ຮາໂນ້ຍ, ຫວຽດນາມ (4 ກັນຍາ 2018)--ເພື່ອສະຫຼອງເທດສະການໄຫວ້ພະຈັນໃນປີນີ້, ໂຮງແຮມ Sofitel Legend Metropole Hanoi ໄດ້ເປີດຕົວຊຸດຂອງຂວັນເຂົ້າໜົມໄຫວ້ພະຈັນ ທີ່ໂດດເດັ່ນດ້ວຍພາບແຕ້ມຫວນຄືນຄວາມຫຼັງ ໂດຍນັກຂຽນນິຍາຍພາບ ແລະ ນັກຮູບແຕ້ມປະກອບຊາວຫວຽດນາມ ຜູ້ໄດ້ຮັບລາງວັນ, Nguyen Thanh Phong.

ອອກແບບມາເພື່ອຫວນຄືນເຖິງວັນເວລາໃນໄວເດັກທີ່ໄຮ້ຄວາມກັງວົນ, ກ່ອງເຂົ້າໜົມໄຫວ້ພະຈັນສີແດງ ແລະ ສີຂາວແຕ່ລະກ່ອງໄດ້ຖືກຕົກແຕ່ງດ້ວຍພາບແຕ້ມລາຍເສັ້ນທີ່ລະອຽດອ່ອນ. ພາບແຕ້ມຂອງ Phong ໄດ້ບັນທຶກບັນຍາກາດຂອງວັນພັກ ໃນຂະນະທີ່ເດັກນ້ອຍແຫ່ໂຄມໄຟເຈ້ຍຕາມທ້ອງຖະໜົນ ຄຽງຄູ່ກັບການເຊີດສິງໂຕ. ພາບເລົ່າເລື່ອງນີ້ໄດ້ຮັບແຮງບັນດານໃຈຈາກຄວາມຊົງຈຳໃນໄວເດັກຂອງນັກສິນລະປິນເອງ.

ເກີດ ແລະ ເຕີບໃຫຍ່ຢູ່ຮາໂນ້ຍ, Phong ເປັນທີ່ຮູ້ຈັກດີຈາກພາບແຕ້ມລາຍເສັ້ນແນວເໜືອຈິງຂອງເມືອງນີ້. ນັກຂຽນກາຕູນໜຸ່ມຜູ້ນີ້ໄດ້ຮັບລາງວັນລະດັບນານາຊາດຫຼວງຫຼາຍຕະຫຼອດອາຊີບຂອງລາວ, ລວມທັງລາງວັນພິເສດຈາກຄະນະກຳມະການ (Special Jury Prize) ສຳລັບຜົນງານສິນລະປະດີເດັ່ນ ໃນການປະກວດ Asian Youth Animation & Comics Contest ໃນປີ 2011 ພ້ອມທັງລາງວັນຫຼຽນເງິນ (Silver Award) ໃນງານປະກວດ International MANGA Awards ປະຈຳປີ 2016.

ເຂົ້າໜົມໄຫວ້ພະຈັນຂອງ Metropole ປີນີ້ ປະກອບມີລົດຊາດຄລາສສິກ ເຊັ່ນ: ເມັດບົວ ແລະ ເຂົ້າເມົ່າ, ງາດຳກັບໝາກພ້າວ, ຖົ່ວຂຽວກັບໄຂ່ເຄັມ, ແລະ ຄາຣາເມລກັບໝາກເດື່ອແຫ້ງ. Metropole ຍັງໄດ້ເປີດຕົວລົດຊາດໃໝ່ສຳລັບເທດສະການນີ້ ດ້ວຍລົດຊາດໃໝ່: ພິສຕາຊິໂອ ແລະ ກາເຟ.  

ຊຸດທີ່ຫຸ້ມຫໍ່ຢ່າງງົດງາມແຕ່ລະຊຸດປະກອບມີເຂົ້າໜົມໄຫວ້ພະຈັນ 6 ກ້ອນທີ່ຫໍ່ແຍກກັນໃນ 6 ລົດຊາດທີ່ແຕກຕ່າງກັນ, ໃນລາຄາ 1,850,000++ ດົງ ຕໍ່ກ່ອງ. ເຂົ້າໜົມໄຫວ້ພະຈັນຂອງ Metropole ມາວາງຈຳໜ່າຍຢູ່ L’Epicerie du Metropole ຕັ້ງແຕ່ວັນທີ 20 ສິງຫາ ຫາ 24 ກັນຍາ 2018.

 

ສຳລັບການສັ່ງຈອງ, ກະລຸນາຕິດຕໍ່: 
Ms. Hang – ຜູ້ຈັດການ L’Epicerie
+84 24 3933 5224
h1555-fb3@sofitel.com

ໂຮງແຮມ Metropole Hotel Hanoi

###

---