[ធ្វើបច្ចុប្បន្នភាព ថ្ងៃទី១២ ខែកុម្ភៈ ឆ្នាំ២០២០] អានបន្ថែម៖ ព័ត៌មានសម្រាប់អ្នកធ្វើដំណើរអំពីវីរុសកូរ៉ូណានៅវៀតណាម

---

[ធ្វើបច្ចុប្បន្នភាព ថ្ងៃទី១ ខែកុម្ភៈ ឆ្នាំ២០២០] ក្រសួងវប្បធម៌ កីឡា និងទេសចរណ៍ បានចេញសេចក្តីណែនាំដល់គណៈកម្មាធិការប្រជាជនបណ្តាខេត្ត និងក្រុងនានា ឱ្យលុបចោលជាបណ្តោះអាសន្ននូវពិធីបុណ្យទាំងអស់ រាប់បញ្ចូលទាំងពិធីបុណ្យដែលកំពុងដំណើរការផងដែរ នៅតាមបណ្តាខេត្តដែលបានប្រកាសពីករណីឆ្លងវីរុស nCoV។

---

ហានូយ ប្រទេសវៀតណាម (ថ្ងៃទី៣០ ខែមករា ឆ្នាំ២០២០) -- ប្រទេសវៀតណាមបានប្រកាសថា ខ្លួននឹងផ្អាកការដំណើរការទិដ្ឋាការ និងការចូលរបស់ទេសចរមកកាន់ប្រទេសវៀតណាមពីតំបន់នានាក្នុងប្រទេសចិនដែលមានការផ្ទុះឡើងនៃវីរុសកូរ៉ូណាប្រភេទថ្មី (nCoV) ព្រមទាំងកម្រិតការធ្វើដំណើរកម្សាន្តរបស់អ្នកទេសចរចិនដែលកំពុងមានវត្តមាននៅក្នុងប្រទេសស្រាប់ផងដែរ។

អាជ្ញាធរទេសចរណ៍បានបញ្ជាក់ប្រាប់សាធារណជនថា រាជរដ្ឋាភិបាលកំពុងប្រកាន់យកជំហរសកម្មក្នុងការគ្រប់គ្រងស្ថានការណ៍ ដោយមានគោលនយោបាយ និងវិធានការជាមុនបានដាក់ចេញរួចហើយ។

អគ្គនាយកដ្ឋានទេសចរណ៍វៀតណាម (VNAT) បានចេញបម្រាមជាបណ្តោះអាសន្ននៅថ្ងៃទី៣០ ខែមករា ឆ្នាំ២០២០។ ក្រុមហ៊ុនទេសចរណ៍និងធ្វើដំណើរត្រូវបានស្នើសុំឱ្យលុបចោលរាល់ដំណើរទស្សនកិច្ចទាំងអស់ទៅកាន់និងមកពីតំបន់ដែលបានរកឃើញវីរុស និងត្រូវតាមដានយ៉ាងសកម្មលើភ្ញៀវរបស់ខ្លួនចំពោះរោគសញ្ញាផ្លូវដង្ហើម។ ការកម្រិតការធ្វើដំណើរក៏នឹងត្រូវអនុវត្តចំពោះពលរដ្ឋនៃប្រទេសផ្សេងទៀតដែលបានទៅទស្សនាតំបន់ផ្ទុះជំងឺក្នុងអំឡុងពេល ១៤ ថ្ងៃកន្លងមកនេះផងដែរ។

នាយករដ្ឋមន្ត្រីបានបង្កើតគណៈកម្មាធិការដឹកនាំជាតិសម្រាប់ការបង្ការ និងគ្រប់គ្រងជំងឺផ្លូវដង្ហើមដែលបង្កឡើងដោយ nCoV។ គណៈកម្មាធិការនេះនឹងជួយនាយករដ្ឋមន្ត្រីក្នុងការដឹកនាំ និងសម្របសម្រួលក្នុងចំណោមក្រសួង ស្ថាប័ន និងអាជ្ញាធរមូលដ្ឋាន ដើម្បីបង្ការការឆ្លងរាលដាលនៃវីរុស។ 

លើសពីនេះ ក្រសួងសុខាភិបាលវៀតណាមបានបង្កើតក្រុមឆ្លើយតបបន្ទាន់ចំនួន ៤៥ ក្រុមដើម្បីប្រយុទ្ធប្រឆាំងនឹងការឆ្លងនៃ nCoV។ ក្រុមទាំងនេះត្រូវបានប្រគល់ភារកិច្ចឱ្យឆ្លើយតបយ៉ាងឆាប់រហ័សចំពោះរាល់របាយការណ៍អំពីវីរុស និងផ្តល់ការគាំទ្រជំនាញដល់មន្ទីរពេទ្យដែលកំពុងថែទាំបុគ្គលដែលមានការឆ្លង nCoV។

អ្នកធ្វើដំណើរក្នងប្រទេសវៀតណាមត្រូវបានលើកទឹកចិត្តឱ្យអនុវត្តតាមការណែនាំអំពីអនាម័យ ដូចជាអ្វីដែលត្រូវបានចុះបញ្ជីដោយអង្គការសុខភាពពិភពលោក ដើម្បីការពារប្រឆាំងនឹងការរាលដាលនៃ nCoV។

វិធានការនានារួមមានការខ្ទប់ច្រមុះ និងមាត់ពេលក្អក ឬកណ្តាស់ ការពាក់ម៉ាសនៅក្នុងការដឹកជញ្ជូនសាធារណៈ និងការលាងដៃឱ្យបានញឹកញាប់ជាមួយសាប៊ូសម្លាប់មេរោគ និងអាល់កុលលាងដៃ។ លើសពីនេះ អ្នកធ្វើដំណើរក៏អាចចាត់វិធានការប្រុងប្រយ័ត្នបន្ថែមដោយជៀសវាងការបរិភោគសាច់ និងផលិតផលទឹកដោះគោដែលមិនទាន់ឆ្អិនល្អ។

អ្នកធ្វើដំណើរត្រូវបានណែនាំឱ្យរាយការណ៍ទៅក្រសួងសុខាភិបាលដោយទូរស័ព្ទទៅលេខ 19003228 ប្រសិនបើពួកគេបានទៅតំបន់ផ្ទុះជំងឺក្នុងរយៈពេល ១៤ ថ្ងៃចុងក្រោយនេះ មានរោគសញ្ញាក្តៅខ្លួន ឬផ្តាសាយ និងមានប្រព័ន្ធការពាររាងកាយខ្សោយ។ 

សម្រាប់សេចក្តីណែនាំ និងព័ត៌មានបន្ថែមស្តីពីការការពារ និងការបង្ការ សូមចូលទៅកាន់ គេហទំព័រផ្លូវការរបស់អង្គការសុខភាពពិភពលោក。

---