៥ វិធីដើម្បីរីករាយជាមួយការកម្សាន្តនៅ Vung Tau ជាលក្ខណៈគ្រួសារ

សារមន្ទីរអាវុធឯកជនតែមួយគត់របស់វៀតណាម គឺសារមន្ទីរអាវុធពិភពលោក Robert Taylor (Robert Taylor Worldwide Arms Museum) បានទាក់ទាញចិត្តទាំងមនុស្សពេញវ័យ និងកុមារចាប់តាំងពីឆ្នាំ ២០១៦ មក។ ការប្រមូលផ្តុំដ៏ទូលំទូលាយនៃឯកសណ្ឋានយោធា និងអាវុធដែលមានប្រវត្តិសាស្ត្ររាប់សតវត្សរ៍ នឹងធ្វើឱ្យអ្នករាល់គ្នាទទួលបានការកម្សាន្តជាច្រើនម៉ោង។ សម្រាប់ទិដ្ឋភាពទូទៅនៃ Vũng Tàu សូមឆ្ពោះទៅកាន់សារមន្ទីរខេត្តដែលទើបតែត្រូវបានកែលម្អថ្មីនៅជិតនោះ។

គន្លឹះ៖ Vũng Tàu មានអាកាសធាតុល្អបំផុតក្នុងអំឡុងរដូវប្រាំងចាប់ពីខែវិច្ឆិកា ដល់ខែមេសា។ រៀបចំផែនការដំណើរកម្សាន្តរបស់អ្នកចាប់ពីខែធ្នូ ដល់ខែមករា នៅពេលដែលឆ្នេរសមុទ្រមានខ្យល់រំភើយ និងគួរឱ្យរីករាយបំផុត។ 

Vũng Tàu គឺជាកន្លែងកំណើតនៃមុខម្ហូបវៀតណាមដ៏ពេញនិយមមួយ៖ bánh khọt។ នំស្រួយដែលមានបង្គាធំនៅចំកណ្តាល រុំជាមួយបន្លែសឡាត់ និងជី ហើយជ្រលក់ក្នុងទឹកត្រី គឺជាចំណីអាហារសម្រន់ដ៏អស្ចារ្យនៅតំបន់ឆ្នេរ។ សម្រាប់អាហារពេលល្ងាច សូមជួបជុំគ្រួសារជុំវិញឆ្នាំងភ្លើងត្រីប៊ែរជាមួយទំពាំងព្រៃ ឬពិសារ bánh canh (មីម្សៅដំឡូងមី) មួយចានដែលមានសាច់ក្តាមសេះពីលើ។ 

រីសតលំដាប់ខ្ពស់ដែលស្ថិតនៅបន្តបន្ទាប់តាមបណ្តោយឆ្នេរសមុទ្រ បានកាន់កាប់ឆ្នេរខ្សាច់ដ៏ល្អបំផុតមួយចំនួនរបស់ Vũng Tàu ដែលគ្រួសារអាចរីករាយជាមួយឯកជនភាពបន្ថែម និងសេវាកម្មកម្រិតផ្កាយប្រាំ។ ជិះស្លាយទឹកចុះក្រោមនៅ Grand Ho Tram Strip ឬចំណាយពេលចុងសប្តាហ៍ដ៏រីករាយនៅក្នុងវីឡាជាប់ឆ្នេរដ៏ស្រស់ស្អាតមួយនៃ Melia Ho Tram។ 

គន្លឹះ៖ ក្លឹបកុមារ Melia Ho Tram Kids’ Club មានផ្តល់ជូននូវសិក្ខាសាលា សកម្មភាពនៅទីលានកុមារលេង ថ្នាក់បង្រៀនធ្វើម្ហូប ល្បែងកម្សាន្តក្នុងអាងហែលទឹក និងសកម្មភាពវប្បធម៌ ដើម្បីឱ្យកុមារទទួលបានភាពរីករាយ និងរវល់ពេញមួយថ្ងៃ។ 

នាំក្មេងៗវ័យជំទង់ទៅធ្វើដំណើរកម្សាន្តសិក្សា និងស្វែងយល់អំពីប្រវត្តិសាស្ត្រអាណានិគមរបស់វៀតណាម។ ប៉ុស្តិ៍យោធាដែលបោះបង់ចោល ដែលត្រូវបានបង្កើតឡើងដើម្បីការពារមាត់ទន្លេសៃហ្គនពីអ្នកឈ្លានពាន នៅតែបំពាក់ដោយកាំភ្លើងធំ និងបរិក្ខារយោធាផ្សេងទៀត។ នៅលើចម្រាក់ភ្នំមួយទៀត វីឡាប្លង់ស៍ (Villa Blanche) គឺជាភូមិគ្រឹះដែលដើមឡើយត្រូវបានសាងសង់ឡើងសម្រាប់អភិបាលបារាំង ហើយជាកន្លែងដ៏គួរឱ្យចាប់អារម្មណ៍ក្នុងការស្វែងយល់អំពីជីវិតរស់នៅរបស់ពួកអាណានិគមនិយម។ 

សម្រាប់ការផ្សងព្រេងបែបស្រាលៗ សូមធ្វើដំណើរឆ្លងកាត់ដែនជម្រកធម្មជាតិ Phước Bửu នៅជិតនោះ ឬជ្រលក់ជើងរបស់អ្នកនៅក្នុងប្រភពទឹកក្ដៅរ៉ែនៅ Bình Châu។ គ្រួសារអាចជិះកង់ទៅកាន់ភ្នំតូច (Small Mountain) និងដើរឡើងដើម្បីទស្សនាទិដ្ឋភាពពីបដិមាព្រះយេស៊ូគ្រិស្តដ៏ល្បីល្បាញរបស់ Vung Tau។ បញ្ចប់ផ្លូវរបស់អ្នកនៅឆ្នេរ Front Beach នៅពេលថ្ងៃលិច ដើម្បីទស្សនាផ្ទៃមេឃប្រែជាពណ៌ក្រហមឆ្អៅ និងពណ៌ស្វាយ។ 

ចង់បានគំនិតធ្វើដំណើរកម្សាន្តនៅវៀតណាមបន្ថែមទៀតទេ? ចុះឈ្មោះទទួលបានព្រឹត្តិបត្រព័ត៌មានរបស់យើង ដើម្បីទទួលបានអត្ថបទល្អៗបំផុតរបស់យើងនៅក្នុងប្រអប់សាររបស់អ្នក។