ຕັ້ງແຕ່ເດືອນກັນຍາຫາເດືອນພະຈິກ, ອາກາດຈະເຢັນສະບາຍ ແລະ ຄວາມຊຸ່ມຊື່ນຕ່ຳ, ສ້າງບັນຍາກາດທີ່ຜ່ອນຄາຍໃນການຄົ້ນຫາທິວທັດອັນງົດງາມຂອງປະເທດ. ມີສິ່ງຕ່າງໆ ໃຫ້ເບິ່ງ ແລະ ເຮັດຢ່າງຫຼາກຫຼາຍໃນຊ່ວງເວລານີ້ຂອງປີ, ຕັ້ງແຕ່ການຊົມໃບໄມ້ປ່ຽນສີອັນສົດໃສ ໄປຈົນເຖິງການເຂົ້າຮ່ວມງານບຸນປະເພນີທາງວັດທະນະທຳ.
ຮ່າໂນ້ຍ
ຮ່າໂນ້ຍ ແລະ ຫວຽດນາມຕອນເໜືອ ມີອາກາດດີທີ່ສຸດໃນຊ່ວງເວລານີ້ຂອງປີ. ລະດູໃບໄມ້ຫຼົ່ນໃນຮ່າໂນ້ຍມີຄວາມງົດງາມດັ່ງມົນສະເນ່. ເພີດເພີນກັບການຊົມໃບໄມ້ປ່ຽນສີໂດຍການຍ່າງເລາະຕາມຖະໜົນອ້ອມຮອບທະເລສາບຕາເວັນຕົກ, ທະເລສາບຮວ່ານກຽມ, ແລະ ເຕັມອີ່ມໄປກັບກິ່ນຫອມຂອງດອກຕີນເປັດທີ່ລອຍມາຕາມສາຍລົມ. ຍ່າງເຂົ້າໄປໃນເຂດເມືອງເກົ່າເພື່ອລິ້ມລອງອາຫານພື້ນເມືອງແຊບໆ ເຊັ່ນ: ເຂົ້າເມົ່າ, ເຂົ້າໜົມເມົ່າ, ໝາກສີດາ, ໝາກສ້າວດອງ, ໝາກພັບ, ກຸ້ງທອດທະເລສາບຕາເວັນຕົກ,...
ພັກຜ່ອນໂດຍການນັ່ງຢູ່ຮ້ານກາເຟກາງແຈ້ງ ແລະ ເພີດເພີນກັບກາເຟໄຂ່ຫວຽດນາມໜຶ່ງຖ້ວຍ ໃນຂະນະທີ່ທ່ານຊຶມຊັບກັບສາຍລົມເຢັນໆ.
ນິງບິ່ງ
ນິງບິ່ງມີສິ່ງຫຼາຍຢ່າງໃຫ້ທ່ານໄດ້ສຳຜັດ. ການຂີ່ເຮືອລ່ອງຕາມແມ່ເນ້ຳ ໂງດົ່ງ ເພື່ອຊົມທົ່ງນາມີສີທອງ ແລະ ພູເຂົາອັນຕາ່ງຕ່າງທີ່ເປັນສາກຫຼັງອັນສະຫງ່າງາມ. ການຂັບລົດຊົມທິວທັດລະດູໃບໄມ້ຫຼົ່ນຈະພາທ່ານໄປຫາ ວັດບິກດົ່ງ ອັນເກົ່າແກ່ ທີ່ຕັ້ງຢູ່ທ່າມກາງພູເຂົາ ແລະ ຍ່າງຂຶ້ນຂັ້ນໄດ 500 ຂັ້ນຂອງຖ້ຳມົວ ໄປສູ່ຍອດພູມົວ, ຊົມທຳມະຊາດອັນຍິ່ງໃຫຍ່ອະລັງການຂອງນິງບິ່ງດ້ວຍຕາຂອງທ່ານເອງຈາກທີ່ສູງ.
ຮ່າຢາງ
ພູພຽງຫີນປູນ ດົ່ງວັນ ໃນຊ່ວງເດືອນຕຸລາ ແລະ ພະຈິກ ຈະຖືກປະດັບປະດາດ້ວຍດອກບັກວີດສີຂາວ ແລະ ສີຊົມພູ. ການຂີ່ລົດຈັກຜ່ານກິ່ວພູເພື່ອຊົມທິວທັດອັນສວຍງາມ, ຄົ້ນຫາເຮືອນຂອງປະຊາຊົນຊົນເຜົ່າຕ່າງໆ, ຮຽນຮູ້ນິເວດວິຖີຊີວິດທີ່ເປັນເອກະລັກຂອງເຂົາເຈົ້າ… ຢ່າມືດສະຫຼາດກັບການຂີ່ເຮືອລ່ອງແມ່ເນ້ຳ ນໍເກວ; ສຳຜັດກັບສາຍລົມເຢັນໆ ແລະ ເງົາສະທ້ອນຂອງນ້ຳທີ່ໃສສະອາດດັ່ງແກ້ວ. ແວ່ຊົມຕະຫຼາດຊົນເຜົ່າເພື່ອເພີດເພີນກັບອາຫານພື້ນເມືອງທີ່ເຮັດຈາກດອກບັກວີດ, ເຂົ້າໜຽວ, ເທົາຈີ່, ຄວາຍແຫ້ງ,...
ຊາປາ
ນັກທ່ອງທ່ຽວຈະຕົກຮັກ ຊາປາ, ທົ່ງນາມີສີ, ຊົນເຜົ່າເທິງພູ, ແລະ ຍອດພູ ຟານຊີປັງ. ດ້ວຍຄວາມສູງປະມານ 1,600 ແມັດເໜືອລະດັບນ້ຳທະເລໃນແຂວງ ລາວໄກ ທາງຕອນເໜືອຂອງຫວຽດນາມ, ຊາປາ ເປັນສະຖານທີ່ທີ່ເຂົ້າເຖິງໄດ້ຍາກມາໂດຍຕະຫຼອດ ສຳລັບຄົນສ່ວນໃຫຍ່ ນອກຈາກຊົນເຜົ່າສ່ວນນ້ອຍທີ່ສ້າງທົ່ງນາມີສີຕາມໄຫຼ່ພູ. ໂດຍສະເພາະໃນເດືອນກັນຍາ, ເມື່ອຮ່ອມພູຖືກປົກຄຸມດ້ວຍທົ່ງນາສີທອງ. ການຍ່າງປ່າຂຶ້ນສູ່ຍອດພູ ຟານຊີປັງ ຈະມອບທິວທັດອັນສວຍງາມຕາຕະລຶງໃຫ້ກັບທ່ານ.
ໂມກເຈົາ
ໂມກເຈົາ ເປັນສະຖານທີ່ທ່ອງທ່ຽວອັນສວຍງາມທີ່ຕັ້ງຢູ່ໃນແຂວງ ເຊີນລາ. ທິວທັດທຳມະຊາດອັນສວຍງາມຕາຕະລຶງ, ອາກາດທີ່ສົດຊື່ນ ແລະ ມໍລະດົກທາງວັດທະນະທຳອັນມີຊີວິດຊີວາ ໄດ້ຊະນະໃຈນັກທ່ອງທ່ຽວຢ່າງຫຼາກຫຼາຍ. ໂມກເຈົາ ມອບປະສົບການອັນແສນວິເສດໃຫ້ກັບນັກທ່ອງທ່ຽວທຸກຄົນທີ່ຫຼົງໄຫຼໃນທຳມະຊາດ, ການຍ່າງປ່າ ແລະ ການປີນພູ. ໃນຊ່ວງລະດູໃບໄມ້ຫຼົ່ນ, ທິວທັດຈະປ່ຽນເປັນສີເຫຼືອງ ແລະ ສີແດງອັນສົດໃສ ເມື່ອໃບໄມ້ປ່ຽນສີ, ສ້າງສາກອັນສວຍງາມຄືກັບຮູບແຕ້ມສຳລັບການຖ່າຍຮູບ. ສຳລັບຜູ້ທີ່ຊອກຫາການພັກຜ່ອນອັນສະຫງົບສຸກທ່າມກາງທຳມະຊາດ, ໃຫ້ມຸ່ງໜ້າໄປຫາທົ່ງຊາເຂຽວສົດງາມ ແລະ ເພີດເພີນກັບຊາຮ້ອນໆ ທີ່ຕົ້ມໃໝ່ໆ ໜຶ່ງຖ້ວຍ. ດ້ວຍຕາດນ້ຳຕົກຫຼາຍສາຍ, ປ່າແປກ, ແລະ ກິດຈະກຳກາງແຈ້ງ ເຊັ່ນ: ການຍ່າງປ່າ ແລະ ການຫຼິ້ນພາຣາໄກຼດິ້ງ, ໂມກເຈົາ ແມ່ນສະຖານທີ່ທ່ອງທ່ຽວອັນມີສະເໜ່ທີ່ສະທ້ອນໃຫ້ເຫັນເຖິງຄວາມງົດງາມ ແລະ ຄວາມດຶງດູດຂອງຫວຽດນາມຕອນເໜືອ.
