ຕື່ນເຕັ້ນກັບຂົວພື້ນແກ້ວທີ່ຍາວທີ່ສຸດໃນໂລກ

_{ແຫຼ່ງຂໍ້ມູນ: ອິນເຕີເນັດ}

ພວກເຂົາທຸກຄົນລ້ວນແຕ່ເຫັນວິດີໂອໄວຣັລສຸດຮາຮາຂອງຜູ້ຄົນທີ່ກຳລັງຍ່າງຂ້າມຂົວພື້ນແກ້ວດ້ວຍຄວາມສັ່ນເຊັນ – ໂດຍບາງຄົນກໍປະສົບຜົນສຳເລັດຫຼາຍກວ່າຄົນອື່ນ. ໃນຕອນນີ້ ນັກທ່ອງທ່ຽວຢູ່ຫວຽດນາມ ກໍສາມາດສຳຜັດກັບການຍ່າງຂ້າມເຫວເລິກດ້ວຍຕົນເອງໄດ້ເຊັ່ນກັນ, ຢູ່ຂົວທີ່ໄດ້ຮັບລາງວັນທາງພາກເໜືອ. 

ໃນວັນທີ 28 ເມສາ 2022, ບໍ່ດົນຫຼັງຈາກເປີດຮັບນັກທ່ອງທ່ຽວຕ່າງປະເທດຄືນໃໝ່, ທາງຍ່າງພື້ນແກ້ວແຫ່ງໃໝ່ລ່າສຸດຂອງຫວຽດນາມກໍໄດ້ເປີດໃຫ້ຕ້ອນຮັບຜູ້ເຂົ້າຊົມ. ຂົວແຫ່ງນີ້ມີຊື່ວ່າ ບັກລອງ (Bach Long), ເຊິ່ງມີຄວາມໝາຍວ່າ 'ມັງກອນຂາວ', ຕັ້ງຢູ່ໃນເມືອງ ມົກເຈົາ ແຂວງ ຊ່ອນລາ, ເຊິ່ງເປັນແຂວງທີ່ມີຊາຍແດນຕິດກັບປະເທດລາວ ຢູ່ທາງທິດທີສັນຕາເວັນຕົກສ່ຽງເໜືອຂອງຮ່າໂນ້ຍ ປະມານ 200 ກິໂລແມັດ. 

ຂົວໃສແຫ່ງນີ້ແມ່ນຂົວແກ້ວແຫ່ງທີສາມຂອງປະເທດ, ຕໍ່ຈາກຂົວ ຣົ່ງໄມ (Rong May) (ຢູ່ ໄລເຈົາ) ແລະ ຂົວຄວາມຮັກ (Love Bridge) (ຢູ່ ມົກເຈົາ ເຊັ່ນກັນ). ແລ້ວ ມີຫຍັງພິເສດກ່ຽວກັບຂົວແຫ່ງທີສາມນີ້? ມັນຫາກໍ່ໄດ້ຮັບການຍົກຍ້ອງວ່າເປັນຂົວທີ່ຍາວທີ່ສຸດໃນໂລກ, ໂດຍຊະນະຂົວຂອງຈີນໃນເມືອງ ຊິງຫຍວນ (Qingyuan), ແຂວງ ກວາງຕົ່ງ, ເຊິ່ງກ່ອນໜ້ານີ້ໄດ້ຄອງສະຖິຕິ ກິນເນສ ເວີນ ເຣັກຄອດ.

_{ແຫຼ່ງຂໍ້ມູນ: ອິນເຕີເນັດ}

ຂົວນີ້ຢູ່ສູງ 150 ແມັດ (492 ຟຸດ) ເໜືອປ່າໄມ້ເບື້ອງລຸ່ມ, ມີຄວາມກວ້າງ 2.5 ແມັດ ແລະ ຄວາມຍາວ 633 ແມັດ (2,073 ຟຸດ). ບາງສ່ວນຂອງທາງຍ່າງແມ່ນເລາະຕາມຮ່ອມພູ, ໃນຂະນະທີ່ 290 ແມັດ ແກ້ວຂ້າມຫວ່າງພູສອງໜ່ວຍ. ເຮັດຈາກແກ້ວນິລະໄພທີ່ນຳເຂົ້າຈາກປະເທດຝຣັ່ງ, ມັນສາມາດຮອງຮັບນ້ຳໜັກໄດ້ 450 ຄົນໃນເວລາພ້ອມກັນ.

_{ແຫຼ່ງຂໍ້ມູນ: ອິນເຕີເນັດ}

Glen Pollard, ຕົວແທນຈາກ ກິນເນສ ເວີນ ເຣັກຄອດ (Guinness World Records) ຜູ້ທີ່ໄດ້ເຂົ້າຮ່ວມພິທີເປີດຢ່າງເປັນທາງການໃນວັນທີ 28 ພຶດສະພາ, ເຊື່ອວ່າ ຜົນງານທາງວິສະວະກຳທີ່ “ງົດງາມ” ນີ້ຈະດຶງດູດນັກທ່ອງທ່ຽວໄດ້ຢ່າງແນ່ນອນ. ເພິ່ນໄດ້ຍ້ອງຍໍ "ວິສະວະກຳທີ່ຈຳເປັນໃນການສ້າງສິ່ງນັ້ນໄວ້ທາງຂ້າງຂອງໜ້າຜາ ແຕ່ຍັງຄົງຮັກສາຄຸນລັກສະນະທັງໝົດຂອງທຳມະຊາດ, ຄວາມຂຽວສົດງົດງາມ, ແລະ ໂງ່ນຫີນ”, ໂດຍເອີ້ນມັນວ່າ “ໂຄງການທີ່ອັດສະຈັນ”.  

ຜູ້ທີ່ຮັກທຳມະຊາດຈະປະທັບໃຈກັບວິວພາໂນຣາມາ, ຮູ້ສຶກດຳດິ່ງກັບທຳມະຊາດອ້ອມຂ້າງຢ່າງເຕັມທີ່. ການກ້າທ້າທາຍຍ່າງເທິງທາງຍ່າງໃສນີ້ຈະພາທ່ານໄປຫາຖ້ຳ ເມືອງມົກ (Muong Moc Cave), ເຊິ່ງມີຊື່ເອີ້ນອີກຢ່າງໜຶ່ງວ່າ ຖ້ຳ ຈິມທານ (Chim Than Cave). ນອກຈາກນີ້ ຍັງມີເດີ່ນເດັກນ້ອຍຫຼິ້ນ, ຮ້ານອາຫານ ແລະ ຣີສອດ ຢູ່ໃກ້ຄຽງ ເພື່ອເຮັດໃຫ້ການເດີນທາງມີຄວາມກຸ້ມຄ່າຫຼາຍຍິ່ງຂຶ້ນ. ຈົນເຖິງປະຈຸບັນ, ແຫຼ່ງທ່ອງທ່ຽວນີ້ແມ່ນປະສົບຜົນສຳເລັດຢ່າງແນ່ນອນ. ໃນວັນທຳອິດຂອງການເປີດ, ຂົວໄດ້ຕ້ອນຮັບຜູ້ຄົນຫຼາຍກວ່າ 4,000 ຄົນ. ໃນ 3 ວັນທຳອິດ ມີນັກທ່ອງທ່ຽວທັງໝົດ 15,000 ຄົນ.

ໝັ້ນໃຈໄດ້ເລີຍ, ຂົວໄດ້ຖືກສ້າງຂຶ້ນຕາມມາດຕະຖານຄວາມປອດໄພສາກົນທີ່ເຂັ້ມງວດ. ພື້ນຂົວເຮັດຈາກແກ້ວເສີມຄວາມແຂງແກ່ນ 3 ຊັ້ນ, ແຕ່ລະຊັ້ນໜາ 40 ມິນລີແມັດ. ຍັງມີລະບົບທີ່ເຂັ້ມງວດເພື່ອຮັບປະກັນວ່າຂົວຈະບໍ່ແອອັດເກີນໄປ. ເຈົ້າໜ້າທີ່ມີຄວາມໝັ້ນໃຈກ່ຽວກັບຄວາມປອດໄພຂອງແກ້ວ. ເພື່ອທົດສອບຄວາມແຂງແກ່ນຂອງມັນ, ເພິ່ນໄດ້ຂັບຮົບ SUV ຂ້າມຂົວກ່ອນເປີດໃຫ້ຜູ້ເຂົ້າຊົມ. ທຸກຢ່າງຍັງຄົງຢູ່ໃນສະພາບສົມບູນ. 

ດັ່ງນັ້ນ, ດັ່ງທີ່ທ່ານຮູ້ນີ້ວ່າຜ່ານການຢັ້ງຢືນຄວາມປອດໄພແລ້ວ, ທ່ານມີຄວາມກ້າພໍທີ່ຈະໄປລອງເບິ່ງບໍ? 

ສຳລັບຜູ້ທີ່ຮູ້ວ່າຄວາມໝັ້ນໃຈ (ແລະ ຂາ) ຂອງຕົນເອງອາດຈະສັ່ນ, ທ່ານຈະຍິນດີທີ່ຈະຮູ້ວ່າທ່ານບໍ່ຈຳເປັນຕ້ອງຍ່າງສະບາຍໆ ຂ້າມທາງຍ່າງໃສໂດຍບໍ່ຈຳຂອບ. ມີແຖບສີຂາວນ້ອຍໆຢູ່ແຕ່ລະຂ້າງ (ຂອບແກ້ວ), ເຊິ່ງທ່ານສາມາດຄ່ອຍໆຍ່າງເລາະຕາມໃນຂະນະທີ່ຈັບລາວຈັບໄວ້. ໃຊ້ເວລາຂອງທ່ານເພື່ອຊົມທິວທັດທີ່ຂຽວສົດງົດງາມ…

_{ແຫຼ່ງຂໍ້ມູນ: ອິນເຕີເນັດ}

ຍອມຮັບຄວາມຈິງເຖິງວ່າ − ຂົວພື້ນແກ້ວບໍ່ແມ່ນສຳລັບທຸກຄົນ. ຖ້າທ່ານຢ້ານຄວາມສູງ, ກໍຍັງມີເຫດຜົນອື່ນໆອີກຫຼາຍຢ່າງທີ່ຈະມາຢ້ຽມຢາມເມືອງ ມົກເຈົາ, ເຊິ່ງມີຊື່ສຽງໃນເລື່ອງສະພາບອາກາດທີ່ເຢັນສະບາຍ. 

ມັນເປັນທີ່ຢູ່ຂອງປ່າແປກ, ສວນຊາ 3,000 ເຮັກຕາ, ຕະຫຼອດຮອດໝູ່ບ້ານຊົນເຜົ່າເທິງພູທີ່ໜ້າຫຼົງໄຫຼ. ທ່ານສາມາດຍ່າງປ່າໄປຫາຈຸດຊົມວິວ ເຊັ່ນ ຜາຫຼວງ (Pha Luong) ແລະ ຕາຊົວ (Ta Xua). ຢ້ຽມຢາມຕາດ ດ້າຍເຢັມ (Dai Yem) ທີ່ງົດງາມ. ຫຼື ຖ່າຍຮູບໃນເວລາທີ່ທົ່ງດອກໄມ້ກຳລັງບານ. ລະຫວ່າງເດືອນກຸມພາ ຫາ ເດືອນມີນາ ແມ່ນຊ່ວງເວລາທີ່ຕົ້ນໝາກໝັ້ນ, ຕົ້ນໝາກພີດ, ແລະ ດອກກ້ວຍໄມ້ ບານສະພັ່ງ. 

ນອກຈາກນີ້ໃນເດືອນມີນາ, ມົກເຈົາ ຍັງເປັນບ່ອນຈັດງານບຸນ ເຮັດຊາ (Het Cha) ປະຈຳປີ ຢູ່ບ້ານ ອ່າງ, ຕາແສງ ດົ່ງຊາງ. ການສະຫຼອງທີ່ມີຊີວິດຊີວາ ແລະ ສີສັນສົດໃສຂອງຊຸມຊົນເຜົ່າໄທນີ້ ແມ່ນສິ່ງທີ່ພິເສດທີ່ຄວນມາເບິ່ງມາຊົມ.

_{ແຫຼ່ງຂໍ້ມູນ: Facebook - Moc Chau Island}