ຮ່າໂນ້ຍ, ຫວຽດນາມ (5 ກໍລະກົດ 2018) -- ໃນປັດຈຸບັນ, ນັກທ່ອງທ່ຽວທີ່ມາຢ້ຽມຢາມຫວຽດນາມ ມີແຫຼ່ງຂໍ້ມູນລະດັບໂລກຢູ່ປາຍນິ້ວມື ດ້ວຍການເປີດໂຕ www.vietnam.travel, ເວັບໄຊພໍທັນການທ່ອງທ່ຽວຢ່າງເປັນທາງການຂອງປະເທດ. 

ໃນການຖະແຫຼງຂ່າວທີ່ຮ່າໂນ້ຍ ເມື່ອວັນທີ 5 ກໍລະກົດ 2018, ບັນດາຜູ້ນຳດ້ານການທ່ອງທ່ຽວໄດ້ກ່າວວ່າ ເວັບໄຊນີ້ຖືກອອກແບບມາເພື່ອສະໜອງຂໍ້ມູນທີ່ມີຄຸນນະພາບ ແລະ ແຮງບັນດານໃຈໃຫ້ກັບນັກທ່ອງທ່ຽວ, ແລະ ຈະນຳໃຊ້ຢຸດທະສາດການຕະຫຼາດດິຈິທັອບຫຼ້າສຸດ ເພື່ອແບ່ງປັນຊັບພະຍາກອນການທ່ອງທ່ຽວຂອງຫວຽດນາມໃຫ້ກັບຜູ້ຊົມທົ່ວໂລກ.

ໂດເມນນີ້, ໄດ້ເປີດໂຕຄັ້ງທຳອິດໃນວັນທີ 15 ມິຖຸນາທີ່ຜ່ານມາ, ຖືກບໍລິຫານຈັດການໂດຍສະພາທີ່ປຶກສາດ້ານການທ່ອງທ່ຽວ (TAB) ໂດຍການຮ່ວມມືຢ່າງໃກ້ຊິດກັບອົງການທ່ອງທ່ຽວແຫ່ງຊາດຫວຽດນາມ (VNAT). ຜ່ານຄັງເລື່ອງລາວທີ່ໜ້າສົນໃຈ, ການສຳພາດ, ວິດີໂອ, ທົວສະເໝືອນຈິງ ແລະ ຮູບພາບມືອາຊີບ, ເວັບໄຊນີ້ມີເປົ້າໝາຍເພື່ອດຶງດູດຜູ້ໃຊ້ງານໃຫ້ເຂົ້າມາຄົ້ນຫາຫວຽດນາມໃນຖານະຈຸດໝາຍປາຍທາງການພັກຜ່ອນທີ່ສົດໃສ ແລະ ເຂົ້າເຖິງໄດ້ງ່າຍ. 

ນອກຈາກນີ້ ຢູ່ເທິງໂດເມນໃໝ່ນີ້ຍັງມີບົດຄວາມທີ່ມີປະໂຫຍດ -- ເຊິ່ງໃຫ້ຄຳແນະນຳທີ່ເຊື່ອຖືໄດ້ໃນທຸກໆດ້ານ ຕັ້ງແຕ່ການຂໍວີຊາ ຈົນເຖິງເທດສະການຕ່າງໆຂອງຫວຽດນາມ --  ເພື່ອສະໜັບສະໜູນນັກທ່ອງທ່ຽວໃນການວາງແຜນການພັກຜ່ອນ. ໜ້າ Facebook ແລະ Instagram ຢ່າງເປັນທາງການຂອງການທ່ອງທ່ຽວຫວຽດນາມ ໄດ້ຖືກເຊື່ອມຕໍ່ກັບເວັບໄຊ ເພື່ອເປັນແພລັດຟອມໃຫ້ນັກທ່ອງທ່ຽວໄດ້ຮຽນຮູ້ເພີ່ມເຕີມກ່ຽວກັບຫວຽດນາມ ແລະ ແບ່ງປັນປະສົບການຈາກການເດີນທາງຂອງພວກເຂົາ.

ຈຸດເດັ່ນບາງຢ່າງທີ່ຜູ້ໃຊ້ງານສາມາດພົບເຫັນໄດ້ແລ້ວຢູ່ເທິງເວັບໄຊ ຄື ທົວ 360 ອົງສາຂອງມໍລະດົກໂລກ UNESCO ຊັ້ນນຳ, ໜ້າຂໍ້ມູນລະອຽດກ່ຽວກັບ 18 ຈຸດໝາຍປາຍທາງໃນຫວຽດນາມ ແລະ 'Vietnam Starter Kit' ທີ່ສາມາດດາວໂຫຼດໄດ້ ສຳລັບນັກທ່ອງທ່ຽວທີ່ມາຄັ້ງທຳອິດ. ທ່ານນາງ Dieu Anh Phung ຜູ້ຈັດການຝ່າຍການຕະຫຼາດຂອງ TAB ກ່າວວ່າ ແຫຼ່ງຂໍ້ມູນຊັ້ນດີເພີ່ມເຕີມ ສຳລັບນັກທ່ອງທ່ຽວກຳລັງຢູ່ລະຫວ່າງການດຳເນີນງານສຳລັບປີນີ້, ລວມທັງແຄມເປນວິດີໂອ ແລະ ຕົວຢ່າງວິດີໂອທ່ອງທ່ຽວຫວຽດນາມຮ່ວມສະໄໝ.

“ພໍທັນ www.vietnam.travel ມີຈຸດປະສົງເພື່ອໃຫ້ຂໍ້ມູນ ແລະ ສ້າງແຮງບັນດານໃຈໃຫ້ນັກທ່ອງທ່ຽວໃນທຸກໆຂັ້ນຕອນຂອງການເດີນທາງຂອງພວກເຂົາ,” ທ່ານນາງ Phung ກ່າວ. “TAB ໄດ້ຮັບຄວາມຊ່ວຍເຫຼືອຈາກຜູ້ຊ່ຽວຊານດ້ານການຕະຫຼາດດິຈິທັອບຊັ້ນນຳ ເພື່ອໃຫ້ຄຳປຶກສາດ້ານເນື້ອຫາ ແລະ ຢຸດທະສາດ, ແລະ ພວກເຮົາມີຄວາມຕື່ນເຕັ້ນຫຼາຍກ່ຽວກັບສັກກະຍາພາບຂອງເວັບໄຊນີ້ ແລະ ໂອກາດຕ່າງໆທີ່ຢູ່ຂ້າງໜ້າ.”

ໂດເມນໃໝ່, ແຄມເປນວິດີໂອ ແລະ ບັນຊີໂຊຊຽວມີເດຍຕ່າງໆ ໄດ້ຮັບການສະໜັບສະໜູນຈາກສະມາຊິກໃນພາກສ່ວນການທ່ອງທ່ຽວເອກະຊົນຂອງຫວຽດນາມ, ລວມມີ Thien Minh Group, HG Holdings, Saigon Tourist, Hanoi Tourist, Vingroup, Sungroup, Muong Thanh Hospitality, ແລະ Vingroup. ແຕ່ລະແຫ່ງໄດ້ສົມທົບທຶນເຂົ້າໃນ 'ກອງທຶນການທ່ອງທ່ຽວຫວຽດນາມ 2020' ເຊິ່ງບໍລິຫານຈັດການໂດຍ TAB ເພື່ອຈຸດປະສົງໃນການສົ່ງເສີມການທ່ອງທ່ຽວພາຍໃນປະເທດ. 

 

###

 

ກ່ຽວກັບ TAB

ສະພາທີ່ປຶກສາດ້ານການທ່ອງທ່ຽວຂອງຫວຽດນາມ (TAB) ແມ່ນກຸ່ມພັນທະມິດຂອງຜູ້ນຳອຸດສາຫະກຳ ແລະ ຜູ້ມີສ່ວນຮ່ວມຈາກພາກສ່ວນການທ່ອງທ່ຽວ ແລະ ການເດີນທາງເອກະຊົນ. ພັນທະມິດໃນປະຈຸບັນລວມມີ Thien Minh Group, SunGroup, Vietnam Airlines, VinGroup, Saigon Tourist, Hanoi Tourist, Muong Thanh Group, ແລະ HG Holdings. TAB ໄດ້ເຂົ້າຮ່ວມເປັນພັນທະມິດກັບອົງການທ່ອງທ່ຽວແຫ່ງຊາດຫວຽດນາມ (VNAT) ເພື່ອສົ່ງເສີມການພັດທະນາການທ່ອງທ່ຽວຢ່າງຍືນຍົງໃນປະເທດ. TAB ມີສຳນັກງານຕັ້ງຢູ່ຮ່າໂນ້ຍ ຕົວເມືອງຫຼວງ, ແລະ ປະຈຸບັນບໍລິຫານຈັດການເວັບໄຊການທ່ອງທ່ຽວຢ່າງເປັນທາງການຂອງຫວຽດນາມ ແລະ ແພລັດຟອມໂຊຊຽວມີເດຍໃນນາມຂອງ VNAT.

---