ການຜະຈົນໄພຕາມເສັ້ນທາງໃນ ຮາຢາງ

ຫຼັງຈາກການເດີນທາງ 6 ຊົ່ວໂມງຈາກ ຮ່າໂນ້ຍ, ແວ່ພັກຜ່ອນຢູ່ບ້ານ Thôn Tha. ຢູ່ຫ່າງຈາກຕົວເມືອງ ຮາຢາງ ພຽງບໍ່ເທົ່າໃດນາທີ, Thôn Tha ໃຫ້ທ່ານໄດ້ສຳຜັດກັບວິຖີຊີວິດປະຈຳວັນໃນ ຮາຢາງ. ເຈົ້າຂອງເຮືອນທີ່ອົບອຸ່ນ ແລະ ໃຈດີ ສະເໜີບ່ອນພັກທີ່ສະບາຍໃຫ້ແກ່ນັກທ່ອງທ່ຽວໃນເຮືອນຮົ້ວຮານແບບດັ້ງເດີມ. ເມື່ອເຖິງເວລາກິນອານຫານ, ທ່ານສາມາດຄອຍຖ້າມື້ອາຫານແບບຄອບຄົວທີ່ແສນອະລ່ອຍ ເຊັ່ນ: ຍໍ້ທອດກອບໆ, ຜັກສົດ, ກະດູກຂ້າງໝູນຸ່ມໆ ແລະ ຝັກເຂົ້າ.

ກາເຟຮ້ອນໆຈອກໜຶ່ງພ້ອມກັບວິວທີ່ງົດງາມ ເປັນປະສົບການໜຶ່ງທີ່ທ່ານຕ້ອງໄດ້ສຳຜັດຢູ່ ຮາຢາງ. ເພີ່ມພະລັງດ້ວຍກາເຟໂຣບຸສຕ້າຢູ່ ຊ່ອງເຂົາ Quản Bạ, ທາງເຂົ້າສູ່ອຸທິຍານທໍລະນີວິທະຍາ Đồng Văn. ຢູ່ທີ່ນີ້, Cafe Cổng Trời ເສີບກາເຟຢູ່ເທິງຊານລະບຽງທີ່ສາມາດມອງເຫັນ ຊ່ອງເຂົາທີ່ຄົດເຄ້ຽວ. ຮ້ານກາເຟຍັງມີຮ້ານຂາຍຂອງຝາກພິເສດ, ບ່ອນທີ່ທ່ານສາມາດຊອກຫານ້ຳມັນຫອມລະເຫີຍ ດາວແດງ (Red Dao) ແລະ ຜະລິດຕະພັນອາບນ້ຳສະໝຸນໄພຈາກຫວຽດນາມຕອນເໜືອ.

ຈຸດຊົມວິວແມ່່ນ້ຳ Nho Quế ເປັນໜຶ່ງໃນສະຖານທີ່ທ່ອງທ່ຽວທີ່ມີຊື່ສຽງທີ່ສຸດຂອງ ຮາຢາງ; ແຕ່ເລື່ອງທີ່ດີທີ່ສຸດໃນການຊົມວິວນັ້ນມາພ້ອມກັບການປີນພູ. ເສັ້ນທາງທ້ອງຟ້າ ແມ່່ນເສັ້ນທາງນ້ອຍທີ່ສູງຊັນ ເຊິ່ງຄົດເຄ້ຽວຂຶ້ນພູຜ່ານບ້ານຊາວມົ້ງດອກ (Flower H’mong), ກ່ອນທີ່ຈະໂຄ້ງຂຶ້ນຕາມແຄມພູໄປຫາຈຸດຍອດພູໃກ້ກຽງ. ກຽມເກີບທີ່ແຂງແຮງສຳລັບການຍ່າງປ່າເທິງເສັ້ນທາງທ້ອງຟ້າ ເຊິ່ງມີໄລຍະທາງລວມ 500 ແມັດໃນການຍ່າງ 2 ຊົ່ວໂມງທີ່ຕື່ນຕາຕື່ນໃຈ. ທັດສະນີຍະພາບຕະຫຼອດເສັ້ນທາງບໍ່ຄືກັບບ່ອນໃດ, ສາມາດມອງເຫັນເທືອກເຂົາ, ແມ່່ນ້ຳ Nho Quế ແລະ ເສັ້ນທາງຄວາມສຸກ (Happiness Road) ໃນປະຫວັດສາດ, ເຊິ່ງໃຊ້ເວລາສ້າງເຖິງ 7 ປີ ໂດຍອາສາສະໝັກ 1,300 ຄົນ.

ເມືອງທີ່ໃຫຍ່ທີ່ສຸດຕາມວົງຮອບ ຮາຢາງ ເປັນບ່ອນທີ່ສົມບູນແບບໃນການລິ້ມລອງອາຫານພິເສດຂອງທາງຕອນເໜືອ: bánh cuốn. ແຜ່ນເຂົ້າໜົມນຶ້ງຫໍ່ດ້ວຍໝູ, ເຫັດຫູໜູ ແລະ ໄຂ່ ເສີບພ້ອມກັບນ້ຳຊຸບຮ້ອນໆ ໃສ່ຕົ້ນຫອມ ແລະ ຍໍ້ໝູ (chả). ອາຫານເຊົ້າແບບດັ້ງເດີມນີ້ເປັນວິທີທີ່ສົມບູນແບບໃນການເລີ່ມຕົ້ນມື້ຂອງທ່ານ. ລອງຊິມໄດ້ຢູ່ Bánh Cuốn Gia Truyền ເທິງຖະໜົນ Phố Cổ.

ໃນເມືອງໃນຮ່ອມພູ Sà Phìn ທ່ານຈະໄດ້ພົບກັບໜຶ່ງໃນສະຖານທີ່ທ່ອງທ່ຽວທາງວັດທະນະທຳທີ່ດີທີ່ສຸດຂອງ ຮາຢາງ: ພະລາຊະວັງເຈົ້າຟ້າມົ້ງ. ລ້ອມຮອບດ້ວຍຕົ້ນແປກສູງໃຫຍ່, ທາງເຂົ້າສູ່ປ້ອມປາການນີ້ຖືກປະດັບດ້ວຍປະຕູໄມ້ແກະສະຫຼັກຢ່າງປະນີດ ເຊິ່ງເປີດອອກໄປສູ່ເານບ້ານ 3 ແຫ່ງທີ່ເຊື່ອມຕໍ່ກັນ. ເຈົ້າຟ້າມົ້ງ Vương Chính Đức ໄດ້ຂຶ້ນສູ່ອຳນາດໃນຊ່ວງຕົ້ນສັດຕະວັດທີ 20. ທ່ານໄດ້ລົງທຶນຊັບສົມບັດຂອງເພິ່ນໃນການສ້າງເຮືອນໃນຝັນ, ເຊິ່ງມີອ່າງອາບນ້ຳຫີນຂະໜາດໃຫຍ່ສຳລັບການອາບນ້ຳນົມແບ້.

ກຸ່ມຊົນເຜົ່າສ່ວນນ້ອຍຈາກທົ່ວແຂວງມາພົບກັນອາທິດລະຄັ້ງຢູ່ ຕະຫຼາດ Phố Cáo ເພື່ອຊື້ ຫຼື ຂາຍສິນຄ້າຫຼາກຫຼາຍຊະນິດ, ຕັ້ງແຕ່ເຄື່ອງໃຊ້ໃນເຮືອນ ໄປຫາເສື້ອຜ້າ ແລະ ເຄື່ອງເທດທີ່ແປກຕາ. ຄອຍສັງເກດຜູ້ຄົນທີ່ນຸ່ງຊຸດປະຈຳເຜົ່າ ເຊັ່ນ: ສິ້ນສີສັນສົດໃສຂອງຊາວມົ້ງດອກ (Flower H’mong) ໄປຫາເສື້ອຊົງແໜ້ນຂອງຊາວມົ້ງດຳ (Black H’mong). ຕະຫຼາດນີ້ເປັນໜ້າຕ່າງທີ່ໜ້າຫຼົງໄຫຼສູ່ວັດທະນະທຳທີ່ຫຼາກຫຼາຍຂອງເຂດເໜືອເລິກ.

ສະຫະກອນຜ້າປ່ານ ລຸ່ງຕ້າມ (Lùng Tám Linen Co-op) ແມ່ນວິສາຫະກິດເພື່ອສັງຄົມທີ່ບໍລິຫານໂດຍຊົນເຜົ່າມົ້ງຮວາ, ຕັ້ງຢູ່ຕີນພູຂອງເມືອງ ກວ່ານບ້າ (Quản Bạ). ເຊີນມາຢ້ຽມຢາມໂຮງງານເພື່ອເບິ່ງວິທີການນຳເອົາປ່ານທີ່ຊຸມຊົນປູກເອງມາປັ່ນ, ດຶງຍືດ, ຕາກແຫ້ງ ແລະ ຍ້ອມສີດ້ວຍພືດ ທຳມະຊາດ, ກ່ອນທີ່ຈະນຳມາຕ່ຳດ້ວຍກີ່ຕ່ຳຫູກເປັນຜ້າປ່ານ. ຢູ່ຂ້າງໆໂຮງງານແມ່ນຮ້ານຂາຍເຄື່ອງທີ່ລະນຶກ, ບ່ອນທີ່ທ່ານສາມາດໂອ້ລົມກັບທ່ານນາງ ມາຍ ຜູ້ກໍ່ຕັ້ງ ກ່ຽວກັບແຟຊັ່ນທີ່ຍືນຍົງ.

ຕ້ອງການແນວຄວາມຄິດການທ່ອງທ່ຽວຫວຽດນາມຕື່ມອີກບໍ? ລົງທະບຽນຮັບຈົດໝາຍຂ່າວຂອງພວກເຮົາ ເພື່ອຮັບເລື່ອງລາວທີ່ດີທີ່ສຸດສົ່ງເຖິງກ່ອງຈົດໝາຍຂອງທ່ານ.