ເປັນບ່ອນພັກຜ່ອນທີ່ເດີນທາງໄປໄດ້ງ່າຍຈາກ ຮາໂນ້ຍ, Mai Chau ທີ່ມີທົ່ງນາຂຽວງາມ ແລະ ໝູ່ບ້ານໄທຂາວອັນເກົ່າແກ່ ໄດ້ເຮັດໃຫ້ບ່ອນນີ້ເປັນຈຸດໝາຍປາຍທາງທີ່ດຶງດູດໃຈສຳລັບຜູ້ທີ່ມັກທຳມະຊາດ ແລະ ວັດທະນະທຳ. Mai Chau Lodge ເປັນບ່ອນພັກທີ່ໄດ້ຮັບຄວາມນິຍົມມາຢ່າງຍາວນານໃນຮ່ອມພູແຫ່ງນີ້, ໂດຍປະສົມປະສານຫ້ອງພັກທີ່ຕົກແຕ່ງຢ່າງມີສະໄຕລ໌, ອາຫານທ້ອງຖິ່ນ, ແລະ ການຜະຈົນໄພທີ່ແທ້ຈິງຢູ່ແຄມທົ່ງນາ. ນີ້ແມ່ນ 3 ສິ່ງທີ່ທ່ານຈະຫຼົງຮັກກ່ຽວກັບ Mai Chau Lodge.
ບົດທີ 01 —
ຫ້ອງພັກທີ່ອົບອຸ່ນ ແລະ ສະບາຍ
ດ້ວຍແຮງບັນດານໃຈຈາກເຮືອນເສົາໄມ້ຂອງຊົນເຜົ່າໄທຂາວ, Mai Chau Lodge ໄດ້ນຳເອົາມົນສະເໜ່ຂອງຈຸດໝາຍປາຍທາງມາໄວ້ທາງໃນ, ດ້ວຍການຕົກແຕ່ງພາຍໃນດ້ວຍໄມ້ທີ່ອົບອຸ່ນ ແລະ ລາຍລະອຽດນ້ອຍໆທີ່ສະທ້ອນເຖິງວັດທະນະທຳຂອງຮ່ອມພູ. ທ່ານສາມາດຊົມຜ້າແພທີ່ມີສີສັນສົດໃສ, ເຄື່ອງດົນຕີຂອງຊົນເຜົ່າສ່ວນນ້ອຍ ແລະ ຮູບພາບທີ່ໜ້າສົນໃຈຕາມທາງຍ່າງ ແລະ ໃນຫ້ອງພັກ. ຫ້ອງພັກທີ່ອົບອຸ່ນສະບາຍທັງ 19 ຫ້ອງຂອງຣີສອດແມ່ນຫັນໜ້າໄປທາງພູເຂົາທາງໜ້າ ຫຼື ສະລອຍນ້ຳທາງຫຼັງ.
ຫຼັງຈາກການທ່ຽວຊົມຮ່ອມພູມາຕະຫຼອດມື້, ກໍໄດ້ເວລາພັກຜ່ອນ ແລະ ຜ່ອນຄາຍ! ຜ່ອນຄາຍກາງແຈ້ງອ້ອມສະລອຍນ້ຳຮູບຊົງອິດສະຫຼະ, ຫຼື ໃຊ້ບໍລິການອ່າງຈາກຸຊຊີຮ້ອນ, ຫ້ອງຊາວນາ ແລະ ຫ້ອງອົບໄອນ້ຳທາງໃນ. ສຳລັບຜູ້ທີ່ຕ້ອງການຜ່ອນຄາຍຫຼາຍຂຶ້ນ, ກໍມີບໍລິການນວດ ແລະ ທຣີດເມັ້ນຈາກ Lotus Spa ເຊັ່ນກັນ.
ບົດທີ 02 —
ການທ່ຽວຊົມ ແລະ ທົວຂີ່ລົດຖີບທີ່ງ່າຍດາຍ
Mai Chau Lodge ມີກິດຈະກຳທີ່ມ່ວນຊື່ນຫຼາກຫຼາຍ, ຢ່າງເຊັ່ນ: ການຍ່າງປ່າຂຶ້ນເຂົາ, ການຂີ່ລົດຖີບທ່ອງທ່ຽວ, ແລະ ທົວຢ້ຽມຊົມໝູ່ບ້ານຫັດຖະກຳ. ໂຕ໊ະຕ້ອນຮັບສາມາດຈັດທົວຊົມຖ້ຳ Mo Luong ຟຣີ, ເຮືອຄາຍັກສຳລັບໜອງບົວທີ່ຢູ່ໃກ້ໆ, ແລະ ບໍລິການເຊົ່າລົດຖີບຟຣີ. ໝູ່ບ້ານຊົນເຜົ່າ Lac, Poom Chong, ແລະ Nhot ຢູ່ຫ່າງອອກໄປພຽງ 1 ກິໂລແມັດ, ແລະ ດີທີ່ສຸດແມ່ນໄປທ່ຽວຊົມໂດຍມີໄກ່ດທ້ອງຖິ່ນນຳທາງ.
ຂຶ້ນລົດຖີບ ແລະ ຂີ່ຜ່ານໝູ່ບ້ານ ແລະ ຟາມຕ່າງໆໃນຮ່ອມພູ. ພາບວິຖີຊີວິດທ້ອງຖິ່ນຈະຜ່ານໄປໃນທຸກໆການຢຽບຖີບ: ເດັກນ້ອຍຫຼິ້ນນ້ຳຢູ່ຫວ່າງນ້ຳ, ຊາວນາກຳລັງບົວລະບັດທົ່ງນາ, ແລະ ແມ່ຍິງຕຳຜ້າແພສີສັນສົດໃສດ້ວຍກີ່. ຖ້າທ່ານມີໂອກາດ, ໃຫ້ໄປຢ້ຽມຢາມເຮືອນຂອງຊາວໄທຂາວ ເພື່ອສຳພັດວິຖີຊີວິດຊົນນະບົດໃນ Mai Chau ຢ່າງເລິກເຊິ່ງກວ່າ.
ບົດທີ 03 —
ອາຫານທ້ອງຖິ່ນອັນແຊບຊ້ອຍ
Mai Chau Lodge ເສີບອາຫານຫວຽດນາມ ແລະ ອາຫານຕາເວັນຕົກອັນແຊບຊ້ອຍໃນຮ້ານອາຫານ Bo Luong ທີ່ກວ້າງຂວາງ, ເຊິ່ງສາມາດມອງເຫັນໜອງບົວ ແລະ ທົ່ງນາທີ່ຢູ່ຖັດໄປ. ຝາກະຈົກຕັ້ງແຕ່ພື້ນຮອດເພພານຈະຊ່ວຍໃຫ້ທ່ານ ເພີດເພີນກັບວິວທາງນອກໃນທຸກໆຄາບອາຫານ.
ຣີສອດມີບໍລິການບຸບເຟ້ອາຫານເຊົ້າເຕັມຮູບແບບ, ແລະ ແຂກຍັງສາມາດສັ່ງອາຫານແບບ a la carte, ຫຼື ເລືອກຈາກເຊັດເມນູສຳລັບອາຫານສ່ຽງເວັນ ຫຼື ອາຫານຄ່ຳ. ອາຫານແມ່ນປຸງແຕ່ງດ້ວຍວັດຖຸດິບສົດໃໝ່ຈາກທ້ອງຖິ່ນ, ແລະ ໂຕ໊ະທີ່ຈັດໄວ້ແຄມສະລອຍນ້ຳ ແລະ ຢູ່ຊານເຮືອນກໍເພີ່ມທາງເລືອກໃຫ້ເພີດເພີນກັບອາກາດບໍລິສຸດ ແລະ ວິວທີ່ສວຍງາມຂອງ Mai Chau.
