ຈຸດໝາຍປາຍທາງເຫຼົ່ານີ້ມີຊື່ສຽງໂດ່ງດັງດ້ານທົວຟື້ນຟູ ແລະ ບຳບັດຮ່າງກາຍ ແລະ ຈິດໃຈ. ສະປາ, ໂຢຄະບຳບັດ, ການຝຶກສະມາທິຢ່າງມີສະຕິ, ການເດີນຈົງກົມ, ສະຖານທີ່ພັກຜ່ອນເພື່ອສຸຂະພາບ, ບ້ຳນ້ຳຮ້ອນ/ນ້ຳແຮ່ທຳມະຊາດ ແລະ ຄ້າຍຝຶກອົບຮົມ, ການຝຶກສະມາທິທີ່ໄດ້ຮັບແຮງບັນດານໃຈຈາກທຳມະຊາດ ຟັງແລ້ວຄືກັບສຽງດົນຕີທີ່ອ່ອນຫວານ. ຄວາມຮູຮາຂອງການບຳບັດດ້ວຍຄວາມສະຫງົບໄດ້ຖືກອະທິບາຍວ່າເປັນເສັ້ນທາງສູ່ຄວາມສະຫງົບສຸກທີ່ເໝາະສົມກັບຄົນທຸກຊັ້ນຄົນ, ເໝາະສຳລັບເດັກນ້ອຍ, ຜູ້ໃຫຍ່ ແລະ ຜູ້ເຖົ້າ. ເສັ້ນທາງນີ້ຈະຊຳລະລ້າງຮ່າງກາຍຂອງທ່ານ ແລະ ປອບປະໂລມຈິດໂຍນຂອງທ່ານ. ມັນບໍ່ແມ່ນການຜະຈົນໄພທີ່ເລິກເຊິ່ງ ແລະ ເສລີໃນທຳມະຊາດ ແຕ່ແມ່ນການເດີນທາງເພື່ອຄົ້ນຫາຕົວຕົນພາຍໃນຂອງທ່ານ.
ຫວຽດນາມ ໄດ້ຮັບການຍົກຍ້ອງໃຫ້ເປັນ ຈຸດໝາຍປາຍທາງສະປາທີ່ດີທີ່ສຸດຂອງອາຊີ ໂດຍງານປະກາດລາງວັນ World Spa Awards 2023 ດ້ວຍເຫດຜົນຫຼາຍຢ່າງ. ດ້ວຍທັດສະນີຍະພາບທຳມະຊາດທີ່ສວຍງາມ, ຊາຍຝັ່ງທະເລທີ່ຍາວນານ, ຫາບຊາຍທີ່ງົດງາມ ແລະ ການຂະຫຍາຍຕົວຂອງຣີສອດ ແລະ ໂຮງແຮມລະດັບພຣີມຽມ, ຫວຽດນາມ ໄດ້ຮັບການຕີລາຄາສູງໃນດ້ານທ່າແຮງການພັດທະນາການທ່ອງທ່ຽວເພື່ອສຸຂະພາບ. ດານັງ, ຮອຍອານ, ຍາຈາງ, ຟູກວກ ແມ່ນມີຄວາມດຶງດູດຍ້ອນຊາຍຝັ່ງທະເລທີ່ຍາວ, ອາຫານການກິນທີ່ອຸດົມສົມບູນ, ສະພາບອາກາດທີ່ເອື້ອອຳນວຍ ແລະ ສິ່ງອຳນວຍຄວາມສະດວກດ້ານຄວາມບັນເທີງເພື່ອຟື້ນຟູພະລັງງານຂອງນັກທ່ອງທ່ຽວ.
ຢູ່ ດານັງ, ເມືອງນີ້ມີປັດໄຈທີ່ສອດຄ່ອງກັບຄວາມຕ້ອງການຂອງນັກທ່ອງທ່ຽວສຳລັບການທ່ອງທ່ຽວພັກຜ່ອນ. ວາລະສານເສດຖະກິດອາເມລິກາທີ່ມີຊື່ສຽງ Forbes ໄດ້ໂວດໃຫ້ຫາບຊາຍ ໝີເຄ (My Khe) ຂອງດານັງ ເປັນ 1 ໃນ 6 ຫາບຊາຍທີ່ດຶງດູດທີ່ສຸດໃນໂລກ. Spa Lagoon Villas, InterContinental Danang Sun Peninsula (ດານັງ) ກໍໄດ້ຮັບລາງວັນຈາກ World Spa Awards 2023 ເປັນ World's Best Private Spa Villas (ວິລາສະປາສ່ວນຕົວທີ່ດີທີ່ສຸດໃນໂລກ).
InterContinental Danang Sun Peninsula (ດານັງ)
ດາວເດັ່ນອື່ນໆ ຂອງຫວຽດນາມ ໃນວົງການສະປາໂລກ ສາມາດເອີ່ຍຊື່ໄດ້ເຊັ່ນ: Legacy Yen Tu MGallery (ກວາງນິງ); TIA Wellness Resort (ດານັງ); Victoria Hoi An Beach Resort & Spa (ຮອຍອານ); Kawara My An Onsen Resort (ເຫ້ວ); Banyan Tree Lang Co (ເຫ້ວ); Evason Ana Mandara Resort (ຍາຈາງ); Amanoi Ninh Thuan (ນິງຖວນ); Minera Hot Springs Binh Chau (ບາເຣຍ-ຫວຸງເຕົາ);...
Legacy Yen Tu MGallery (ກວາງນິງ)
ຫວຽດນາມ ມອບລາຍຊື່ຈຸດໝາຍປາຍທາງເພື່ອສຸຂະພາບອັນຍາວນານທີ່ສາມາດຕອບສະໜອງຄວາມຮັກມັກຂອງນັກທ່ອງທ່ຽວທົ່ວໂລກ. ມັນອາດຈະເປັນເມືອງເກົ່າ ຮອຍອານ, ທີ່ແບກຮັກສາຄວາມງາມອັນເກົ່າແກ່ແຕ່ມີຄຸນຄ່າ, ຄວາມສະຫງົບງຽບທີ່ມີໄຄເກາະຢູ່ຕາມຫຼັງຄາກະເບື້ອງແຕ່ລະແຜ່ນ; ຫຼື ອາດຈະເປັນ “ໄຂ່ມຸກแห่งຕາເວັນອອກໄກ” ຍາຈາງ, ບ່ອນທີ່ມີຊາຍຝັ່ງທະເລທີ່ມີສະເໜ່ ແລະ ວິລາທີ່ຊ່ອນຕົວຢູ່ໃນປ່າ; ຫຼື ຟູກວກ - ເກາະໄຂ່ມຸກ, ບ່ອນທີ່ຣີສອດທັງໝົດມີບໍລິການລອຍນ້ຳ ແລະ ດຳນ້ຳເບິ່ງປະກາລັງ.
Victoria Hoi An Beach Resort & Spa (ຮອຍອານ)
ດັ່ງທີ່ປຶ້ມ “Eat, Pray, Love” ຂອງ Elizabeth Gilbert ໄດ້ຂຽນໄວ້ວ່າ “ບ່ອນພັກຜ່ອນຂອງຈິດໃຈແມ່ນຫົວໃຈ. ສິ່ງດຽວທີ່ຈິດໃຈໄດ້ຍິນຕະຫຼອດມື້ແມ່ນສຽງລະຄັງ, ສຽງເນືອງນັນ ແລະ ການໂຕ້ຖຽງ, ແລະ ສິ່ງດຽວທີ່ມັນຕ້ອງການແມ່ນຄວາມສະຫງົບ. ບ່ອນດຽວທີ່ຈິດໃຈຈະພົບຄວາມສະຫງົບແມ່ນຢູ່ພາຍໃນຄວາມງຽບສະຫງົບຂອງຫົວໃຈ.”. ອາລຸນໃໝ່ເລີ່ມຕົ້ນຈາກຫວຽດນາມ ແລະ ສິ່ງທີ່ທ່ານຕ້ອງການທັງໝົດແມ່ນການສຸມໃສ່ການດູແລສຸຂະພາບ ແລະ ການຜ່ອນຄາຍ, ເພື່ອສຳຜັດກັບຫວຽດນາມຢ່າງເຕັມທີ່ ແລະ ເໜືອກວ່າສິ່ງອື່ນໃດ ແລະ ສິ່ງທີ່ສຳຄັນທີ່ສຸດແມ່ນການຄົ້ນຫາຫົວໃຈ, ຈິດໃຈ ແລະ ດວງວິນຍານທີ່ສະຫງົບສຸກຂອງພວກເຮົາ.
