KIEN GIANG, វៀតណាម (ថ្ងៃទី ១៣ ខែតុលា ឆ្នាំ ២០១៩) -- គម្រោងអាផាតមិនប្រណីត Fraser Suites Hanoi របស់ BIM Land បានឈ្នះពានរង្វាន់ «Vietnam’s Leading Serviced Apartment» នៅក្នុងកម្មវិធី World Travel Awards (WTA) Asia Gala 2019។

Fraser Suites Hanoi មានទីតាំងស្ថិតនៅចំកណ្តាលខណ្ឌ Tây Hồ ក្រុងហាណូយ។  អចលនទ្រព្យនេះគឺជាផ្នែកមួយនៃអគារ Syrena Tower ដែលត្រូវបានអភិវឌ្ឍដោយ BIM Land និងគ្រប់គ្រងដោយ Fraser Hospitality ចាប់តាំងពីឆ្នាំ ២០០៨។

ជាមួយនឹងបទពិសោធន៍ផ្តល់សេវាកម្មប្រកបដោយគុណភាពជាងមួយទសវត្សរ៍ Fraser Suites Hanoi បានក្លាយជាអចលនទ្រព្យមួយក្នុងចំណោមអចលនទ្រព្យដែលទទួលបានការពេញនិយមបំផុតនៅក្នុងរាជធានី។ ភ្ញៀវទាំងអស់អាចប្រើប្រាស់បន្ទប់ហាត់ប្រាណ អាងហែលទឹក Jacuzzi បន្ទប់សូណា អាងហែលទឹក កន្លែងលេងកុមារ ព្រមទាំងមជ្ឈមណ្ឌលពាណិជ្ជកម្ម Syrena ដោយឡែក។ 

លោក Adrian Lee អគ្គនាយកនៃ Fraser Suites Hanoi បានមានប្រសាសន៍ថា៖ «យើងខ្ញុំមានកិត្តិយសយ៉ាងក្រៃលែងដែលត្រូវបានបោះឆ្នោតជ្រើសរើសជា Vietnam’s Leading Serviced Apartment ម្តងទៀតនៅឆ្នាំនេះ។ ការទទួលបានពានរង្វាន់នេះពីរឆ្នាំជាប់ៗគ្នា បានឆ្លុះបញ្ចាំងពីកិច្ចខិតខំប្រឹងប្រែងរបស់យើង ក៏ដូចជាទំនុកចិត្តរបស់អតិថិជនមកលើរូបយើង»។

Fraser Suites Hanoi គឺជាកិច្ចសហការលើកដំបូងរវាង BIM Land (ផ្នែកមួយនៃ BIM Group) និង Fraser Hospitality ដែលជាក្រុមហ៊ុនបដិសណ្ឋារកិច្ចកម្រិតពិភពលោករបស់សិង្ហបុរី។ ជោគជ័យរបស់វាត្រូវបានបង្ហាញតាមរយៈអត្រាផ្ទុកភ្ញៀវជាប់ជានិច្ច ៩៥% ឬច្រើនជាងនេះ។

គម្រោងបន្ទាប់ៗជាច្រើនរបស់ BIM Land ក៏ជាកិច្ចសហការជាមួយក្រុមហ៊ុនបដិសណ្ឋារកិច្ចល្បីៗលើពិភពលោកផងដែរ។ ដៃគូបច្ចុប្បន្នរបស់ BIM Group រួមមាន Hyatt, InterContinental Hotels Group (IHG), Ascott Limited និង Sailing Club Leisure Group។ BIM Land នឹងបន្តនាំយកម៉ាកសញ្ញាបដិសណ្ឋារកិច្ចកម្រិតពិភពលោកមកកាន់ប្រទេសវៀតណាម ដើម្បីលើកកម្ពស់ស្តង់ដារ និងគុណភាពសេវាកម្ម ព្រមទាំងទាក់ទាញអ្នកទេសចរឲ្យមកទស្សនាប្រទេសវៀតណាមកាន់តែច្រើន។

ពានរង្វាន់ World Travel Awards ទទួលស្គាល់ និងអបអរសាទរឧត្តមភាពក្នុងវិស័យធ្វើដំណើរ ទេសចរណ៍ និងបដិសណ្ឋារកិច្ច ដែលត្រូវបានជ្រើសរើសដោយអ្នកបោះឆ្នោតជុំវិញពិភពលោក។ ត្រូវបានបង្កើតឡើងក្នុងឆ្នាំ ១៩៩៣ ពិធីប្រគល់ពានរង្វាន់នេះត្រូវបានរៀបចំឡើងចំនួន ៣ ជុំ គឺនៅកម្រិតជាតិ កម្រិតតំបន់ និងកម្រិតសកល។

សូមចូលទៅកាន់ គេហទំព័ររបស់ BIM Land សម្រាប់ព័ត៌មានបន្ថែម។

 

---