ການເດີນທາງລະຫວ່າງສອງອາຄານຜູ້ໂດຍສານຢູ່ສະໜາມບິນບາງຄັ້ງກໍເປັນເລື່ອງທີ່ສັບສົນສຳລັບຜູ້ໂດຍສານທີ່ຈະເດີນທາງໄປຕ່າງປະເທດ. ການບໍລິຫານເວລາເພື່ອຂຶ້ນຍົນໃຫ້ທັນເວລາຮຽກຮ້ອງໃຫ້ຜູ້ໂດຍສານຈັດການທຸກຢ່າງລ່ວງໜ້າ ແລະ ມັນເປັນຄວາມກົດດັນທີ່ຈະຕ້ອງຈັດການທຸກຢ່າງດ້ວຍຕົວເອງ.

 

---

ແຕ່ຢ່າງໃດກໍຕາມ, ຜູ້ໂດຍສານທີ່ຕໍ່ເຄື່ອງຢູ່ສະໜາມບິນສາກົນນອຍບາຍ (ຮ່າໂນ້ຍ) ບໍ່ຈຳເປັນຕ້ອງເປັນຫ່ວງ. ຕັ້ງແຕ່ວັນທີ 1 ກໍລະກົດ 2023 ເປັນຕົ້ນໄປ, ສະໜາມບິນສາກົນນອຍບາຍ (ຮ່າໂນ້ຍ) ຈະເປີດໃຫ້ບໍລິການລົດເມໄຟຟ້າ 2 ຄັນ ເຊື່ອມຕໍ່ລະຫວ່າງອາຄານຜູ້ໂດຍສານພາຍໃນປະເທດ T1 ແລະ ອາຄານຜູ້ໂດຍສານສາກົນ T2. ໃນເບື້ອງຕົ້ນ, ຈະມີລົດເມໄຟຟ້າ VinBus 2 ຄັນ ໝູນວຽນກັນຮັບສົ່ງຜູ້ໂດຍສານລະຫວ່າງສອງອາຄານ.

ລົດເມໄຟຟ້າ VinBus 2 ຄັນ ໝູນວຽນກັນຮັບສົ່ງຜູ້ໂດຍສານລະຫວ່າງອາຄານ T1 ແລະ T2

 

ໃຫ້ບໍລິການດ້ວຍຄວາມຖີ່ 15 ນາທີ/ຮອບ ໃນຊ່ວງເວລາກາງເວັນ (ແຕ່ 7 ໂມງເຊົ້າ ຫາ 11 ໂມງກາງຄືນ) ແລະ 20 ນາທີ/ຮອບ ໃນຊ່ວງເຊົ້າຕຶກ ແລະ ກາງຄືນ. ຢູ່ອາຄານຜູ້ໂດຍສານພາຍໃນປະເທດ T1, ລົດເມຈະຮັບຜູ້ໂດຍສານຢູ່ປີກ A, ຊັ້ນ 1, ແລະ ຢູ່ອາຄານຜູ້ໂດຍສານສາກົນ T2, ຈະຮັບຢູ່ເສົາ 11-12, ເລນ 2, ຊັ້ນ 1.

ລົດເມໄຟຟ້າສາມາດບັນຈຸຜູ້ໂດຍສານໄດ້ສູງສຸດ 67 ຄົນ, ມີເຄື່ອງປັບອາກາດ, ກ້ອງວົງຈອນປິດ, ແລະ ບ່ອນນັ່ງສຳລັບລໍ້ເລື່ອນ, ເດັກນ້ອຍ, ແລະ ຜູ້ສູງອາຍຸ.