ເປັນຫຍັງຫວຽດນາມຈຶ່ງເປັນຈຸດໝາຍປາຍທາງຕີກອຟທີ່ດີທີ່ສຸດໃນອາຊີ

ທຸກໆເດືອນຂອງປີ ລ້ວນແຕ່ມອບວັນພັກຕີກອຟທີ່ສົມບູນແບບຢູ່ບ່ອນໃດບ່ອນໜຶ່ງໃນປະເທດ. 

ຫວຽດນາມ ເປັນປະເທດທີ່ມີຮູບຮ່າງຍາວ ແລະ ແຄບ, ມີຊາຍຝັ່ງທະເລຍາວ 3,260 ກິໂລແມັດ ແລະ ມີພູມສັນຖານທີ່ຫຼາກຫຼາຍ ໂດຍ 3/4 ແມ່ນເຂດພູດອຍ. ທາງພາກເໜືອທີ່ເປັນພູເຂົາ, ເຂດພູພຽງທາງພາກກາງທີ່ອຸດົມສົມບູນໄປດ້ວຍປ່າດົງດິບ, ແລະ ທາງພາກໃຕ້ເຂດຮ້ອນ ໄດ້ມອບຄວາມຫຼາກຫຼາຍທາງດ້ານພູມສັນຖານສຳລັບເດີ່ນກອຟ ແລະ ລະດູການຫຼິ້ນທີ່ຍາວນານຕະຫຼອດ 12 ເດືອນ. 

ເດືອນພະຈິກ ຫາ ເດືອນເມສາ ແມ່ນເດືອນທີ່ສົມບູນແບບສຳລັບການຫຼິ້ນຢູ່ທາງພາກເໜືອ, ເຊິ່ງເປັນຊ່ວງທີ່ອາກາດແຫ້ງ ແລະ ເຢັນສະບາຍ. ມຸ່ງໜ້າສູ່ພາກກາງຂອງຫວຽດນາມ, ບ່ອນທີ່ອາກາດເຢັນ ແລະ ແຫ້ງຕັ້ງແຕ່ເດືອນກຸມພາ ຫາ ເດືອນພຶດສະພາ. ນະຄອນໂຮ່ຈີມິນ ແລະ ສ່ວນທີ່ເຫຼືອຂອງພາກໃຕ້ຫວຽດນາມ, ເຊິ່ງອາກາດມີຄວາມໝັ້ນຄົງ, ແມ່ນຈຸດໝາຍປາຍທາງທີ່ສົມບູນແບບສຳລັບການຫຼິ້ນໄດ້ຕະຫຼອດປີ. ເດີນທາງຂຶ້ນສູ່ເຂດພູພຽງຢ່າງ ດາລາດ (Da Lat) ເພື່ອສຳຜັດກັບໝອກເຢັນ ແລະ ລົມພູເຂົາ. 

ອຸນຫະພູມຢູ່ທາງພາກໃຕ້ເຂດຮ້ອນແມ່ນອົບອຸ່ນຢ່າງຕໍ່ເນື່ອງຕະຫຼອດປີ. ລະດູຝົນແມ່ນຕັ້ງແຕ່ເດືອນພຶດສະພາ ຫາ ເດືອນພະຈິກ, ແຕ່ໂດຍທົ່ວໄປແລ້ວ ນີ້ໝາຍເຖິງຝົນຕົກໜັກສອງສາມຊົ່ວໂມງທີ່ຊ່ວຍໃຫ້ອາກາດເຢັນລົງ ແລ້ວກໍຈາງກາຍເປັນທ້ອງຟ້າແຈ່ມໃສຢ່າງໄວວາ. 

ມີເດີ່ນກອຟກະຈາຍຢູ່ໃນທຸກໆພູມິພາກຂອງຫວຽດນາມ. 

ເດີ່ນກອຟທີ່ດີທີ່ສຸດບາງແຫ່ງແມ່ນຕັ້ງຢູ່ແຄມຝັ່ງທະເລ, ໃນເມືອງຕ່າງໆ ເຊັ່ນ: ດານັງ (Da Nang). Hoiana Shores, ອອກແບບໂດຍ Robert Trent Jones Jr., ມີໂນນຊາຍເປັນຄື້ນຄ້າຍຄືກັບເດີ່ນກອຟສໄຕລ໌ links, ແຕ່ມີວິວທະເລທີ່ຄ້າຍຄືກັນກັບຫຼອມລວມເຂົ້າກັບເມັດຊາຍ. Danang Golf Club ແລະ Montgomerie Links ກໍແມ່ນເດີ່ນກອຟອີກສອງແຫ່ງທີ່ຄຸນຄ່າແກ່ການໄປເຍືອນໃນເມືອງແຄມຝັ່ງທະເລແຫ່ງນີ້. 

_{ແຫຼ່ງຂໍ້ມູນ: Montgomerie Links Golf Club}

The Dalat Palace Golf Club ຢູ່ເຂດພູພຽງຂອງພາກກາງຫວຽດນາມ ແມ່ນເດີ່ນກອຟແຫ່ງດຽວໃນອາຊີທີ່ປູກດ້ວຍຫຍ້າ bent grass ທັງຢູ່ກຣີນ (greens), ເຟຍເວ (fairways), ແລະ ແທ່ນທີ (tee boxes). ຫຍ້າຊະນິດນີ້ – ສົມບູນແບບສຳລັບເດີ່ນກອຟຍ້ອນຄວາມໜາແໜ້ນ ແລະ ຄວາມສາມາດໃນການຕັດໃຫ້ສັ້ນໄດ້ດີ – ເຕີບໂຕໄດ້ດີທີ່ສຸດໃນອາກາດທີ່ເຢັນ, ແລະ ບໍ່ມີຈຸດໝາຍປາຍທາງໃດໃນຫວຽດນາມ ທີ່ຈະມອບສະພາບແວດລ້ອມທີ່ເໝາະສົມໄດ້ເທົ່າກັບບ່ອນນີ້ອີກແລ້ວ. 

ບາງທີສ່ວນທີ່ສຳຄັນທີ່ສຸດທີ່ເຮັດໃຫ້ອຸດສາຫະກຳການທ່ອງທ່ຽວກອຟຂອງຫວຽດນາມ ສາມາດແຂ່ງຂັນໄດ້ໃນລະດັບສາກົນ ແມ່ນການມີສ່ວນຮ່ວມຂອງສະຖາປນິກເດີ່ນກອຟທີ່ມີຊື່ສຽງລະດັບໂລກ. Greg Norman ໄດ້ອອກແບບເດີ່ນກອຟທີ່ໄດ້ຮັບລາງວັນຫຼາຍແຫ່ງທົ່ວປະເທດ – ເຊິ່ງ Danang Golf Club ທີ່ໄດ້ກ່າວມາຂ້າງເທິງນັ້ນກໍແມ່ນໜຶ່ງໃນນັ້ນ. 

_{ແຫຼ່ງຂໍ້ມູນ: Greg Norman Golf Course Design}

The Bluffs Ho Tram Strip ອາດຈະຖືໄດ້ວ່າເປັນຜົນງານຊິ້ນເອກໃນຫວຽດນາມຂອງ Norman. ໃນໝູ່ບ້ານປະມົງນ້ອຍໆທີ່ຊື່ວ່າ ໂຮ່ຈາມ (Ho Tram), ປະມານໜຶ່ງຊົ່ວໂມງເຄິ່ງທາງຕາເວັນອອກສ່ຽງໃຕ້ຂອງນະຄອນໂຮ່ຈີມິນ, ເດີ່ນກອຟແຫ່ງນີ້ໄດ້ຮັບການໂຫວດໃຫ້ເປັນ “ເດີ່ນກອຟໃໝ່ທີ່ດີທີ່ສຸດໃນໂລກ” ໃນງານ World Golf Awards. 

The Bluffs ໄດ້ຖືກອອກແບບຢູ່ເທິງພູພຽງແຄມຝັ່ງທະເລ, ໂດຍມີຮູຕີກອຟລອດຜ່ານໂນນຊາຍທີ່ສູງເຖິງ 50 ແມັດ. ຜັງເດີ່ນມີຄວາມຄົດໂຄ້ງຕາມລະດັບຄວາມສູງທີ່ປ່ຽນແປງ, ພ້ອມກັບວິວທີ່ງົດງາມຂອງທະເລຕາເວັນອອກຈາກເກືອບທຸກໆຮູ. The Bluffs ຕິດພັນກັບຣີສອດຫຸຼຮາ ແລະ ບໍລິເວນຄວາມບັນເທີງທີ່ຊື່ວ່າ The Grand Ho Tram, ເຊິ່ງມີຄາສິໂນ ແລະ ຮ້ານອາຫານແຄມຊາດຫາດ. 

_{ແຫຼ່ງຂໍ້ມູນ: ອິນເຕີເນັດ}

ສະໜາມ KN Golf Links ໃນ ຍາຈາງ (Nha Trang) ກໍໄດ້ຮັບການອອກແບບໂດຍ Greg Norman ເຊັ່ນກັນ. ສະໜາມນີ້ຍັງໃຊ້ປະໂຫຍດຈາກຄວາມໂຄ້ງເນີນທຳມະຊາດຂອງດອນຊາຍ. ທຸກໆ ແທ່ນທີ (tee) ສາມາດເບິ່ງເຫັນທັດສະນີຍະພາບອັນກວ້າງໃຫຍ່ຂອງຂຸມກອຟ ແລະ ພູມມີທັດໂດຍຮອບ. ສະໜາມໄດ້ຮັບການອອກແບບ ແລະ ບຳລຸງຮັກສາຢ່າງສວຍງາມ, ໂດຍມີເຟີເວປູຫຍ້າທີ່ປະສົມປະສານຢ່າງກົມກຽວກັບບັງເກີ ແລະ ພື້ນທີ່ຊາຍ. 

ຮາໂນ້ຍ ເປັນທີ່ຕັ້ງຂອງໜຶ່ງໃນກອຟຄລັບທີ່ສຸດພິເສດ ແລະ ເປັນສ່ວນຕົວທີ່ສຸດໃນປະເທດ. ອອກແບບໂດຍ Peter Rousseau, ສະໜາມ Van Tri ຂະໜາດ 18 ຂຸມ ພາ 72 ໄດ້ປະສົມປະສານແຫຼ່ງນ້ຳໄວ້ໃນເກືອບທຸກໆ ຂຸມ ລວມທັງການອອກແບບທາງໂໂຄ້ງ (dog-leg) ທີ່ຊັບຊ້ອນເພື່ອຄວາມທ້າທາຍ. ຄວາມເປັນສ່ວນຕົວພິເສດນີ້ຮັບປະກັນວ່າຈະມີຜູ້ໃຊ້ບໍລິການບໍ່ແອອັດ, ເຮັດໃຫ້ສະໜາມຢູ່ໃນສະພາບທີ່ສົມບູນແບບຢູ່ສະເໝີ. 

ຫ່າງຈາກໃຈກາງເມືອງຮາໂນ້ຍພຽງ 45 ກິໂລແມັດ, Sky Lake Resort and Golf Club ໄດ້ຮັບລາງວັນເປັນສະໜາມແຊມປ້ອນຊິບທີ່ດີທີ່ສຸດໃນຫວຽດນາມ ແລະ ດີທີ່ສຸດເປັນອັນດັບທີ 5 ຂອງປະເທດ. ຄລັບນີ້ມີສອງສະໜາມທີ່ອອກແບບໂດຍສຖາປານິກຊາວເກົາຫຼີ Ahn Moon Hwan. ສະໜາມ Lake Course ແມນມີຄວາມຍາວ ແລະ ທ້າທາຍຢ່າງຍິ່ງ, ໃນຂະນະທີ່ສະໜາມ Sky Course ທີ່ເໝາະສຳລັບຜູ້ເລີ່ມຕົ້ນ ແມ່ນຕັດຜ່ານປ່າທຳມະຊາດອັນອຸດົມສົມບູນ. ຣີສອດຂະໜາດ 36 ຂຸມນີ້ຕັ້ງຢູ່ໃນເຂດພູດອຍ ພ້ອມຈຸດຊົມວິວທີ່ງົດງາມຂອງທະເລສາບທຳມະຊາດຂະໜາດໃຫຍ່, ເໝາະສຳລັບຄອບຄົວທີ່ຈະມາເພີດເພີນກັບວັນພັກຜ່ອນ. 

_{ແຫຼ່ງທີ່ມາ: SkyLake Resort & Golf Club}

ບໍ່ແມ່ນພຽງແຕ່ປະຊາຊົນທ້ອງຖິ່ນ ແລະ ນັກທ່ອງທ່ຽວເທົ່ານັ້ນທີ່ຍອມຮັບວ່າຫວຽດນາມເປັນຈຸດໝາຍປາຍທາງການຕີກອຟທີ່ຍອດຢ້ຽມ. ຫວຽດນາມໄດ້ຮັບລາງວັນລະດັບນານາຊາດຢ່າງຕໍ່ເນື່ອງສຳລັບຄວາມເປັນເລີດດ້ານການທ່ອງທ່ຽວກອຟ. 

ງານປະກາດລາງວັນ World Golf Awards ຄັ້ງທີ 9 ໄດ້ຈັດຂຶ້ນໃນວັນທີ 15 ພະຈິກ 2022 ທີ່ Abu Dhabi, ໂດຍຫວຽດນາມໄດ້ຮັບຮາມງາມເປັນ “ຈຸດໝາຍປາຍທາງຕີກອຟທີ່ດີທີ່ສຸດໃນອາຊີ” ເປັນປີທີ 6 ຕິດຕໍ່ກັນ. ໄຊຊະນະນີ້ມີຄວາມໂດດເດັ່ນຢ່າງຍິ່ງເມື່ອປຽບທຽບກັບຄູ່ແຂ່ງຢ່າງ ໄທ, ທີ່ໄດ້ຮັບການຍອມຮັບມາຢ່າງຍາວນານວ່າເປັນຈຸດໝາຍປາຍທາງການທ່ອງທ່ຽວກອຟທີ່ຍອດຢ້ຽມ; ຍີ່ປຸ່ນ, ທີ່ມີສະໜາມກອຟທີ່ງົດງາມ ແລະ ລະດັບເອລີດຫຼາຍກວ່າ 2,000 ສະໜາມ; ແລະ ເກົາຫຼີ, ທີ່ກອຟໄດ້ຮັບຄວາມນິຍົມຢ່າງຫຼວງຫຼາຍຈົນມີການສ້າງສະໜາມກອຟຕິດໆ ກັນເພື່ອຮອງຮັບຈຳນວນຜູ້ຫຼິ້ນຢ່າງມະຫາສານ. 

ບໍ່ພຽງແຕ່ຫວຽດນາມຈະຄວ້າຕຳແໜ່ງທີ່ດີທີ່ສຸດໃນພູມິພາກເປັນເວລາ 6 ປີຕິດຕໍ່ກັນເທົ່ານັ້ນ, ແຕ່ຍັງໄດ້ຮັບການຍົກຍ້ອງໃຫ້ເປັນຈຸດໝາຍປາຍທາງຕີກອຟທີ່ດີທີ່ສຸດໃນໂລກທັງໃນປີ 2019 ແລະ 2021 ອີກດ້ວຍ. ການຍອມຮັບທັງສອງນີ້ແມ່ນເກຍອັນສູງສົ່ງຈາກ World Golf Awards, ທີ່ສະເລີມສະຫຼອງ ແລະ ມອບລາງວັນໃຫ້ແກ່ຄວາມເປັນເລີດໃນການທ່ອງທ່ຽວກອຟ ເຊິ່ງເປັນສ່ວນໜຶ່ງຂອງ World Travel Awards. 

ໄຊຊະນະນີ້ແມ່ນຫຼັກຖານທີ່ແທ້ຈິງເຖິງແຮງຂັບເຄື່ອນຂອງຫວຽດນາມໃນອຸດສາຫະກຳນີ້, ແລະ ເປັນເຄື່ອງໝາຍທີ່ແນ່ນອນເຖິງການເຕີບໂຕທີ່ຈະຕາມມາໃນອະນາຄົດ.