ການທ່ອງທ່ຽວຕົວເມືອງ

ໃນຂະນະທີ່ເຂດຊົນນະບົດຂອງຫວຽດນາມມີສະເໜ່ອັນແສນສະຫງົບ, ບັນດາຕົວເມືອງຕ່າງໆກໍມີສະເໜ່ສະເພາະຕົວທີ່ໂດດເດັ່ນ. ສໍາຜັດກັບວັດທະນະທໍາຕົວເມືອງຂອງຫວຽດນາມໂດຍການໃຊ້ເວລາ 2-3 ມື້ ຢູ່ ຮາໂນ້ຍ ຫຼື ນະຄອນໂຮ່ຈີມິນ. ຢູ່ທີ່ນີ້, ທ່ານຈະໄດ້ລິ້ມລອງອາຫານລະດັບໂລກຄຽງຄູ່ກັບອາຫານຮ່າງທາງລາຄາປະຢັດ, ວັດເກົ່າແກ່ຕັ້ງຢູ່ຂ້າງໂຮງແຮມຫ້າດາວ, ແລະ ສູນການຄ້າອັນທັນສະໄໝຢູ່ໃກ້ໆກັບຕະຫຼາດທີ່ຄຶກຄື້ນ. ຮາໂນ້ຍ ເປັນເມືອງແຫ່ງທະເລສາບ, ໂດຍມີຂຸມຊັບທາງປະຫວັດສາດ ແລະ ວັດທະນະທໍາທີ່ຈະສ້າງຄວາມປະທັບໃຈໃຫ້ກັບຜູ້ທີ່ມັກຮັກອະດີດ. ນະຄອນໂຮ່ຈີມິນ ມີພະລັງຊີວິດຊີວາທີ່ຍາກຈະຕ້ານທານໄດ້, ທັງເປັນບ່ອນຮວມຂອງ rooftop bar ສຸດເກ໋, ພື້ນທີ່ເຮັດວຽກຮ່ວມກັນ (coworking space) ອັນທັນສະໄໝ, ແລະ ຄາເຟ່ສະໄຕລ໌ໂຄໂລນຽລສຸດຊິກ. ຢ່າລືມຂີ່ລົດຈັກຢ່າງໜ້ອຍໜຶ່ງຄັ້ງໃນການຢ້ຽມຢາມຂອງທ່ານ ເພື່ອສໍາຜັດກັບຈັງຫວະຊີວິດຂອງຕົວເມືອງຫວຽດນາມຢ່າງແທ້ຈິງ.