ວັດທະນະທຳ

ຫວຽດນາມໄດ້ຮັບມໍລະດົກທາງວັດທະນະທຳທີ່ອຸດົມສົມບູນມາຈາກປະຫວັດສາດດົນນານຫຼາຍພັນປີ, ໂດຍມີອິດທິພົນຈາກພາຍນອກເຂົ້າມາປະສົມປະສານນຳ. ລັດທິເຕົາ ແລະ ລັດທິຂົງຈືຍັງຄົງມີບົດບາດສຳຄັນໃນຄ່ານິຍົມຂອງຄົນຫວຽດນາມ. ປັດຊະຍາ ແລະ ຂະນົບທຳນຽມປະເພນີຂອງຈີນສາມາດພົບເຫັນໄດ້ຢ່າງແພ່ຫຼາຍ. ແລະ ວັດຖຸດິບອາຫານທີ່ໄດ້ຮັບແຮງບັນດານໃຈຈາກຝຣັ່ງກໍໄດ້ຮັບການດັດປັບໃຊ້ໄປທົ່ວປະເທດ. ເຖິງຢ່າງໃດກໍຕາມ, ຄົນຫວຽດນາມມີຄວາມພາກພູມໃຈຢ່າງຍິ່ງໃນປະເພນີ ແລະ ວິຖີຊີວິດຂອງເຂົາເຈົ້າ. ເມືອງທາງພາກກາງຢ່າງ ເຫວ້ ແລະ ຮອຍອັນ ແມ່່ນຂຸມຊັບສຳລັບຜູ້ທີ່ຫຼົງໄຫຼໃນວັດທະນະທຳ ເຊັ່ນດຽວກັບ ຮ່າໂန້ຍ, ເມືອງຫຼວງທີ່ສະຫງ່າງາມຂອງປະເທດ. ນອກເມືອງໃຫຍ່, ອົງປະກອບຫຼາຍຢ່າງຂອງວັດທະນະທຳຫວຽດນາມມີຕົ້ນກຳເນີດມາຈາກວົງຈອນການເຮັດນາ. ສິ່ງເຫຼົ່ານີ້ຄອບຄຸມທຸກຢ່າງຕັ້ງແຕ່ເທສະການເກັບກ່ຽວໄປຈົນເຖິງມາລະຍາດເທິງໂຕະອາຫານ. ມີຫຼາກຫຼາຍວິທີທີ່ຈະໃຫ້ທ່ານໄດ້ສຳພັດກັບວິຖີຊີວິດຂອງຫວຽດນາມ, ລວມທັງ ຄອດຮຽນເຮັດອາຫານ, ເວີກຊອບຫັດຖະກຳ, ການຢ້ຽມຊົມວັດວາອາຮາມ, ການສະແດງດົນຕີ, ທ່ຽວຊົມການປູກເຂົ້າ, ການຢ້ຽມຊົມພິພິທະພັນ ແລະ ອື່ນໆ ອີກຫຼາຍຢ່າງ.