ການເລີ່ມອອກດອກຂອງດອກທານຕະເວັນປ່າແມ່ນສັນຍານບອກເຖິງການສິ້ນສຸດຂອງລະດູໃບໄມ້ຫຼົ່ນ ແລະ ການເລີ່ມຕົ້ນຂອງລະດູໜາວຢູ່ເມືອງ ດ່າລາດ ເຂດພູພຽງ Central Highlands, ແລະ ນັ້ນແມ່ນເວລາທີ່ສວນໝາກພັບສຸກເຫຼືອງປົກຄຸມທົ່ວເມືອງ. ສວນໝາກພັບຢູ່ທີ່ນີ້ແມ່ນໄດ້ຖືກປູກຕາມທຳມະຊາດໂດຍບໍ່ໄດ້ໃຊ້ເຮືອນແກ້ວ. ເຖິງຢ່າງໃດກໍຕາມ, ໃນລະດູເກັບກ່ຽວ, ພຽງແຕ່ຍ່າງເຂົ້າໄປໃນສວນ, ທ່ານກໍຈະໄດ້ກິ່ນຫອມຂອງໝາກພັບສຸກ. ລະດູໝາກພັບມັກຈະຕົກຢູ່ໃນຊ່ວງທ້າຍເດືອນຕຸລາ ແລະ ເດືອນພະຈິກ. ເຈົ້າຂອງສວນຈະປູກໝາກພັບຈົນກວ່າພວກມັນຈະສຸກ ແລະ ປ່ຽນເປັນສີເຫຼືອງ, ກ່ອນຈະນຳໝາກໄມ້ມາຜະລິດເປັນໝາກພັບຕາກລົມ. ໝາກພັບກອບແມ່ນເປັນທີ່ນິຍົມຂອງນັກທ່ອງທ່ຽວຫຼາຍທ່ານໃນການຊື້ເປັນຂອງຝາກໃຫ້ຄອບຄົວ ແລະ ໝູ່ເພື່ອນ ຍ້ອນວ່າໝາກໄມ້ມີລົດຊາດຫວານ ແລະ ມີກິ່ນຫອມໜ້າຮັບປະທານ.
ທັດສະນີຍະພາບອັນງຽບສະຫງົບຂອງສວນໝາກພັບ ດ່າລາດ (ຮູບພາບ: TITC)
ຈາກໃຈກາງເມືອງ ດ່າລາດ, ທ່ານສາມາດເດີນທາງໄປຕາມເສັ້ນທາງ ຖະໜົນ ເຈິ່ນຮຸ່ງດ້າວ (Tran Hung Dao), ຜ່ານຖະໜົນ ເຄຊານ (Khe Sanh) ແລະ ໄປຈົນສຸດຜາ ມິໂມຊາ (Mimosa Pass), ທ່ານຈະເຫັນສວນໝາກພັບກະຈາຍຢູ່ທັງສອງຝາກທາງ. ນັກທ່ອງທ່ຽວສາມາດຊົມສວນໝາກພັບໃນຊ່ວງເວລາທີ່ງາມທີ່ສຸດຂອງປີ, ພ້ອມທັງຮັບຊົມຂະບວນການຜະລິດໝາກພັບຕາກລົມ.
ໃນຊຸມມື້ເລີ່ມຕົ້ນນີ້, ສວນ ເລວັນ (Le Van) ຢູ່ເນີນພູ Mimosa ໄດ້ຮັບການຢ້ຽມຢາມຢ່າງເປັນປະຈຳຈາກກຸ່ມນັກທ່ອງທ່ຽວທີ່ຫຼັ່ງໄຫຼກັນມາຊົມຕົ້ນໝາກພັບທີ່ອອກໝາກດົກໜາສຸກເຫຼືອງ.
ໝາກພັບອອກໝາກດົກເຕັມຕົ້ນ (ຮູບພາບ: TITC)
ໝາກພັບສຸກທີ່ກຳລັງຖໍ້ານັກທ່ອງທ່ຽວມາເກັບ (ຮູບພາບ: TITC)
ໝາກພັບໝາກໃຫຍ່ສົມບູນພ້ອມທີ່ຈະນຳໄປແຂວນຕາກລົມ (ຮູບພາບ: TITC)
ໝາກພັບຕາກລົມແມ່ນອາຫານພິເສດທີ່ມີຊື່ສຽງຂອງ ດ່າລາດ
ທັດສະນີຍະພາບອັນງຽບສະຫງົບຂອງສວນໝາກພັບແມ່ນໜຶ່ງໃນເອກະລັກທີ່ດຶງດູດນັກທ່ອງທ່ຽວ (ຮູບພາບ: TITC)
ຜະລິດຕະພັນພິເສດຈາກໝາກພັບ ເຊັ່ນ: ໝາກພັບຕາກລົມ, ໝາກພັບແຫ້ງ, ໝາກພັບນຸ້ມ, ໝາກພັບອັດ... ຍັງຄົງແມ່ນຕົວເລືອກຂອງນັກທ່ອງທ່ຽວສະເໝີເມື່ອມາຮອດ ດ່າລາດ (ຮູບພາບ: TITC)
