មគ្គុទ្ទេសក៍របស់អ្នកសម្រាប់ពិធីបុណ្យកាំជ្រួចដាណាំង ឆ្នាំ២០១៩

កាលបរិច្ឆេទផ្លូវការនៃការប្រកួតកាំជ្រួចនៅឆ្នាំនេះគឺថ្ងៃទី ១ ខែមិថុនា (ពិធីបើក) ថ្ងៃទី ៨ ខែមិថុនា ថ្ងៃទី ១៥ ខែមិថុនា ថ្ងៃទី ២២ ខែមិថុនា និងថ្ងៃទី ៦ ខែកក្កដា (វគ្គផ្តាច់ព្រ័ត្រ។) ការសម្តែងចាប់ផ្តើមចំពេលម៉ោង ៨ យប់ រៀងរាល់ថ្ងៃសៅរ៍ ក្នុងអំឡុងពេលពិធីបុណ្យ។ កាលវិភាគសម្រាប់ក្រុមប្រកួតប្រជែងគឺ៖

ថ្ងៃទី ១ ខែមិថុនា: វៀតណាម និងរុស្ស៊ី

ថ្ងៃទី ៨ ខែមិថុនា: ប្រេស៊ីល និងប៊ែលហ្សិក

ថ្ងៃទី ១៥ ខែមិថុនា: ហ្វាំងឡង់ និងអ៊ីតាលី

ថ្ងៃទី ២២ ខែមិថុនា: ចក្រភពអង់គឡេស និងចិន

ថ្ងៃទី ៦ ខែកក្កដា: ការប្រកួតផ្តាច់ព្រ័ត្ររវាងក្រុមដែលធ្វើបានល្អបំផុតទាំងពីរ

ប្រសិនបើអ្នកកំពុងឆ្ងល់ថាកន្លែងណាដែលល្អបំផុតក្នុងការទស្សនាកាំជ្រួច នេះជាជម្រើសដ៏ល្អចំនួនបួនក្នុងការជ្រើសរើស៖

1) តំបន់កៅអីទស្សនា៖ អ្នកចូលរួមពិធីបុណ្យអាចទិញសំបុត្រទៅកាន់កន្លែងទស្សនាពិសេស ដែលស្ថិតនៅលើច្រាំងទន្លេហាន ចំពីមុខតំបន់បាញ់កាំជ្រួច។ តំបន់កៅអីអង្គុយអាចផ្ទុកមនុស្សបាន ៣០,០០០ នាក់ ហើយមានសំបុត្រសម្រាប់គ្រប់កម្រិតថវិកា។

2) ស្ពាន និងច្រាំងទន្លេ៖ មនុស្សជាច្រើនចូលចិត្តជួបជុំគ្នានៅលើស្ពានល្បីៗនៃទីក្រុងដាណាំង ដើម្បីមើលកាំជ្រួចដែលបាញ់ឡើងលើផ្ទៃទឹក។ អ្នកអាចរកកន្លែងនៅលើផ្លូវ Bach Dang ឬ Tran Hung Dao ដែលជាផ្លូវរត់តាមបណ្តោយទឹក ដើម្បីទស្សនាការបង្ហាញ។ ការទស្សនាពីតំបន់ទាំងនេះគឺឥតគិតថ្លៃ ប៉ុន្តែជាញឹកញាប់មានមនុស្សកកកុញ។

3) ទូកទេសចរណ៍តាមទន្លេ៖ អ្នកប្រតិបត្តិការទូកនៅដាណាំង នឹងរៀបចំការជិះទូកកម្សាន្តឡើងចុះតាមទន្លេនៅយប់នៃពិធីបុណ្យ។ សំបុត្រសម្រាប់នៅលើផ្ទៃទឹកអំឡុងពេលនៃការបង្ហាញនេះ មានតម្លៃចាប់ពី ៩០០,០០០ ដុង (VND)។ 

4) សណ្ឋាគារ និងបារលើដំបូល៖ សណ្ឋាគារកំពូលៗរបស់ដាណាំង បានបង្កើតកញ្ចប់សេវាកម្មពិសេសសម្រាប់អ្នកទេសចរដែលមកទស្សនាព្រឹត្តិការណ៍នេះ។ សណ្ឋាគារដូចជា Novotel Premier Han River មានកញ្ចប់ DIFF សម្រាប់ជប់លៀងនៅបារលើដំបូល និងបន្ទប់របស់ពួកគេ។ បារដែលមានទិដ្ឋភាពទន្លេយ៉ាងល្អឥតខ្ចោះ ដូចជា Seven Bridges Brewing Co. ក៏ជាកន្លែងដ៏ស័ក្តិសមបំផុតសម្រាប់យប់នៃពិធីបុណ្យផងដែរ។

DIFF ឆ្នាំ ២០១៩ មិនត្រឹមតែអំពីការបាញ់កាំជ្រួចដ៏អស្ចារ្យនៅពេលយប់ប៉ុណ្ណោះទេ។ រៀងរាល់ថ្ងៃអាទិត្យ ចាប់ពីថ្ងៃទី ២ ខែមិថុនា ដល់ថ្ងៃទី ៧ ខែកក្កដា ទីក្រុងដាណាំង នឹងរៀបចំ «Vibrant Street Festival» ដែលជាពិធីបុណ្យតាមផ្លូវក្រៅផ្ទះនៅតាមបណ្តោយផ្លូវ Bach Dang។ រង់ចាំទស្សនាការរាំតាមផ្លូវ និងក្បួនដង្ហែ ការសម្តែងដោយសិល្បករជាតិ និងអន្តរជាតិ ការសម្តែង Flash Mobs ការពិព័រណ៍សិល្បៈ និងម្ហូបអាហារ ព្រមទាំងភេសជ្ជៈវៀតណាមដ៏ឈ្ងុយឆ្ងាញ់ជាច្រើន។

នៅក្នុងខែមិថុនា ឆ្នាំ ២០១៩ ផងដែរ Sun World Ba Na Hills កំពុងស្វាគមន៍អ្នកទស្សនាជាមួយនឹងការសម្តែងថ្មីដែលមានចំណងជើងថា «Sunshine Carnival» ដោយមានអ្នកសម្តែងចំនួន ២០០ នាក់។ អ្នកអាចគេចចេញពីកំដៅនៃទីក្រុង ដោយជិះកន្ត្រកខ្សែកាបវែងជាងគេបំផុតមួយក្នុងពិភពលោក ឡើងទៅកាន់ឧទ្យានកម្សាន្តលើកំពូលភ្នំនេះ ដែលជាកន្លែងស្ពានមាស (Golden Hands bridge) ដ៏ស្រស់ស្អាតកំពុងរង់ចាំ រួមជាមួយការភ្ញាក់ផ្អើលជាច្រើនទៀត។ 

ណែនាំ៖ ប្រសិនបើអ្នកមានគម្រោងទៅទស្សនាភាគកណ្តាលនៃប្រទេសវៀតណាម ក្នុងអំឡុងពេលពិធីបុណ្យកាំជ្រួចអន្តរជាតិដាណាំង ឆ្នាំ ២០១៩ សូមមើលមគ្គុទ្ទេសក៍ណែនាំអំពីដាណាំងរបស់យើង ព្រមទាំងបញ្ជីទីកន្លែងត្រូវទៅនៅហូយអាន ផងដែរ។ 

ដើម្បីទិញសំបុត្រតាមអ៊ីនធឺណិតសម្រាប់តំបន់កៅអីទស្សនាការប្រកួតកាំជ្រួច សូមចូលទៅកាន់គេហទំព័រលក់សំបុត្រផ្លូវការរបស់ Sun World។ 

អ្នកក៏អាចទិញសំបុត្រដោយផ្ទាល់នៅមជ្ឈមណ្ឌលជម្រុញទេសចរណ៍ដាណាំង (Danang Tourism Promotion Center) នៅជាន់ទី ៣ នៃផ្ទះលេខ ១០០ ផ្លូវ Nui Thanh, មជ្ឈមណ្ឌលគាំទ្រទេសចរណ៍ដាណាំង (Danang Tourism Support Centre) នៅផ្ទះលេខ ១០៨ ផ្លូវ Bach Dang ឬនៅកន្លែងលក់សំបុត្ររបស់ Sun World Danang Wonder នៅផ្ទះលេខ ១ ផ្លូវ Phan Dang Luu។

សម្រាប់ព័ត៌មានបន្ថែមអំពីដាណាំង សូមចូលទៅកាន់ www.danangfantasticity.com។

ចង់បានគំនិតធ្វើដំណើរនៅវៀតណាមបន្ថែមទៀតទេ? ចុះឈ្មោះទទួលព្រឹត្តិបត្រព័ត៌មានរបស់យើង ដើម្បីទទួលបានអត្ថបទល្អៗបំផុតរបស់យើងនៅក្នុងប្រអប់សំបុត្ររបស់អ្នក។