15 ເມນູຂອງຫວານແສນແຊບທີ່ຕ້ອງລອງໃນຫວຽດນາມ

ຜູ້ທີ່ມັກກ້ວຍເປັນຊີວິດຈິດໃຈຈະຕ້ອງມັກສ່ວນປະສົມຂອງເມັດສາຄູ, ນ້ຳກະທິ ແລະ ກ້ວຍປີ້ງນີ້. ພຸດດິ້ງເນື້ອເນຍນນຸ່ມ ແລະ ມັນຫອມນີ້ສາມາດຊອກຫາໄດ້ງ່າຍຕາມຄາເຟ ແລະ ຮ້ານແຄມທາງ.

ລອງຊິມໄດ້ທີ່: Lutulata Desserts & Drinks, 39 Hàng Cót, Hoàn Kiếm, Hà Nội

ມັກຮັບປະທານໃນໂອກາດພິເສດ, ກ້ອນແປ້ງເຂົ້າໜຽວທີ່ຄ້າຍຄືໂມຈິນີ້ມີໄສ້ຖົ່ວຂຽວບົດຢູ່ເຄິ່ງກາງ, ແລະ ຖືກຮາດດ້ວຍນ້ຳເຊື່ອມຂິງ ແລະ ເມັດງາ. ເສີບພ້ອມກັບນ້ຳກະທິເລັກນ້ອຍ, ແຕ່ລະຖ້ວຍມີລາຄາປະມານ 15,000VND.

ລອງຊິມໄດ້ທີ່: Chè 'đợi', 48 Lý Chính Thắng, District 8, Ho Chi Minh City

ຂອງຫວານທານຫຼິ້ນທີ່ດີເລີດ, ແຜ່ນແປ້ງເຂົ້າເຈົ້າບາງໆ ທີ່ຫໍ່ຊັ້ນຂອງນູກາດ, ມະພ້າວຂູດ ແລະ ເມັດງາ. ແຕ່ລະຄຳຂອງ bò bia ແມ່ນເບົາບາງແຕ່ອີ່ມທ້ອງຢ່າງໜ້າພໍໃຈ. ທ່ານສາມາດຊື້ໄດ້ຈາກພໍ່ຄ້າແມ່ຄ້າຂີ່ລົດຖີບຂາຍທົ່ວປະເທດຫວຽດນາມ ໃນລາຄາ 5,000VND ຕໍ່ກ້ອນ.

ລອງຊິມໄດ້ທີ່: Thanh Niên street, West Lake, Hà Nội

ກ້ວຍທອດເປັນຂອງຫວານແຄມທາງທີ່ນິຍົມທົ່ວປະເທດ. ດ້ວຍຄວາມກອບນອກ ແລະ ນຸ່ມໜຽວທາງໃນ, ຂະໜົມທອດນີ້ສາມາດຊອກຫາໄດ້ຕາມຊອກຊອຍ ແລະ ອ້ອມຮອບຕະຫຼາດໃນລາຄາ 5,000VND ຕໍ່ຊິ້ນ.

ລອງຊິມໄດ້ທີ່: Public Market in Hội An

ສ່ວນປະສົມຂອງເຂົ້າໂພດ, ນ້ຳກະທິ ແລະ ເມັດສາຄູ, ພຸດດິ້ງນີ້ເປັນຂອງຫວານທີ່ມັນຫອມ ແລະ ບຳລຸງຮ່າງກາຍໃນຊ່ວງລະດູໜາວ. ຢ່າລືມລອງຊິມຢູ່ Hoi An ເຊິ່ງເຮັດຈາກເຂົ້າໂພດສົດທີ່ປູກໃນທ້ອງຖິ່ນ.

ລອງຊິມໄດ້ທີ່: Quán Ăn Bến Tre, Xuyên Trung, Cẩm Nam, Hội An

ຖົ່ວຕັດຫວຽດນາມ ເປັນຂອງຫວານເຈທີ່ແຊບຊ້ອຍ. ການໂລຍເມັດງາຊ່ວຍເພີ່ມຄວາມກອບໃຫ້ກັບແຕ່ລະຄຳ. ທ່ານຈະພົບຂອງຫວານນີ້ມີຂາຍຢູ່ຕາມສູນກາງການຂົນສົ່ງ ແລະ ຮ້ານແຄມທາງທົ່ວຫວຽດນາມ.

ລອງຊິມໄດ້ທີ່: Transfer points nationwide (airports, bus stations and train stops)

ແປວ່າ 'ຂອງຫວານສີຮຸ່ງ', chè ນີ້ຖືກເສີບໃນແກ້ວສູງທີ່ແນມເຫັນແຕ່ລະຊັ້ນທີ່ມີສີສັນສົດໃສ. ຖົ່ວແດງ, ວຸ້ນໃບເຕີຍ, ຖົ່ວຂຽວບົດ ແລະ ຂອງແຊບອື່ນໆ ອີກຫຼາຍຢ່າງຖືກຈັດຊັ້ນຊ້ອນກັນ ແລະ ໂລຍໜ້າດ້ວຍນ້ຳແຂງ ແລະ ນ້ຳກະທິເຂັ້ມຂຸ້ນ.

ລອງຊິມໄດ້ທີ່: Nhà Hàng Ngon, 26 Trần Hưng Đạo, Hoàn Kiếm, Hà Nội

ຂອງຫວານເພື່ອສຸຂະພາບນີ້ຮວບຮວມເອົາໝາກໄມ້ສົດປະສົມ, ນ້ຳກະທິ ແລະ ນ້ຳແຂງໃສ. ໝາກໄມ້ສົດທຸກຢ່າງສາມາດໃສ່ໄດ້, ບໍ່ວ່າຈະເປັນໝາກມີ້, ກີວີ, ໝາກໂມ, ໝາກແອບເປິ້ນ ແລະ ແມ້ກະທັ້ງອາໂວກາໂດ! ທ່ານຍັງສາມາດເພີ່ມວຸ້ນໃບເຕີຍ ຫຼື ເມັດສາຄູເພື່ອເພີ່ມເນື້ອສຳຜັດໄດ້ອີກດ້ວຍ.

ລອງຊິມໄດ້ທີ່: Hoa Quả Dầm Hoa Béo, 17 Tô Tịch, Hoàn Kiếm, Hà Nội

ໄອສະກຣີມຊັນເດເວີຊັນຫວຽດນາມ, kem thái dừa ແມ່ນໄອສະກຣີມທີ່ເສີບໃນໝາກມະພ້າວ ພ້ອມທັອບປິ້ງຕ່າງໆ ທີ່ທ່ານສາມາດຈິນຕະນາການໄດ້ (ຖົ່ວດິນ, ວຸ້ນ, ຊອດຄາຣາເມລ, ຖົ່ວ, ບິສກິດ, ໝາກໄມ້ສົດ.) ຂອງຫວານທັນສະໄໝນີ້ມີລາຄາປະມານ 40,000VND ບວກຄ່າທັອບປິ້ງເພີ່ມຕ່າງຫາກ.

ລອງຊິມໄດ້ທີ່: Kem Cong Truong, 10 Phạm Ngọc Thạch, District 3, Hồ Chí Minh City

ເຂົ້າກອບໂລຍງາ ພ້ອມໄສ້ຖົ່ວຂຽວ, ແປ້ງເຂົ້າຟ້າງ ແລະ ໂລຍນ້ຳຕານ ນີ້ເປັນຂອງຫວານທີ່ອີ່ມທ້ອງຢ່າງດີ. ມັກມີຂາຍຕາມແຄມທາງໂດຍພໍ່ຄ້າແມ່ຄ້າຂີ່ລົດຖີບ ໃນລາຄາ 5,000 ຫຼື 10,000VND.

ລອງຊິມໄດ້ທີ່: Ha Noi’s Old Quarter

ມີລົດຊາດຫວານກົມກ່ອມ ແລະ ຫອມຫວນ ພ້ອມກັບຄວາມສົມດຸນຂອງເນື້ອສຳຜັດທີ່ໜ້າສົນໃຈ ຂອງຫວານຈານນີ້ຖືໄດ້ວ່າແມ່ນ ປັນນາຄອດຕາ (panna cotta) ຂອງຫວຽດນາມ. ເນື້ອຄັສຕາດຖືກຕັດເປັນຕອນພໍດີຄຳ ເສີບພ້ອມກັບໝາກລີ້ຈີ່ ແລະ ໝາກອັນມອນ ໃນຊາມນ້ຳແຂງຝອດ.

ລອງຊິມໄດ້ທີ່: Quán Chè Hiển Khánh, 718 Nguyễn Đình Chiểu, District 3, Hồ Chí Minh City

ເຄຣມຄາຣາເມນ (creme caramel) ເວີຊັນຫວຽດນາມນີ້ ຖືກໂຣຍໜ້າດ້ວຍໝາກໄມ້ສົດ, ເຢັນລີ້ ແລະ ນ້ຳກະທິໜ້ອຍໜຶ່ງ. ຂອງຫວານຈານນີ້ແມ່ນຄວາມອີ່ມເອມໃຈຢ່າງແທ້ຈິງໃນລາຄາພຽງ 20,000VND.

ລອງຊິມໄດ້ທີ່: Caramen Duong Hoa, 29 Hàng Than, Ba Đình, Hà Nội

ໃຜແດ່ຈະບໍ່ມັກ ຄຣີມພັຟ (cream puff)? ຊອກຫາໄດ້ງ່າຍຕາມຮ້ານຂະໜົມທົ່ວປະເທດ, ຂະໜົມກົມໆນີ້ ຍັດໄສ້ດ້ວຍຄັສຕາດວານິລາເນື້ອເນຽນ. ຫນຶ່ງຊຸດ 6 ຊິ້ນທີ່ນຸ່ມຟູນີ້ ຈະມີລາຄາປະມານ 10,000VND.

ລອງຊິມໄດ້ທີ່: ຮ້ານຂະໜົມທ້ອງຖິ່ນໃດກໍໄດ້ໃນຫວຽດນາມ

ເຂົ້າໜຽວຂຽວກິ່ນໃບເຕີຍ ມາປະສົມປະສານກັບໄອສະກຣີມມະພ້າວ ຢ່າງລົງໂຕຢ່າງບໍ່ໜ້າເຊື່ອ. ທັງອີ່ມທ້ອງ ແລະ ສົດຊື່ນໃນມື້ທີ່ອາກາດຮ້ອນ, ຢ່າລືມລອງຊິມເມື່ອທ່ານໄປຫວຽດນາມ.

ລອງຊິມໄດ້ທີ່: Che 95, 95 Hàng Bạc, Hoàn Kiếm, Hà Nội

ຕ້ອງການໄອເດຍການທ່ອງທ່ຽວຫວຽດນາມຕື່ມອີກບໍ? ລົງທະບຽນຮັບຈົດໝາຍຂ່າວຂອງພວກເຮົາ ເພື່ອຮັບເລື່ອງราวທີ່ດີທີ່ສຸດຂອງພວກເຮົາໃນກ່ອງຂໍ້ຄວາມຂອງທ່ານ.