ຄູ່ມືສະໜາມບິນໃນຫວຽດນາມສຳລັບນັກທ່ອງທ່ຽວ

ທ່ຽວບິນລະຫວ່າງປະເທດສ່ວນໃຫຍ່ແມ່ນລົງຈອດຢູ່ໜຶ່ງໃນສາມສະໜາມບິນຫຼັກຂອງຫວຽດນາມ ໃນ ຮ່າໂນ້ຍ, ດ່ານັງ ຫຼື ນະຄອນໂຮ່ຈີມິນ. ນອກຈາກນີ້ ຍັງມີທ່ຽວບິນລະຫວ່າງປະເທດແບບກົງໄປຫາສູນກາງການທ່ອງທ່ຽວທີ່ສໍາຄັນ ເຊັ່ນ ຍາຈາງ ແລະ ຟູໂກວກ. ບໍ່ວ່າທ່ານຈະລົງຈອດຢູ່ສະໜາມບິນໃດ, ທ່ານຈະຕ້ອງມີວີຊາ ຫຼື ມີສິດໄດ້ຮັບການຍົກເວັ້ນວີຊາເພື່ອເຂົ້າປະເທດ. ທ່ານສາມາດຊອກຫາຂໍ້ມູນເພີ່ມເຕີມກ່ຽວກັບການຍົກເວັ້ນວີຊາ ແລະ ຂໍ້ກຳນົດຂອງຫວຽດນາມໄດ້ ທີ່ນີ້.

ຢູ່ພາຍໃນຫວຽດນາມ, ການບິນມັກຈະເປັນວິທີທີ່ສະດວກທີ່ສຸດໃນການເດີນທາງໄປຫາຈຸດໝາຍປາຍທາງທີ່ຫ່າງໄກ. ໂດຍທົ່ວໄປແລ້ວ ທ່ຽວບິນແມ່ນມີລາຄາທີ່ເຂົ້າເຖິງໄດ້, ແຕ່ທ່ານຄວນຄາດຫວັງວ່າລາຄາຈະສູງຂຶ້ນໃນຊ່ວງວັນພັກທາງການ. ສາຍການບິນພາຍໃນປະເທດ ໄດ້ແກ່ Vietnam Airlines, Vietjet Air, Bamboo Airways ແລະ Jetstar. ສຳລັບຂໍ້ມູນເພີ່ມເຕີມກ່ຽວກັບການເດີນທາງຢູ່ພາຍໃນຫວຽດນາມ, ອ່ານ ບົດຄວາມນີ້.

ອາຄານຜູ້ໂດຍສານ 

ສະໜາມບິນລະຫວ່າງປະເທດ ໂໜ້ຍບ່າຍ (HAN) ຂອງ ຮ່າໂນ້ຍ ມີອາຄານຜູ້ໂດຍສານສອງອາຄານ: T1 ສຳລັບທ່ຽວບິນພາຍໃນປະເທດ ແລະ T2 ສຳລັບທ່ຽວບິນລະຫວ່າງປະເທດ. ອາຄານທັງສອງຢູ່ຫ່າງກັນ 850 ແມັດ. ມີລົດຮັບ-ສົ່ງ (Shuttle bus) ຟຣີ ທີ່ວິ່ງທຸກໆ 10 - 15 ນາທີ ຕັ້ງແຕ່ 6 ໂມງເຊົ້າ ຫາ 1 ໂມງເຊົ້າ ລະຫວ່າງ ຊັ້ນ 1 ຂອງ T2 ທາງດ້ານຕາເວັນຕົກ, ແລະ ຊັ້ນ 2 ຂອງ T1 (ຂາອອກ.) ເຄົາເຕີເຊັກອິນໃນອາຄານຜູ້ໂດຍສານພາຍໃນປະເທດຖືກແບ່ງອອກເປັນສາມໂຖງ: A, B, ແລະ E (ສຳລັບທ່ຽວບິນ Vietjet.) ປະຕູຂຶ້ນເຄື່ອງທຸກປະຕູສາມາດເຂົ້າເຖິງໄດ້ເມື່ອທ່ານຜ່ານຈຸດກວດກາຄວາມປອດໄພແລ້ວ, ບໍ່ວ່າທ່ານຈະເຂົ້າຈາກໂຖງໃດກໍຕາມ.

ອາຄານຜູ້ໂດຍສານລະຫວ່າງປະເທດແມ່ນສິ່ງກໍ່ສ້າງທີ່ໃໝ່ກວ່າ. ມີຕູ້ ATM ຢູ່ພາຍໃນເຂດກວດຄົນເຂົ້າເມືອງ ສຳລັບຜູ້ທີ່ຕ້ອງການຈ່າຍຄ່າທຳນຽມວີຊາເປັນເງິນດົ່ງຫວຽດນາມ. ອາຄານຜູ້ໂດຍສານຍັງມີຫ້ອງຝາກກະເປົາ ຫຼື ລັອກເກີ, ແລະ ຮ້ານຄ້າປອດພາສີ.

ການເດີນທາງ 

ສະໜາມບິນໂໜ້ຍບ່າຍ ຢູ່ຫ່າງຈາກຕົວເມືອງຮ່າໂນ້ຍ ປະມານ 27 ກິໂລແມັດ. ໂດຍທົ່ວໄປແລ້ວ ຈະໃຊ້ເວລາປະມານໜຶ່ງຊົ່ວໂມງໃນການເດີນທາງໄປຮອດສະໜາມບິນຈາກໃຈກາງເມືອງ.

ແທັກຊີ: ແທັກຊີມິເຕີໄປ ແລະ ມາຈາກສະໜາມບິນມີລາຄາປະມານ 300,000 VND ຫາ 400,000 VND. ຜູ້ຂັບຂີ່ຂອງທ່ານອາດຈະຮ້ອງຂໍເງິນເພີ່ມ 15,000 VND ສຳລັບຄ່າຜ່ານທາງສະໜາມບິນ.

ແອັບຮຽກລົດ: ແອັບຕ່າງໆ ເຊັ່ນ Grab, Be, ແລະ Go Viet ແມ່ນຕົວເລືອກທີ່ດີສຳລັບຜູ້ທີ່ມີຊິມກາດຫວຽດນາມ. ຄ່າເດີນທາງໂດຍທົ່ວໄປແມ່ນປະມານ 250,000 VND ດ້ວຍ GrabCar.

ລົດຕູ້: ຕັ້ງແຕ່ 4 ໂມງເຊົ້າ ຫາ 9 ໂມງແລງ, VietJet Air ແລະ Vietnam Airlines ມີລົດຕູ້ບໍລິການຈາກສະໜາມບິນໄປຫາຕົວເມືອງຮ່າໂນ້ຍ ແລະ ໃນທາງກັບກັນ. ທ່ານຈະເຫັນລົດຮັບ-ສົ່ງເຫຼົ່ານີ້ເມື່ອທ່ານອອກຈາກປະຕູຂາເຂົ້າ (Arrivals). ເສັ້ນທາງຈະໄປສິ້ນສຸດຢູ່ທີ່ 1 Quang Trung ໃນເຂດເມືອງເກົ່າ (Old Quarter). ຕົ໋ວມີລາຄາ 40,000 VND.

ລົດເມ: ຕັ້ງແຕ່ 6:30 ໂມງເຊົ້າ ຫາ 11 ໂມງແລງ, ລົດເມດ່ວນສີສົ້ມ 86 Express Bus ຈະວິ່ງຈາກສະໜາມບິນຜ່ານໃຈກາງ ຮ່າໂນ້ຍ ແລະ ສິ້ນສຸດຢູ່ທີ່ສະຖານີລົດໄຟ. ຕົ໋ວມີລາຄາ 30,000 VND. 

ເວັບໄຊທາງການຂອງສະໜາມບິນຮ່າໂນ້ຍ

ອາຄານຜູ້ໂດຍສານ

ສະໜາມບິນລະຫວ່າງປະເທດ ດ່ານັງ (DAD) ມີສອງອາຄານຜູ້ໂດຍສານ: T1 ສຳລັບທ່ຽວບິນພາຍໃນປະເທດ ແລະ T2 ສຳລັບທ່ຽວບິນລະຫວ່າງປະເທດ. ອາຄານທັງສອງສາມາດຍ່າງຫາັນໄດ້ຢ່າງງ່າຍດາຍຜ່ານທາງຍ່າງທີ່ມີຫຼັງຄາປົກກຸ້ມ. ສະໜາມບິນດ່ານັງ ມີຄວາມທັນສະໄໝ ແລະ ບໍ່ຄ່ອຍແອອັດ. ໂຖງຂາເຂົ້າໃນອາຄານຜູ້ໂດຍສານພາຍໃນປະເທດ ມີຫ້ອງພັກຮັບຮອງ (Lounge) ຈາກຣີສອດໃຫຍ່ໆ, ລວມທັງຮ້ານຄ້າ ແລະ ຕູ້ ATM ຢູ່ທາງນອກທາງອອກ. ເຄົາເຕີວີຊາຂາເຂົ້າລະຫວ່າງປະເທດຈະບໍ່ຄ່ອຍໜາແໜ້ນເທົ່າກັບຢູ່ຮ່າໂນ້ຍ ແລະ ນະຄອນໂຮ່ຈີມິນ, ແຕ່ບໍ່ມີຕູ້ ATM ໃນເຂດກວດຄົນເຂົ້າເມືອງ ດັ່ງນັ້ນ ໃຫ້ກຽມພ້ອມທີ່ຈະຈ່າຍຄ່າທຳນຽມເປັນ USD ຫຼື VND. 

ການເດີນທາງ

ສະໜາມບິນໃນ ດານັງ ຢູ່ຫ່າງຈາກໃຈກາງເມືອງປະມານ 5 ກິໂລແມັດ, ຫ່າງຈາກເມືອງເກົ່າ ຮອຍອານ 29 ກິໂລແມັດ, ແລະ ຫ່າງຈາກ ເຮ້ 98 ກິໂລແມັດ. ຄວນເຜື່ອເວລາ 30 ນາທີ ເພື່ອເດີນທາງໄປຮອດສະໜາມບິນຈາກເຂດຊາຍຫາດໃນ ດານັງ.

ລົດເຊົ່າພ້ອມຄົນຂັບ: ຖ້າທ່ານກຳລັງຈະໄປ ຮອຍອານ, ໂຮງແຮມຂອງທ່ານສາມາດຈັດຫາລົດໃຫ້ໄດ້ໃນລາຄາຄົງທີ່ລະຫວ່າງ 250,000 ຫາ 350,000 VND. 

ແທັກຊີ: ແທັກຊີໄປໃຈກາງເມືອງ ດານັງ ມີລາຄາລະຫວ່າງ 70,000 VND ຫາ 120,000 VND.  ແທັກຊີແບບມິດເຕີໄປ ຮອຍອານ ຈະມີລາຄາ 450,000 VND ຂຶ້ນໄປ.

ແອັບຮຽກລົດ: Grab ແລະ Go Viet ແມ່ນມີໃຫ້ບໍລິການໃນ ດານັງ ແລະ ໃຊ້ໄດ້ດີສຳລັບໄລຍະທາງໄກ້ໆ ແລະ ການເດີນທາງດ້ວຍລົດຈັກ. ທ່ານຈະຕ້ອງມີຊິມກາດຫວຽດນາມເພື່ອໃຊ້ບໍລິການເຫຼົ່ານີ້.

ລົດຮັບສົ່ງ: ລົດຕູ້ຮັບສົ່ງລາຄາຍ່ອມເຍົາອອກບໍລິການທຸກໆຊົ່ວໂມງ ຕັ້ງແຕ່ 5 ໂມງເຊົ້າ ຫາ 11 ໂມງແລງ ຈາກສະໜາມບິນໄປຕົວເມືອງ ດານັງ ແລະ ຮອຍອານ. ຊອກຫາລົດຮັບສົ່ງ Hoi An Express ໄດ້ທີ່ປະຕູ A4 ໃນເຂດຜູ້ໂດຍສານຂາເຂົ້າພາຍໃນປະເທດ.

ເວັບໄຊທາງການຂອງສະໜາມບິນ ດານັງ

ອາຄານຜູ້ໂດຍສານ 

ສະໜາມບິນສາກົນ ຕັນເຊີນເຍິດ (SGN) ຂອງ ນະຄອນໂຮ່ຈີມິນ ມີອາຄານຜູ້ໂດຍສານສອງແຫ່ງ (T1 ພາຍໃນປະເທດ, T2 ສາກົນ) ເຊິ່ງເຊື່ອມຕໍ່ກັນດ້ວຍທາງຍ່າງທີ່ມີຫຼັງຄາແອ້ມຍາວ 500 ແມັດ. ອາຄານຜູ້ໂດຍສານພາຍໃນປະເທດມີໂຖງຮົບລໍ້ຂຶ້ນເຄື່ອງສອງແຫ່ງແຍກກັນ, ໂດຍມີແຫ່ງໜຶ່ງສຳລັບຖ້ຽວບິນຂອງ Vietjet ໂດຍສະເພາະ. ແຖວຄິວກວດສອບຄວາມປອດໄພໃນ ນະຄອນໂຮ່ຈີມິນ ອາດມີຄວາມແອອັດ, ດັ່ງນັ້ນ ຄວນເຜື່ອເວລາໃຫ້ພຽງພໍເພື່ອໄປຮອດປະຕູຂຶ້ນເຄື່ອງຂອງທ່ານ. ຢູ່ດ້ານນອກຂອງອາຄານຜູ້ໂດຍສານພາຍໃນປະເທດ, ທ່ານຈະພົບກັບເຂດຮ້ານຄ້າທີ່ມີ Starbucks ແລະ McDonalds. ອາຄານຜູ້ໂດຍສານສາກົນເປັນອາຄານທັນສະໄໝທີ່ມີຮ້ານຄ້າປອດພາສີ, ຫ້ອງຮັບຮອງຂອງສາຍການບິນ ແລະ ຮ້ານອາຫານໃນໂຖງຜູ້ໂດຍສານຂາອອກ. 

ການເດີນທາງ

ສະໜາມບິນໃນ ນະຄອນໂຮ່ຈີມິນ ຢູ່ຫ່າງຈາກໃຈກາງເມືອງ 8 ກິໂລແມັດ. ມັນອາດໃຊ້ເວລາ 50 ນາທີ ຫຼື ຫຼາຍກວ່ານັ້ນ ເພື່ອເດີນທາງໄປຮອດສະໜາມບິນ ຂຶ້ນຢູ່ກັບສະພາບການຈາລະຈອນ.

ລົດເຊົ່າພ້ອມຄົນຂັບ: ເຄົາເຕີ Song Viet Car ຢູ່ສະໜາມບິນສາມາດຈັດຫາລົດໃຫ້ໄດ້ທັນທີ ຫຼື ຈອງລ່ວງໜ້າໃນລາຄາຄົງທີ່, ເລີ່ມຕົ້ນທີ່ 180,000 VND.

ແທັກຊີ: ແທັກຊີ Vinasun ແລະ Mai Linh ແມ່ນມີບໍລິການຢູ່ຈຸດຈອດແທັກຊີ. ຄາດວ່າຈະຕ້ອງຈ່າຍ 120,000 VND ຫາ 180,000 VND ສຳລັບການເດີນທາງເຂົ້າເມືອງ, ບວກກັບຄ່າທຳນຽມຜ່ານທາງສະໜາມບິນ 10,000 VND.

ແອັບຮຽກລົດ: Grab, Be ແລະ Go Viet ລ້ວນແຕ່ໃຊ້ງານໄດ້ດີໃນ HCMC. ໃຫ້ແນ່ໃຈວ່າທ່ານມີຊິມກາດຫວຽດນາມພ້ອມແລ້ວ ຖ້າຕ້ອງການໃຊ້ແອັບເຫຼົ່ານີ້. 

ລົດເມ: ມີລົດເມສີເຫຼືອງສົດສອງສາຍວິ່ງລະຫວ່າງໃຈກາງເມືອງ ແລະ ສະໜາມບິນ. ລົດເມເຫຼົ່ານີ້ມີພື້ນທີ່ກວ້າງຂວາງສຳລັບກະເປົາເດີນທາງ ແລະ ພະນັກງານສາມາດເວົ້າພາສາອັງກິດໄດ້ພໍທີ່ຈະຊ່ວຍເຫຼືອນັກທ່ອງທ່ຽວ. ໃນລາຄາ 20,000 VND ທ່ານສາມາດຂີ່ສາຍໃດໜຶ່ງໃນສອງສາຍນີ້ເຂົ້າເມືອງໄດ້. ສາຍ 109 ສິ້ນສຸດຢູ່ຍ່ານແບັກແພັກເກີ (backpacker district) ແລະ ສາຍ 49 ສິ້ນສຸດຢູ່ສະຖານີ Ben Thanh. ລົດເມຖ້ຽວທຳອິດ ແລະ ຖ້ຽວສຸດທ້າຍວິ່ງຕັ້ງແຕ່ 5 ໂມງເຊົ້າ ຫາ 2:30 ໂມງເຊົ້າ. ລາຄາປີ້ຢູ່ລະຫວ່າງ 20,000 VND ຫາ 40,000 VND.

ເວັບໄຊທາງການຂອງສະໜາມບິນ ນະຄອນໂຮ່ຈີມິນ

ຕ້ອງການໄອເດຍການທ່ອງທ່ຽວຫວຽດນາມຕື່ມອີກບໍ? ລົງທະບຽນຮັບຈົດໝາຍຂ່າວຂອງພວກເຮົາ ເພື່ອຮັບເລື່ອງລາວດີໆ ສົ່ງກົງເຖິງອິນບ໋ອກຂອງທ່ານ.