ຮ່າໂນ້ຍ, ຫວຽດນາມ (20 ເມສາ 2019) – ເພື່ອປະກາດການນັບຖອຍຫຼັງສູ່ການແຂ່ງຂັນ ຟໍມູລາ ວັນ (F1) ຄັ້ງທຳອິດຢູ່ ຮ່າໂນ້ຍ, ຜູ້ຈັດງານຈາກລັດຖະບານຫວຽດນາມ ແລະ Heineken ໄດ້ຈັດງານເປີດໂຕ F1 Vietnam Grand Prix ຢ່າງຍິ່ງໃຫຍ່ຢູ່ທີ່ ສະໜາມກິລາແຫ່ງຊາດ ໝີດິ່ງ ໃນ ຮ່າໂນ້ຍ ເມື່ອວັນທີ 20 ເມສາ.

ມີກຳນົດຈະຈັດຂຶ້ນຢູ່ເມືອງຫຼວງຂອງຫວຽດນາມໃນເດືອນເມສາປີໜ້າ, ການແຂ່ງຂັນ Vietnam Grand Prix 2020 ແມ່ນຄວາມຮ່ວມມືລະຫວ່າງ ກະຊວງວັດທະນະທຳ, ກິລາ ແລະ ການທ່ອງທ່ຽວ, ຄະນະກຳມະການປະຊາຊົນຮ່າໂນ້ຍ, ບໍລິສັດ Vietnam Grand Prix Corporation (VGPC), ແລະ Heineken.

ທ່ານ ຫງວຽນ ເທ ຮຸ່ງ, ຮອງປະທານຄະນະກຳມະການປະຊາຊົນຮ່າໂນ້ຍ ໄດ້ເນັ້ນໜັກເຖິງຄວາມສໍາຄັນຂອງ Vietnam Grand Prix 2020 ຕໍ່ຮ່າໂນ້ຍ ແລະ ຫວຽດນາມ ໂດຍກ່າວວ່າ, “ໃນຖານະທີ່ເປັນໜຶ່ງໃນງານກິລາທີ່ໃຫຍ່ທີ່ສຸດ ແລະ ມີກຽດທີ່ສຸດໃນໂລກ, F1 ຈະຊ່ວຍຍົກລະດັບຖານະຂອງຮ່າໂນ້ຍໃນຖານະເມືອງລະດັບໂລກຢ່າງແທ້ຈິງ ແລະ ເປັນຈຸດໝາຍປາຍທາງສຳລັບປະສົບການລະດັບໂລກ.”

ງານເປີດໂຕດັ່ງກ່າວມີການສະແດງຂັບຂີ່ລົດແຂ່ງສົດໆ ຈາກທີມ Aston Martin Red Bull Racing ໂດຍມີນັກແຂ່ງລະດັບຕຳນານ David Coulthard ເປັນຜູ້ຂັບ. ແຟນໆ ຊາວຫວຽດນາມ ຫຼາຍກວ່າ 30,000 ຄົນ ໄດ້ເຂົ້າຮ່ວມຢູ່ທີ່ສະໜາມກິລາແຫ່ງຊາດ ໝີດິ່ງ ເພື່ອສຳຜັດກັບບັນຍາກາດທີ່ຈະເກີດຂຶ້ນໃນສະຖານທີ່ດຽວກັນນີ້ໃນອີກ 12 ເດືອນຂ້າງໜ້າ.

ແຟນໆ ບາງຄົນໄດ້ຮັບໂອກາດສຸດພິເສດໃນການພົບປະຢ່າງໃກ້ຊິດກັບ David
Coulthard ແລະ ທີມ Aston Martin Red Bull Racing. David Coulthard ຜູ້ຊະນະ Grand Prix 13 ຄັ້ງ ແລະ ທູດ F1 ຂອງ Heineken ໄດ້ກ່າວວ່າ, “ນີ້ແມ່ນຄັ້ງທີສອງຂອງຂ້ອຍທີ່ໄດ້ມາສະແດງຮ່ວມກັບທີມ Aston Martin Red Bull Racing ໃນຫວຽດນາມ ແລະ ຂ້ອຍຕື່ນເຕັ້ນເປັນພິເສດທີ່ຫວຽດນາມ ຈະໄດ້ເປັນເຈົ້າພາບຈັດການແຂ່ງຂັນ F1 Grand Prix ຢ່າງເປັນທາງການຄັ້ງທຳອິດໃນປີໜ້າ.”

ໃນງານດັ່ງກ່າວ, VGPC ໄດ້ປະກາດເປີດຂາຍປີ້ຮອບທຳອິດໃນຈຳນວນຈຳກັດ 5,565 ໃບ ສຳລັບ F1 Vietnam Grand Prix 2020, ເຊິ່ງເປັນຕົວເລກທີ່ສອດຄ່ອງກັບຄວາມຍາວ 5,565 ກິໂລແມັດ ຂອງສະໜາມ F1 ໃນຮ່າໂນ້ຍ. ປີ້ຈະຖືກແບ່ງອອກເປັນ 3 ປະເພດ: ປີ້ Hospitality, ປີ້ Grandstand ແລະ ປີ້ Admission. ປີ້ຈະມີການຈຳໜ່າຍຜ່ານເວັບໄຊທາງການຂອງ VGPC ທີ່ www.f1vietnamgp.com ກ່ອນທີ່ຈະເປີດຈຳໜ່າຍຜ່ານຊ່ອງທາງອື່ນໆ.

“ພວກເຮົາມີຄວາມຍິນດີຢ່າງຍິ່ງທີ່ໄດ້ນຳເອົາປະສົບການ F1 ທີ່ໜ້າຕື່ນຕາຕື່ນໃຈມາສູ່ແຟນໆ F1 ຊາວຫວຽດນາມ ແລະ ສາກົນ. ງານໃນມື້ນີ້ຖືເປັນໝຸດໝາຍ F1 ຢ່າງເປັນທາງການຄັ້ງທຳອິດໃນຫວຽດນາມ ແລະ ເປັນການເລີ່ມຕົ້ນກິດຈະກຳ F1 ອື່ນໆ ໃນຮ່າໂນ້ຍ ໃນໄລຍະເວລາຕໍ່ໄປ,” ທ່ານ ເລ ຄັກ ຮຽບ, ຮອງປະທານ Vingroup ກ່າວ.

ເພື່ອໃຫ້ແຟນໆ ໄດ້ຮັບປະສົບການຢ່າງເຕັມທີ່, Heineken ໄດ້ນຳເອົາ DJ/Producer ຊື່ດັງລະດັບໂລກ Armin Van Buuren ມາຮ່າໂນ້ຍ ເພື່ອການສະແດງສຸດພິເສດ. Armin Van Buuren ໄດ້ຮັບການສະໜັບສະໜູນການສະແດງໂດຍນັກຮ້ອງຊາວຫວຽດນາມ Son Tung M-TP ແລະ Tung Duong.

ງານເປີດໂຕ F1 Vietnam Grand Prix ເປັນງານທີ່ເຂົ້າຊົມຟຣີ ແລະ ເປີດໃຫ້ຜູ້ເຂົ້າຊົມທີ່ມີອາຍຸ 18 ປີຂຶ້ນໄປ. 

###

ກ່ຽວກັບ Vietnam Grand Prix Corporation 

ບໍລິສັດ Vietnam Grand Prix Corporation (VGPC) ແມ່ນຖືຮຸ້ນໂດຍ VinFast, ເຊິ່ງເປັນບໍລິສັດໃນເຄືອ Vingroup ທີ່ໄດ້ຮັບອະນຸມັດຈາກຄະນະກຳມະການປະຊາຊົນຮ່າໂນ້ຍ ໃຫ້ຈັດການແຂ່ງຂັນ F1 Vietnam Grand Prix. VGPC ມີໜ້າທີ່ຮັບຜິດຊອບໃນການພັດທະນາໂຄງຮ່າງພື້ນຖານສຳລັບສະໜາມ F1 ໃນຮ່າໂນ້ຍ, ບໍລິຫານ ແລະ ດຳເນີນງານ Vietnam Grand Prix ຕັ້ງແຕ່ປີ 2020 ຫາ 2030. VGPC ຍັງມີໜ້າທີ່ຮັບຜິດຊອບໃນການຈຳໜ່າຍປີ້ ແລະ ກິດຈະກຳສົ່ງເສີມການຕະຫຼາດອື່ນໆ.

ສຳລັບຂໍ້ມູນເພີ່ມເຕີມກ່ຽວກັບການຈຳໜ່າຍປີ້ ແລະ ກິດຈະກຳຂອງ VGPC: www.f1vietnamgp.com

---

ສຳລັບຂໍ້ມູນເພີ່ມເຕີມ, ກະລຸນາຕິດຕໍ່:

Vietnam Grand Prix Corporation

ທ່ານ Joshua Jeffery Turner
ຫົວໜ້າຝ່າຍການຕະຫຼາດ, ປະຊາສຳພັນ, ງານອີເວັ້ນ & ຄວາມບັນເທິງ
ໂທ: 0937903140
ອີເມວ: v.joshua2@f1vietnamgp.vn

Vingroup

ທ່ານ ຫງວຽນ ຕວນ ໄຮ, ທີມງານປະຊາສຳພັນ
ໂທ: 093 626 8383
ອີເມວ: v.haint17@vingroup.net

---