ຮ່າໂນ້ຍ, ຫວຽດນາມ (20 ກຸມພາ 2019) -- ຫວຽດນາມ ແອຣ໌ໄລນ໌ ແລະ ຄະນະກຳມະການປະຊາຊົນນະຄອນຮ່າໂນ້ຍ ກຳລັງນຳສະເໜີງານ Vietnam Airlines Festa ຄັ້ງທຳອິດໃຫ້ແກ່ນັກທ່ອງທ່ຽວ, ໂດຍຈະຈັດຂຶ້ນຢູ່ ສວນດອກໄມ້ ລີ້ ໄທ ໂຕ (Ly Thai To Flower Garden) ພາຍໃຕ້ຫົວຂໍ້ "ງານບຸນເຕັດດັ້ງເດີມ" ຕັ້ງແຕ່ເວລາ 11:00 ໂມງ ເຖິງ 19:00 ໂມງ ໃນວັນທີ 23 - 24 ກຸມພາ 2019. ງານດັ່ງກ່າວຕັ້ງຢູ່ໃນເມືອງ ຮວ່ານກຽມ (Hoan Kiem) ທີ່ເປັນປະຫວັດສາດຂອງຮ່າໂນ້ຍ, ຈະມີກິດຈະກຳ ແລະ ໂປຣໂມຊັນຫຼາຍຢ່າງສຳລັບນັກທ່ອງທ່ຽວ ແລະ ປະຊາຊົນໃນນະຄອນຫຼວງ.

ນັບຕັ້ງແຕ່ນີ້ເປັນຕົ້ນໄປ, Festa ຈະເປັນງານທີ່ຈັດຂຶ້ນເປັນປະຈຳທຸກໆສອງເດືອນ, ໂດຍເປັນສ່ວນໜຶ່ງຂອງຊຸດໂຄງການພັດທະນາການທ່ອງທ່ຽວ, ວັດທະນະທຳ ແລະ ສັງຄົມ ລະຫວ່າງ ຫວຽດນາມ ແອຣ໌ໄລນ໌ ແລະ ຄະນະກຳມະການປະຊາຊົນນະຄອນຮ່າໂນ້ຍ.

ຢູ່ທີ່ງານດັ່ງກ່າວ, ຫວຽດນາມ ແອຣ໌ໄລນ໌ ຈະເປີດໂຕໂຄງການ "Buddha Land Journey" ໂດຍມີຂໍ້ສະເໜີລາຄາ 209,000VND ສຳລັບການເດີນທາງໄປ ມຽນມາ, ລາວ ແລະ ກຳປູເຈຍ (ບໍ່ລວມພາສີ ແລະ ຄ່າທຳນຽມ). ສາຍການບິນຍັງຈະແຈກລະຫັດສ່ວນຫຼຸດ 2,000 ລະຫັດ ສູງສຸດ 50% ໃຫ້ກັບຜູ້ເຂົ້າຮ່ວມງານ. 

ລູກຄ້າທີ່ມັກການທ່ອງທ່ຽວຍັງສາມາດຊື້ແພັກເກັດຄອມໂບຈາກ ຫວຽດນາມ ແອຣ໌ໄລນ໌ ແລະ Vinpearl. ຂໍ້ສະເໜີນີ້ລວມມີການພັກຜ່ອນ 3 ມື້ 2 ຄືນ ຢູ່ Vinpearl resorts ໃນລາຄາ 7,990,000VND ແລະ ມີໃຫ້ບໍລິການສະເພາະຢູ່ທີ່ງານເທົ່ານັ້ນ.

ຜູ້ເຂົ້າຮ່ວມງານ Festa ມີສິດລຸ້ນຮັບຂອງຂວັນຕ່າງໆ ເຊັ່ນ: ປີ້ຍົນຟຣີ, ບັດສ່ວນຫຼຸດຄ່າບິນມູນຄ່າ 1,000,000VND, ບັດບໍລິການຢູ່ສະໜາມບິນ, ແລະ ບັດພັກຜ່ອນ Vinoasis ແລະ Vinpearl. ຄະນະຈັດງານຍັງໄດ້ກຽມຂອງຂວັນ 100 ຢ່າງ ສຳລັບແຂກ 100 ທ່ານທຳອິດທີ່ມາ ເຊັກອິນ ໃນງານ.

ດ້ວຍບັນຍາກາດຂອງລະດູໃບໄມ້ປົ່ງ, Vietnam Airlines Festa ເປັນໂອກາດໃຫ້ຊາວຮ່າໂນ້ຍ ແລະ ນັກທ່ອງທ່ຽວໄດ້ດຳດິ່ງໄປກັບການສະແດງສິລະປະທີ່ໜ້າຕື່ນເຕັ້ນ ແລະ ກິດຈະກຳພື້ນເມືອງດັ້ງເດີມທີ່ພິເສດ, ເຊິ່ງຮັບປະກັນວ່າຈະມອບປະສົບການທີ່ໜ້າຈົດຈຳ. 

 

###

ຂໍ້ມູນຂ່າວສານ, ກະລຸນາຕິດຕໍ່:
Vietnam Airlines Corporation
No. 200 Nguyen Son Street, Long Bien, Ha Noi
Hotline PR: 0903242577
Email: public-relations@vietnamairlines.com

 

ສຳລັບລາຍລະອຽດເພີ່ມເຕີມ ແລະ ການຈອງ, ລູກຄ້າສາມາດ ເຂົ້າເບິ່ງເວັບໄຊທ໌, ໜ້າ Facebook, ຕິດຕໍ່ຕົວແທນ ຫວຽດນາມ ແອຣ໌ໄລນ໌, ຫ້ອງຂາຍປີ້ທົ່ວປະເທດຫວຽດນາມ ຫຼື ສູນບໍລິການລູກຄ້າທົ່ວໄປ 1900 1100.

---