ຮ່າໂນ້ຍ, ຫວຽດນາມ (15 ກັນຍາ 2021) -- ຫວຽດນາມ ມີແຜນທີ່ຈະເປີດຊາຍແດນຄືນໃໝ່ຕ້ອນຮັບນັກທ່ອງທ່ຽວທີ່ໄດ້ຮັບວັກຊີນຄົບໂດດສູ່ເກາະ ຟູກວົກ, ຕາມການແຖລງຂອງຮອງນາຍົກລັດຖະມົນຕີ ເມື່ອວັນທີ 9 ກັນຍາ 2021.
 
ບາດກ້າວເຫຼົ່ານີ້ຈະເລັ່ງການຟື້ນໂຕຄືນຢ່າງຮາບຮື່ນຂອງຫວຽດນາມສູ່ການທ່ອງທ່ຽວໂລກ. ໃນຖານະຈຸດໝາຍປາຍທາງທີ່ໄດ້ຮັບລາງວັນຫຼາກຫຼາຍດ້ານທັງມໍລະດົກ, ວັດທະນະທຳ, ອາຫານ ແລະ ການທ່ອງທ່ຽວກອຟ, ປະເທດຫວຽດນາມ ໄດ້ຕ້ອນຮັບນັກທ່ອງທ່ຽວຕ່າງປະເທດ 18 ລ້ານຄົນ ໃນປີ 2019, ເຊິ່ງເພີ່ມຂຶ້ນຫຼາຍກວ່າສອງເທົ່າເມື່ອທຽບໃສ່ປີ 2015. 
 
ເກາະ ຟູກວົກ - ຄວາມລັບສຸດຍອດຂອງຫວຽດນາມ, ເປັນບ່ອນຕັ້ງຂອງຊາຍຫາດທາດຊາຍຂາວທີ່ງາມທີ່ສຸດໃນອາຊີຕາເວັນອອກສຽງໃຕ້, ພ້ອມກັບຈຸດດຳນ້ຳຕື້ນທີ່ຍອດຢ້ຽມໃນ ເຂດຮັກສາຊີວະພາບທີ່ໄດ້ຮັບການຮັບຮອງຈາກ UNESCO. ຕັ້ງແຕ່ການຍ່າງປ່າໃນອຸທິຍານແຫ່ງຊາດຂະໜາດໃຫຍ່, ການພັກຜ່ອນເພື່ອສຸຂະພາບທີ່ຈົບລົງດ້ວຍຕາເວັນຕົກດິນທີ່ງົດງາມທີ່ສຸດຂອງຫວຽດນາມ, ໄປຈົນເຖິງຊາຟາຣີ, ສວນນ້ຳ ແລະ ກະເຊົ້າລອຍຟ້າທີ່ຍາວທີ່ສຸດໃນໂລກ, ຕະຫຼາດກາງຄືນ ແລະ ອາຫານທ້ອງຖິ່ນ -- ນັກທ່ອງທ່ຽວຈະໄດ້ພົບກັບປະສົບການຢ່າງຫຼາກຫຼາຍທີ່ຈະແບ່ງປັນ ແລະ ຈົດຈຳ. ທົວທ່ອງທ່ຽວເປັນກຸ່ມ, ຄອບຄົວ, ແລະ ນັກທ່ອງທ່ຽວອິດສະຫຼະທຸກເພດທຸກໄວ ສາມາດລໍຖ້າການເດີນທາງທີ່ເຕັມไปด้วยຄວາມປະຫຼາດໃຈ ແລະ ຜ່ອນຄາຍໄດ້. 

ແຄມເປນ “Live Fully in Vietnam” ຈະຖືກເປີດຕົວເພື່ອສົ່ງເສີມການເປີດການທ່ອງທ່ຽວຫວຽດນາມຄືນໃໝ່, ໂດຍເລີ່ມຕົ້ນດ້ວຍໂຄງການທ່ອງທ່ຽວ “Roam Phu Quoc”.
 
ຫວຽດນາມ ມີຄວາມຕື່ນເຕັ້ນທີ່ຈະຕ້ອນຮັບທົ່ວໂລກສູ່ເກາະ ຟູກວົກ, ແລະ ໃຫ້ທ່ານໄດ້ຄົ້ນພົບສະເໜ່ທີ່ກ້າວຂ້າມກາລະເວລາເຊິ່ງເຮັດໃຫ້ຜູ້ຄົນຫວນກັບມາອີກຄັ້ງ. ແລ້ວພົບກັນຢູ່ ຟູກວົກ!

ຕິດຕາມ https://www.vietnamtourism.gov.vn/english ສຳລັບຂໍ້ມູນເພີ່ມເຕີມ ແລະ ການອັບເດດ