ດານັງ, ຫວຽດນາມ (15 ມັງກອນ 2019) – ເດີ່ນກອຟທີ່ອອກແບບໂດຍສະຖາປານິກຊື່ດັງ 7 ແຫ່ງໃນຫວຽດນາມຕອນກາງ ໄດ້ຮ່ວມມືກັນຈັດຕັ້ງກຸ່ມການຕະຫຼາດຈຸດໝາຍປາຍທາງສະເພາະດ້ານກອຟແຫ່ງໃໝ່, ເຊິ່ງກວມເອົາຕັ້ງແຕ່ເມືອງດານັງ ທີ່ກຳລັງຂະຫຍາຍໂຕ ໄປຈົນເຖິງຕີນພູຂອງ Hue ແລະ ຊາຍຝັ່ງຂອງ Hoi An.

Vietnam Golf Coast ໄດ້ເປີດໂຕຢ່າງເປັນທາງການຢູ່ ດານັງ ໃນມື້ນີ້, ໂດຍມີການແຂ່ງຂັນ 18 ຮູ ຢູ່ BRG Danang Golf Resort, ພ້ອມທັງງານລາຍງານຂ່າວ ແລະ ງານລ້ຽງອາຫານຄ່ຳມອບລາງວັນຢູ່ Sheraton Grand Danang. ຕົວແທນສື່ມວນຊົນສາກົນ ແລະ ທ້ອງຖິ່ນ, ຜູ້ນຳໃນອຸດສາຫະກຳ ແລະ ຜູ້ທີ່ຫຼົງໄຫຼໃນກິລາກອຟ ໄດ້ມາຮ່ວມຊຸມນຸມກັນໃນງານນີ້, ເຊິ່ງເກີດຂຶ້ນຫຼັງຈາກຫວຽດນາມໄດ້ແຕ່ງຕັ້ງ Greg Norman ນັກກອຟລະດັບ 'Hall of Fame' ແລະ ສະຖາປານິກອອກແບບເດີ່ນກອຟທີ່ມີຊື່ສຽງ ໃຫ້ເປັນທູດການທ່ອງທ່ຽວແຫ່ງຊາດ.

ເມື່ອເລີ່ມຕົ້ນ, ອົງການ DMO ແຫ່ງໃໝ່ນີ້ ໄດ້ເຊື່ອມໂຍງ 7 ເດີ່ນກອຟຊິກເນເຈີ ທີ່ໄດ້ຮັບການຈັດອັນດັບສູງສຸດຂອງພູມິພາກ: Laguna Golf Lang Co (ອອກແບບໂດຍ Sir Nick Faldo), Ba Na Hills Golf Club (ອອກແບບໂດຍ Luke Donald), Montgomerie Links (ອອກແບບໂດຍ Colin Montgomerie), BRG Danang Golf Resort (ອອກແບບໂດຍ Greg Norman ແລະ Jack Nicklaus), Vinpearl Golf Nam Hoi An (IMG Design) -- ລວມເຖິງ Hoiana Shores Golf Club ທີ່ກຳລັງຈະເປີດໃນໄວໆນີ້ (ອອກແບບໂດຍ Robert Trent Jones Jr.) -- ເຊິ່ງເປັນພັນທະມິດທີ່ສັນຍາວ່ານຳເອົາຄວາມສົນໃຈຈາກນັກກອຟຜູ້ຫຼົງໄຫຼທົ່ວໂລກ.

“ເປົ້າໝາຍຂອງ Vietnam Golf Coast ແມ່ນເພື່ອສ້າງຄວາມໂດດເດັ່ນໃຫ້ກັບເດີ່ນກອຟທີ່ໜ້າອັດສະຈັນຢູ່ທີ່ນີ້ໃນຫວຽດນາມຕອນກາງ,” ທ່ານ Ben Styles, ປະທານກຸ່ມ Vietnam Golf Coast ໄດ້ກ່າວ. “ພວກເຮົາຮ່ວມກັນມີໂອກາດທີ່ຈະນຳສະເໜີຕຳນານຂອງກິລາກອຟ ແລະ ສະຖາປັດຕະຍະກຳເດີ່ນກອຟຢູ່ບ່ອນດຽວກັນ, ຄວບຄູ່ໄປກັບຊາຍຮາດທີ່ງົດງາມ ແລະ ກິດຈະກຳການທ່ອງທ່ຽວທີ່ໜ້າສົນໃຈສຳລັບທຸກຄົນ.”

ເດີ່ນກອຟຂອງຫວຽດນາມໄດ້ຮັບລາງວັນຢ່າງຫຼວງຫຼາຍໃນຊຸມປີມໍ່ໆມານີ້. ປະເທດຫວຽດນາມໄດ້ຮັບການຄັດເລືອກໃຫ້ເປັນ ‘Asia’s Best Golf Destination’ ໃນງານ World Golf Awards ໃນປີ 2017 ແລະ 2018.  

Golf Digest ໄດ້ຈັດໃຫ້ Laguna Lang Co Golf Resort ຢູ່ ໃນອັນດັບ ‘Best Golf Resorts in Asia’ ແລະ BRG Danang Golf Resort ໄດ້ຕິດຢູ່ໃນລາຍຊື່ ‘World’s 100 Best Golf Courses’ ຂອງວາລະສານດັ່ງກ່າວໃນປີ 2018. Ba Na Hills Golf Club ໄດ້ຮັບຖ້ວຍລາງວັນ ‘Asia’s Best Golf Club’ ໃນງານ World Golf Awards 2018, ໃນຂະນະທີ່ Montgomerie Links ໄດ້ຮັບຮາມ ‘Best Golf Course in Vietnam’ ໃນງານ Asian Golf Awards ປີ 2018. ເມື່ອບໍ່ດົນມານີ້ Vinpearl Golf Nam Hoi An ໄດ້ເປັນເຈົ້າພາບຈັດການແຂ່ງຂັນຮອບຄັດເລືອກຂອງ Vinpearl World Amateur Golfers Championship, ຫຼັງຈາກນັ້ນທີມກອຟຫວຽດນາມກໍສາມາດປ້ອງກັນແຊ້ມ WAGC 2018 ຢູ່ ມາເລເຊຍ ໄດ້ຢ່າງສໍາເລັດຜົນ.

ທ່ານ Nguyen Xuan Binh, ຮອງຜູ້ອຳນວຍການພະແນກການທ່ອງທ່ຽວດານັງ ໄດ້ເນັ້ນໜັກເຖິງສະເໜ່ທີ່ນັບມື້ນັບເຕີບໃຫຍ່ຂອງຫວຽດນາມຕອນກາງສຳລັບນັກກອຟ. “ດ້ວຍເດີ່ນກອຟທີ່ມີຊື່ສຽງລະດັບສາກົນທັງໝົດນີ້ລວມຢູ່ໃນບ່ອນດຽວກັນ, ມັນເປັນໂອກາດດີທີ່ນັກກອຟຈາກທົ່ວໂລກຈະໄດ້ມາ ແລະ ຕັດສິນໃຈວ່າເດີ່ນໃດເປັນເດີ່ນທີ່ເຂົາເຈົ້າຊອບທີ່ສຸດ,” ທ່ານໄດ້ກ່າວ.

ສຳລັບຂໍ້ມູນເພີ່ມເຕີມກ່ຽວກັບ Vietnam Golf Coast, ກະລຸນາເຂົ້າມາເບິ່ງທີ່ www.vietnamgolfcoast.vn

 

###

 

ໄດ້ຮັບການສ້າງຕັ້ງຂຶ້ນໃນປີ 2019, Vietnam Golf Coast ແມ່ນອົງການຈັດຕັ້ງການຕະຫຼາດຈຸດໝາຍປາຍທາງ ທີ່ອຸທິດຕົນເພື່ອການເຕີບໂຕຂອງການທ່ອງທ່ຽວກອຟໃນຫວຽດນາມຕອນກາງ. ປະຈຸບັນ ອົງການດັ່ງກ່າວປະກອບມີ 7 ເດີ່ນ: Laguna Golf Lang Co, Ba Na Hills Golf Club, Montgomerie Links, BRG Danang Golf Resort, BRG Danang Nicklaus Course, Vinpearl Golf Nam Hoi An, ແລະ Hoiana Shores Golf Club. ເມື່ອຮ່ວມມືກັນ, ສະມາຊິກຂອງ Vietnam Golf Coast ມີເປົ້າໝາຍທີ່ຈະສົ່ງເສີມຊາຍຝັ່ງຕອນກາງຂອງຫວຽດນາມ ໃຫ້ເປັນຈຸດໝາຍປາຍທາງລະດັບໂລກສຳລັບກອຟ ແລະ ວັດທະນະທຳ, ສ້າງວຽກເຮັດງານທຳພາຍໃນຊຸມຊົນທ້ອງຖິ່ນ, ແລະ ຍົກລະດັບມາດຕະຖານຂອງກິລາກອຟພາຍໃນຫວຽດນາມ.

---