ລາຍງານໄດ້ປະເມີນຈຸດໝາຍປາຍທາງໂດຍອີງຕາມເກນສຳຄັນຫຼາຍຢ່າງ: ຄວາມປອດໄພ, ຄວາມສະດວກໃນການຄົມມະນາຄົມຂົນສົ່ງ, ຄວາມເປັນກັນເອງຂອງປະຊາຊົນທ້ອງຖິ່ນ, ແລະ ຄວາມເປັນເອກະລັກຂອງປະສົບການທາງວັດທະນະທຳ ແລະ ທຳມະຊາດ. Travel + Leisure ເນັ້ນໜັກວ່າ ຫວຽດນາມ ມອບປະສົບການການທ່ອງທ່ຽວຄົນດຽວທີ່ຫຼາກຫຼາຍ ແລະ ອຸດົມສົມບູນ, ຕັ້ງແຕ່ສິ່ງອັດສະຈັນທາງທຳມະຊາດທີ່ງົດງາມ ໄປຈົນເຖິງວັດທະນະທຳທ້ອງຖິ່ນທີ່ມີຮາກເຫງົ້າອັນເລິກເຊິ່ງ.
ຮ່າໂນ້ຍ
ເມືອງເກົ່າ ຮອຍອານ
ໃນບັນດາສະຖານທີ່ທ່ອງທ່ຽວທີ່ຕ້ອງໄປເບິ່ງສຳລັບນັກທ່ອງທ່ຽວຄົນດຽວ, ທາງນິຍະສານໄດ້ຍົກເອົາ ອ່າວບາຍຕືລອງ, ທີ່ມີ “ນ້ຳທະເລສີຂຽວມະນີໂຊດອັນເຢັນສະບາຍ” ດຶງດູດນັກທ່ອງທ່ຽວ, ແລະ ຖ້ຳເຊີນດ່ອງ, ໜຶ່ງໃນຖ້ຳທຳມະຊາດທີ່ໃຫຍ່ທີ່ສຸດໃນໂລກ. ນັກສຳຫຼວດຄົນດຽວຍັງໄດ້ຮັບການແນະນຳໃຫ້ໄປຍ່າງເລາະຫຼິ້ນໃນເມືອງເກົ່າ ຮອຍອານ ພາຍໃຕ້ແສງໂຄມໄຟເຈ້ຍຢູ່ແຄມແມ່ຮ້າມທູໂບນ, ໂດຍສະເພາະແມ່ນໃນຄືນວັນເພັງ.
“ການຜະຈົນໄພທີ່ບໍ່ມີວັນສິ້ນສຸດ… ກຳລັງລໍຖ້າທ່ານຢູ່ໃນຫວຽດນາມ. ຂຶ້ນເຮືອທີ່ອອກຈາກອ່າວ ຮາລອງ… ເຂົ້າຮ່ວມທົວທີ່ມີມັກຄຸເທດພາທ່ຽວຖ້ຳ ເຊີນດ່ອງ… ຫຼື ໄປຢ້ຽມຢາມ ຮອຍອານ ໃນຊ່ວງວັນເພັງ…” Travel + Leisure ໄດ້ຂຽນໄວ້.
ຖ້ຳ ເຊີນດ່ອງ - ຖ້ຳທີ່ໃຫຍ່ທີ່ສຸດໃນໂລກ
ຢູ່ ຮ່າໂນ້ຍ, ເຂດເມືອງເກົ່າ ແລະ ໜອງຮວ່ານກຽມ ໄດ້ປະສົມປະສານສະເໜ່ແບບດັ້ງເດີມ ແລະ ພະລັງຄວາມທັນສະໄໝ ທີ່ເໝາະສົມຢ່າງຍິ່ງສຳລັບການຍ່າງທ່ອງທ່ຽວ. ໃນຂະນະດຽວກັນ, ຢູ່ ນະຄອນໂຮ່ຈີມິນ, ນັກທ່ອງທ່ຽວຄົນດຽວສາມາດໄປສຳຫຼວດ ຕະຫຼາດ ເບັ້ນຖັ້ນ ທີ່ຄຶກຄື້ນ ແລະ ເຈາະເລິກປະຫວັດສາດຫວຽດນາມ ຢູ່ ອຸໂມງ ກູຈີ.
ນະຄອນໂຮ່ຈີມິນ ທີ່ຄຶກຄື້ນ
ລາຍຊື່ດັ່ງກ່າວຍັງລວມມີປະເທດອື່ນໆ ທີ່ໄດ້ຮັບການປະເມີນສູງ ເຊັ່ນ: ໄອສແລນ, ເຢຍລະມັນ, ໂກສະຕາຣິກາ, ນິວຊີແລນ, ເນເທີແລນ, ອົດສະຕຣາລີ, ນອກແວ, ອາຍແລນ... ທັງໝົດລ້ວນແຕ່ໄດ້ຮັບການຍົກຍ້ອງກ່ຽວກັບລະບົບການຂົນສົ່ງທີ່ເຂົ້າເຖິງງ່າຍ ແລະ ຄວາມປອດໄພໂດຍລວມ.
Travel + Leisure ລະບຸວ່າ ການທ່ອງທ່ຽວຄົນດຽວກຳລັງກາຍເປັນກະແສນິຍົມທົ່ວໂລກ: ຜູ້ຄົນຈຳນວນຫຼາຍຂຶ້ນໃນປະຈຸບັນກຳລັງເດີນທາງຄົນດຽວດ້ວຍຄວາມຕ້ອງການ “ອິດສະຫຼະພາບ, ການຄົ້ນພົບຕົນເອງ ແລະ ການສຳຫຼວດຢ່າງເປັນອິດສະຫຼະ”. ໃນບໍລິບົດນີ້, ຫວຽດນາມ ໂດດເດັ່ນບໍ່ພຽງແຕ່ຍ້ອນຄວາມງາມທາງທຳມະຊາດເທົ່ານັ້ນ ແຕ່ຍັງລວມເຖິງຄວາມມີອັດທະຍາໄສໄມຕີ, ລາຄາທີ່ເຂົ້າເຖິງໄດ້, ອາຫານອັນຫຼາກຫຼາຍ ແລະ ປະສົບການທາງວັດທະນະທຳທີ່ແທ້ຈິງ.
