‘A Tourist’s Guide to Love’ ຂອງ Netflix - ກ້າວເຂົ້າໃກ້ຄວາມງາມຂອງຫວຽດນາມອີກກ້າວໜຶ່ງ

ມະຫານະຄອນທີ່ຄຶກຄື້ນ, ສູນກາງການຄ້າ ແລະ ວັດທະນະທຳ. ເນື່ອງຈາກເມືອງນີ້ມີຊື່ສຽງໂດ່ງດັງໃນເລື່ອງຖະໜົນຫົນທາງທີ່ມີຊີວິດຊີວາ, ຕຶກລະຟ້າທີ່ໜ້າປະທັບໃຈ ແລະ ສີສັນຍາມຄ່ຳຄືນ, ນັກທ່ອງທ່ຽວຈຶ່ງສາມາດພົບກັບສິ່ງທີ່ໜ້າສົນໃຈ ແລະ ສະຖານທີ່ຕ່າງໆໃຫ້ໄດ້ສຳຜັດຢ່າງຫຼາກຫຼາຍ. ເມືອງນີ້ມີການປະສົມປະສານຢ່າງລົງໂຕຂອງສະຖາປັດຕະຍະກຳຍຸກອານານິຄົມ, ສະຖານທີ່ທາງປະຫວັດສາດ, ແລະ ແຫຼ່ງທ່ອງທ່ຽວທາງວັດທະນະທຳ. ນອກຈາກນີ້ ຍັງເປັນທີ່ຕັ້ງຂອງຕະລາດ ເບັນຖັ່ນ (Ben Thanh Market) ທີ່ມີຊື່ສຽງ. ສະຖານທີ່ອື່ນໆທີ່ຄວນພິຈາລະນາໄດ້ແກ່: ອາສານວິຫານໂນເຕີດາມ ແຫ່ງ ໄຊງ່ອນ (The Notre-Dame Cathedral Basilica of Saigon) - ຕົວຢ່າງທີ່ງົດງາມຂອງສະຖາປັດຕະຍະກຳອານານິຄົມຝຣັ່ງ ທີ່ມີປ່ອງຢ້ຽມແກ້ວສີ ແລະ ລວດລາຍແກະສະຫຼັກຢ່າງປະນີດ; ໂຮງໄປສະນີກາງໄຊງ່ອນ (The Saigon Central Post Office) - ສະຖານທີ່ທີ່ຜູ້ມັກສະຖາປັດຕະຍະກຳບໍ່ຄວນພາດ ໂດຍມີຫຼາຍຫ້ອງໃຫ້ຄົ້ນຫາ ແລະ ມີລາຍລະອຽດທີ່ສວຍງາມໃຫ້ຊົມ; ອຸໂມງກູຈີ (Cu Chi Tunnels) - ເຄືອຂ່າຍອຸໂມງໃຕ້ດິນທີ່ໜ້າທຶ່ງໃນປານສົງຄາມຕໍ່ຕ້ານຂອງປະຊາຊົນຫວຽດນາມ. ອອກໄປບໍ່ໄກຈາກໃຈກາງເມືອງ, ເຂດແຄມແມ່ໜ້ຳໂຂງ (Mekong Delta) ຍັງມີທົວລ່ອງເຮືອທີ່ດີເລີດ ເພື່ອຊົມວິວທົ່ງນາທີ່ກວ້າງໃຫຍ່ ແລະ ເຮືອນເຮືອທີ່ສ້າງເປັນຕະລາດນ້ຳອັນເປັນເອກະລັກ.

_{ອາສານວິຫານໂນເຕີດາມ}

_{ເມືອງເກົ່າຮອຍອັນ}

ຮອຍອັນ, ເມືອງຊາຍຝັ່ງທະເລທີ່ງົດງາມຂອງຫວຽດນາມ ເຊິ່ງມີຊື່ສຽງຍ້ອນໂຄມໄຟທີ່ເຮັດດ້ວຍມື, ໂຮງເຮືອນໂຕນສີເຫຼືອງ ເຊິ່ງເຕັມໄປດ້ວຍປະສົບການທາງວັດທະນະທຳໃຫ້ຄົ້ນຫາ. ເມືອງເກົ່າຮອຍອັນ ເຊິ່ງໄດ້ຮັບການຂຶ້ນທະບຽນເປັນມໍລະດົກໂລກໂດຍ UNESCO ແມ່ນມີຄວາມງົດງາມຢ່າງແທ້ຈິງ. ເພື່ອສຳຜັດວິຖີຊີວິດຂອງຄົນທ້ອງຖິ່ນ, ທ່ານສາມາດໄປຢ້ຽມຢາມ ໝູ່ບ້ານຜັກຈ່າເກ້ (Tra Que Vegetable Village) ທີ່ຊາວນາປູກຜັກຂຽວສົດ, ຫຼື Sampan’s Distillerie d’Indochine ເພື່ອຊິມເຫຼົ້າຣຳໜຶ່ງດຽວທີ່ຜະລິດໃນຫວຽດນາມ. ບໍ່ວ່າຈະເປັນການຕອບໂຈດຜູ້ທີ່ຫຼົງໄຫຼໃນວັດທະນະທຳ ຫຼື ຄົນທີ່ຢາກຜ່ອນຄາຍເທິງຊາຍຮາດທີ່ບໍລິສຸດ, ຮອຍອັນ ກໍເປັນຈຸດໝາຍປາຍທາງທີ່ດີເລີດ ເຊິ່ງມີບາງສິ່ງບາງຢ່າງສຳລັບທຸກຄົນຢ່າງແນ່ນອນ. ທ່ານບໍ່ຄວນພາດກິດຈະກຳຕ່າງໆ ເຊັ່ນ: ການຂີ່ເຮືອກະບຸງອັນເປັນເອກະລັກ, ສຳຜັດຊີວິດການເຮັດໄຮ່ເຮັດນາຢູ່ ໝູ່ບ້ານຜັກຈ່າເກ້, ແວ່ຊົມ Lune Centre, ແລະ ຮຽນຮູ້ວັດທະນະທຳຢູ່ ໝູ່ບ້ານໄໝຮອຍອັນ (Hoi An Silk Village).

ເມືອງຊາຍຝັ່ງທະເລໃນພາກກາງຂອງຫວຽດນາມ ທີ່ໂດ່ງດັງຍ້ອນຮາດຊາຍທີ່ສວຍງາມ. ດ້ວຍໂຄ້ງຮາດຊາຍທີ່ຍາວ ແລະ ໂຄ້ງມົນຕາມແນວຊາຍຝັ່ງ, ດານັງ ມີເຂດຮາດຊາຍທີ່ເໝາະກັບນັກທ່ອງທ່ຽວທີ່ມັກອາບແດດຢ່າງຫຼາກຫຼາຍ. ແລະ ມີຫຍັງອີກ? ໂບຮານສະຖານ ໝີເຊີນ (My Son Sanctuary), ເຊິ່ງຕັ້ງຢູ່ບໍ່ໄກຈາກ ເມືອງແຫ່ງຂົວ (City of Bridges). ໂບຮານສະຖານແຫ່ງນີ້ເປັນກຸ່ມສະຖາປັດຕະຍະກຳຂອງວັດຈຳປາຫຼາຍແຫ່ງ ທີ່ມີສະຖາປັດຕະຍະກຳອັນເປັນເອກະລັກຢ່າງຍິ່ງ ໂດຍໄດ້ຮັບອິດທິພົນຈາກສາສະໜາຮິນດູ. ວັດທຸກແຫ່ງໃນໂບຮານສະຖານ ໝີເຊີນ ແມ່ເຮັດດ້ວຍອິດ ແລະ ຫີນ, ຫັນໜ້າໄປທາງທິດຮອບຮ່ວງ (ທິດກະເວັນອອກ) - ທິດທີ່ດວງອາທິດຂຶ້ນ. ເທິງຝາຜະໜັງຂອງວັດ ແລະ ຫໍຄອຍ ມີລວດລາຍແກະສະຫຼັກທີ່ປະນີດ, ລະອຽດອ່ອນ ແລະ ພິຖີພິຖັນ ດ້ວຍລາຍລະອຽດທີ່ງົດງາມ.

_{ວັດລິງອື້ງ}

ເປັນເມືອງເກີດຂອງ Sinh (ສະແດງໂດຍ Scott Ly), ເຊິ່ງເປັນບ່ອນທີ່ Amanda ແລະ ໝູ່ໆໄດ້ໄປຮ່ວມສະຫຼອງບຸນເຕັດ (Tet) ໃນຖານະແຂກ. ແຂວງພູເຂົາທາງພາກຕາເວັນອອກສຽງເໜືອຂອງ ຮາຢາງ, ເຊິ່ງເປັນບ້ານຂອງ 22 ຊົນເຜົ່າ, ຍັງເປັນທີ່ຮູ້ຈັກກັນດີໃນຖານະບ່ອນທີ່ “ດອກໄມ້ບານເທິງກ້ອນຫີນ”. ຮາຢາງ ໃນລະດູໃບໄມ້ປົ່ງຈະອົບອວນไปด้วยກິ່ນຫອມຂອງດອກໄມ້, ໂດຍສະເພາະດອກຊາກຸຣະ, ດອກໝາກເມັດ, ດອກຜັກກາດ ແລະ ດອກລູກທໍ ໃນເດືອນມີນາ. ລະດູໃບໄມ້ປົ່ງຍັງເປັນລະດູການຂອງງານບຸນຕ່າງໆ. ໃນ ຮາຢາງ ຊ່ວງເດືອນຕຸລາ ຫາ ທັນວາ, ນັກທ່ອງທ່ຽວຈະມີໂອກາດໄດ້ເພີດເພີນກັບກິ່ນຫອມອ່ອນໆ, ແລະ ໄດ້ເຫັນສີມ່ວງຂອງດອກບັກວີດ (buckwheat) ທີ່ປົກຄຸມໄປທົ່ວທຸກໝູ່ບ້ານນ້ອຍໆ ດ້ວຍຕາຂອງໂຕເອງ.

_{ວິວແມ່ໜ້ຳ Nho Que ຈາກມຸມສູງ}

ນອກຈາກທັດສະນີພາບທີ່ເປັນທຳມະຊາດດັ້ງເດີມ ແລະ ອ່າງຂະນາງແລ້ວ, ຮາຢາງ (Ha Giang) ຍັງມີບູຮານສະຖານທາງປະຫວັດສາດ ເຊັ່ນ: ປະຕູຟ້າ (Heaven’s Gate) ແລະ ພູເຂົາແຝດ Quan Ba (ເມືອງ Quan Ba); ພະລາຊະວັງຕະກູນ Vuong ແລະ ເສົາທຸງ Lung Cu (ເມືອງ Dong Van); ຊ່ອງເຂົາ Ma Pi Leng (ເມືອງ Meo Vac); ນ້ຳຕົກຕາດ Tien (ນ້ຳຕົກນາງຟ້າ) – ຊ່ອງເຂົາ Gio (ຊ່ອງເຂົາລົມ) ແລະ ທົ່ງຫີນບູຮານ Nam Dan (ເມືອງ Xin Man); ແລະ ບ່ອນນ້ຳແຮ່ Quang Ngan ໃນເມືອງ Vi Xuyen ແລະ ອື່ນໆ.

_{ວັດວັນນະຄະດີ (ຮ່າໂນ້ຍ)}

ການຜະຈົນໄພໃນທີ່ສຸດກໍມາເຖິງຈຸດສິ້ນສຸດຢູ່ຮ່າໂນ້ຍ, ເມືອງຫຼວງຂອງຫວຽດນາມ ທີ່ໂອບອຸ້ມ ແລະ ບຳລຸງຮັກສາຄວາມປະສົມປະສານຢ່າງກົມກຽວຂອງປະເພນີ, ຄວາມບູຮານ ແລະ ຄວາມງຽບສະຫງົບ. ຮ່າໂນ້ຍ ເປັນແຫຼ່ງຮວບຮວມບູຮານສະຖານທາງປະຫວັດສາດຫຼາຍແຫ່ງ ເຊັ່ນ: ວັດວັນນະຄະດີ - ມະຫາວິທະຍາໄລແຫ່ງທຳອິດຂອງຫວຽດນາມ ທີ່ໄດ້ສຶກສາອົບຮົມບັນດານັກປາດ ແລະ ຂຸນນາງທີ່ມີຊື່ສຽງຫຼາຍຮ້ອຍຄົນ. ຮ່າໂນ້ຍ ຍັງເປັນສະຖານທີ່ສຳລັບຄວາມມ່ວນຊື່ນ ແລະ ການຄົ້ນຫາ ດ້ວຍການສະແດງສິນລະປະຫຼາຍຢ່າງ ເຊັ່ນ: ການສະແດງຫຸ່ນກະບອກນ້ຳ, The Quintessence of Tonkin,... ທັງເປັນສູນກາງການຊ້ອບປິ້ງ ແລະ ເປັນສະຖານທີ່ທີ່ແທ້ຈິງໃນການຍ່າງເລາະ ແລະ ຊິມອາຫານຂ້າງທາງ.

_{ການສະແດງຫຸ່ນກະບອກນ້ຳ}

ຜູ້ຊົມຮູບເງົາ A Tourist’s Guide to Love ຈະພົບວ່າຮູບເງົານີ້ມີທັງສາກຕະຫຼົກຕະລົ່ງ, ມຸກຕະຫຼົກແບບຄົນຕ່າງຖິ່ນ, ສາກການຊ້ອບປິ້ງຢ່າງຫຼາກຫຼາຍ, ຄວາມລັບທີ່ຖອກເທເປີດເຜີຍ ແລະ ການຟ້າວຟັ່ງໃນວິນາທີສຸດທ້າຍເພື່ອເວົ້າວ່າ “ຂ້ອຍຮັກເຈົ້າ”, ແຕ່ເທົ່ານີ້ສາກຫຼັງແມ່ນປະເທດຫວຽດນາມໃນຍຸກປັດຈຸບັນ, ທີ່ເຮັດໃຫ້ຜົນງານສິນລະປະນີ້ມີຄວາມຮູ້ນຶກແປກໃໝ່ຢ່າງບໍ່ຄາດຄິດ. “A Tourist’s Guide to Love” ໂດຍພື້ນຖານແລ້ວແມ່ນບັນທຶກການເດີນທາງທີ່ມີເຄົ້າໂຄງເລື່ອງ, ແລະ ເປັນແຮງບັນດານໃຈໃຫ້ທ່ານຈັດກະເປົ໋າເດີນທາງມາຫວຽດນາມ, ເພື່ອຄົ້ນຫາ, ຜ່ອນຄາຍ, ທ່ອງທ່ຽວ ແລະ ທີ່ສຳຄັນທີ່ສຸດແມ່ນໄດ້ໃຊ້ຊີວິດຢ່າງມີອິດສະຫຼະ ແລະ ເຕັມທີ່ຢູ່ຫວຽດນາມ.

ພວກຮົາຫວັງວ່າຈະໄດ້ພົບທ່ານຢູ່ຫວຽດນາມ ດ້ວຍຕົນເອງ ໃນໄວໆນີ້!