັກຖືກເຂົ້າໃຈຜິດວ່າແມ່ນ Gustave Eiffel, ແນວໃດກໍຕາມ ການອອກແບບຂອງອາຄານນີ້ແມ່ນໄດ້ອີງຕາມແບບຜັງຂອງເພິ່ນ.

ຄ່າເຂົ້າຊົມ: ຟຣີ
ເວລາເປີດບໍລິການ: 7:30 ເຊົ້າ - 12:00 ທ່ຽງ, 1:30 - 5:00 ແລງ ທຸກໆມື້ ລວມທັງມື້ພັກລັດຖະການ
ທີ່ຢູ່: 2 Cong xa Paris, Ben Nghe, ເຂດ 1

ຕັ້ງຢູ່ເທິງພື້ນທີ່ຂອງພະລາຊະວັງ Norodom ເກົ່າ ແມ່ນ ພະລາຊະວັງລວມຊາດ, ເຊິ່ງເປັນທີ່ຮູ້ຈັກກັນໃນຊື່ ພະລາຊະວັງເອກະລາດ. ອອກແບບໂດຍສະຖາປານິກ, Ngô Viết Thụ, ພະລາຊະວັງອັນໃຫຍ່ໂຕນີ້ເຄີຍເປັນທີ່ພັກ ແລະ ສຳນັກງານບໍລິຫານຂອງປະທານາທິບດີຫວຽດນາມໃຕ້. ໃນປັດຈຸບັນ, ຜູ້ເຂົ້າຊົມສາມາດຍ່າງຊົມໂຖງທາງຍ່າງ ແລະ ຫ້ອງປະຊຸມ ທີ່ປູດ້ວຍພົມສີແດງ. 

ຄ່າເຂົ້າຊົມ: 15,000 VND
ເວລາເປີດບໍລິການ: 7:30 ເຊົ້າ - 12:00 ທ່ຽງ, 1:30 - 5:00 ແລງ ທຸກໆມື້ ລວມທັງມື້ພັກລັດຖະການ
ທີ່ຢູ່: 135 Nam Ky Khoi Nghia, Ben Thanh, ເຂດ 1

ຖະໜົນ ຫງວຽນເຫ້ວ (Nguyen Hue) ທີ່ກວ້າງຂວາງໄດ້ກາຍເປັນຈຸດນັດພົບແຫ່ງໃໝ່ສຳລັບກິດຈະກຳຍ່າງເລ່ນໃນ ນະຄອນໂຮ່ຈີມິນ. ອ້ອມຮອບບໍລິເວນນີ້ມີຕຶກສູງຫຼາຍສິບແຫ່ງ, ຮ້ານອາຫານຫຣູຫຣາ, ອາຄານການຄ້າ ແລະ ບູຕິກຫຣູຫຣາ. ເລີ່ມຕັ້ງແຕ່ສາລາວ່າການນະຄອນ ໄປຫາທ່າເຮືອ ບັກດັ້ງ (Bach Dang Wharf), ຖະໜົນຄົນຍ່າງແຫ່ງນີ້ເໝາະສຳລັບການຍ່າງເລ່ນໃນຕອນບ່າຍ ແລະ ມີບັນຍາກາດຄຶກຄື້ນທີ່ສຸດໃນຕອນແລງ. ຢູ່ທາງທິດເໜືອສຸດຂອງຖະໜົນ ຫງວຽນເຫ້ວ ແມ່ນທີ່ຕັ້ງຂອງ ສາລາວ່າການນະຄອນ, ເຊິ່ງເປັນສຳນັກງານບໍລິຫານຂອງ ຄະນະກຳມະການປະຊາຊົນນະຄອນໂຮ່ຈີມິນ. 

ຄ່າເຂົ້າຊົມ: ສາລາວ່າການນະຄອນ ບໍ່ເປີດໃຫ້ສາທາລະນະຊົນເຂົ້າຊົມ
ທີ່ຢູ່: 86 Le Thanh Ton, Ben Nghe, District 1

ຕະຫຼາດ ເບັນແທ່ງ (Ben Thanh Market) ຢູ່ໃຈກາງນະຄອນ ເປັນຕະຫຼາດທີ່ບໍ່ມີວັນເກົ່າ ເຊິ່ງສ້າງຂຶ້ນເທິງດິນຖົມທີ່ໃນອະດີດເຄີຍເປັນໜອງ ໂບເຣັດ (Bo Ret Pond). ໃນປັດຈຸບັນ, ຕະຫຼາດໃນຮົ່ມແຫ່ງນີ້ຫັນໜ້າໄປທາງ ຈະຕຸລັດ ກວັກທີຈາງ (Quach Thi Trang Square). ທາງໃນມີທາງຍ່າງສັບຊ້ອນທີ່ຂາຍທຸກຢ່າງ ຕັ້ງແຕ່ຂອງສົດ, ໝວກກູບ, ກາເຟຂີ້ເຫັນ ໄປຈົນເຖິງເຄື່ອງເຄືອບເງົາ. ຢູ່ສ່ວນທ້າຍຂອງອາຄານແມ່ນເຂດຮ້ານອາຫານທີ່ສັບຊ້ອນ ເຊິ່ງຂາຍ ບັ້ນແຊ້ວ (bánh xèo) ຮ້ອນໆ ແລະ ບັ້ນມີ (bánh mì) ທີ່ເຮັດໃໝ່ໆ.

ຄ່າເຂົ້າຊົມ: ຟຣີ
ເວລາເປີດບໍລິການ: 7:30 ໂມງເຊົ້າ - 12:00 ໂມງທ່ຽງ, 1:30 - 5:00 ໂມງແລງ ທຸກມື້ ລວມທັງມື້ພັກທາງການ
ທີ່ຢູ່: 32-30 Phan Boi Chau, Ben Thanh, District 1

ຍ້ອນເວລາກັບໄປໃນອະດີດລະຫວ່າງການຢ້ຽມຢາມ ອຸໂມງ ກູຈີ (Cu Chi Tunnels). ຕັ້ງຢູ່ທາງຕາເວັນຕົກສຽງເໜືອຂອງ ນະຄອນໂຮ່ຈີມິນ, ເມືອງ ກູຈີ ເປັນທີ່ຕັ້ງຂອງເຄືອຂ່າຍອຸໂມງທີ່ມີຄວາມຍາວຫຼາຍກວ່າ 250 ກິໂລແມັດ ເຊິ່ງເຄີຍຖືກໃຊ້ໂດຍກອງທັບ ຫວຽດກົງ ເພື່ອຫຼົບຫຼີກກອງກຳລັງ ອາເມຣິກາ ແລະ ຫວຽດນາມໃຕ້ ໃນລະຫວ່າງສົງຄາມຫວຽດນາມ. ທ່ານສາມາດເຂົ້າຊົມອຸໂມງໄດ້ຈາກທາງເຂົ້າໜຶ່ງໃນສອງແຫ່ງ ຄື: ເບັນດິງ (Ben Dinh) ເຊິ່ງຢູ່ຫ່າງອອກໄປ 35 ກິໂລແມັດ, ແລະ ເບັນເຢືອກ (Ben Duoc) ເຊິ່ງຢູ່ຫ່າງອອກໄປ 70 ກິໂລແມັດ. ການເປື້ອນຝຸ່ນແມ່ນສ່ວນໜຶ່ງຂອງປະສົບການ, ດັ່ງນັ້ນຄວນແຕ່ງຕົວໃຫ້ເໝາະສົມ.

ຄ່າເຂົ້າຊົມ: 15,000 VND
ເວລາເປີດບໍລິການ: 7:30 ໂມງເຊົ້າ - 12:00 ໂມງທ່ຽງ, 1:30 - 5:00 ໂມງແລງ ທຸກມື້ ລວມທັງມື້ພັກທາງການ
ທີ່ຢູ່: Phu Hiep, Phu My Hung, Cu Chi, Ho Chi Minh City, Vietnam