ស្វែងយល់ និងទទួលយក៖ ទេសចរណ៍បៃតងនៃប្រទេសវៀតណាម

ត្រឹមតែប៉ុន្មានម៉ោងពីភាគខាងត្បូងក្រុងហាណូយ គឺជាទីតាំងនៃគោលដៅទេសចរណ៍ដែលមានទេសភាពស្រស់ស្អាតបំផុតមួយចំនួននៅភាគខាងជើងប្រទេសវៀតណាម។ ដោយដើរតាមជួរភ្នំដែលលាតសន្ធឹងពីព្រំដែនឡាវរហូតដល់ឆ្នេរសមុទ្រ ផ្លូវនេះ — ដែលជួនកាលគេហៅថា 'រង្វង់ភ្នំថ្មកំបោរ' (limestone loop) — ភ្ជាប់ទីប្រជុំជនជ្រលងភ្នំ Mai Châu ទៅកាន់ព្រៃបុរាណក្នុងឧទ្យានជាតិ Cúc Phương និងតំបន់ទេសភាពភ្នំថ្មកំបោរដែលការពារដោយ UNESCO នៅ Ninh Bình។ ប្រសិនបើអ្នកចង់រុករកវត្តអារាមដុះស្លែ ជិះទូកកម្សាន្តក្នុងបរិយាកាសដ៏អស្ចារ្យ និងស្ថិតនៅកណ្តាលធម្មជាតិ នោះតំបន់នេះនៃប្រទេសវៀតណាមនឹងធ្វើឱ្យអ្នកពេញចិត្តជាមិនខាន។

365 Travel មានផ្តល់ជូនដំណើរកម្សាន្តប្រកបដោយចីរភាពរយៈពេល ៤ ថ្ងៃ ដែលមិនត្រឹមតែគ្របដណ្តប់លើចំណុចលេចធ្លោនៃរង្វង់ភ្នំថ្មកំបោរប៉ុណ្ណោះទេ ប៉ុន្តែថែមទាំងជួយគាំទ្រដល់សហគមន៍តូចៗទៀតផង។ ចំណាយពេលមួយយប់នៅក្នុងផ្ទះសសរខ្ពស់របស់ជនជាតិថៃនៅ Mai Châu ជាកន្លែងដែលអ្នកអាចជិះកង់ ឬដើរហែកក្បួនជាច្រើនម៉ោងឆ្លងកាត់វាលស្រែ និងភូមិដ៏ស្រស់ស្អាតតាមបណ្តោយបាតជ្រលងភ្នំ។ បន្ទាប់មកក្នុងដំណើរកម្សាន្តនេះ អ្នកនឹងបានជួបប្រទះសត្វព្រៃដ៏សម្បូរបែប និងដើមឈើបុរាណក្នុងឧទ្យានជាតិ Cúc Phương ដើរលេងកម្សាន្តក្នុងអតីតរាជធានីនៃប្រទេសវៀតណាមនៅ Hoa Lư និងជិះទូកកាត់ក្រោមល្អាងភ្នំ និងភ្នំថ្មកំបោរដ៏ខ្ពស់ស្កឹមស្កៃនៅ Tam Cốc។

ឆ្លងកាត់ជាច្រើនសតវត្ស ជនជាតិដើមភាគតិចបានកាប់ឆ្ការ និងបង្កើតវាលស្រែថ្នាក់ៗនៅលើកូនភ្នំ និងចម្រាក់ភ្នំនៃ Sa Pa ដោយបង្កើតបានជាគោលដៅទេសចរណ៍តំបន់ខ្ពង់រាបដ៏ទាក់ទាញបំផុតមួយរបស់ប្រទេសវៀតណាម។ ភូមិជនជាតិភាគតិច ព្រៃឫស្សី និងផ្លូវទឹកហូរយ៉ាងលឿនត្រូវបានរាយប៉ាយពេញផ្ទៃដីជួរភ្នំ។ នៅទីនេះ ប្រជាជន H'mong និង Red Dao ជាច្រើននៅតែបន្តប្រតិបត្តិតាមប្រពៃណីយូរលង់ណាស់មកហើយនៃការធ្វើស្រែប្រាំង-វស្សា និងការស្វែងរកផលព្រៃ រស់នៅក្នុងផ្ទះឈើជញ្ជាំងក្ដារ និងស្លៀកសម្លៀកបំពាក់ប៉ាក់ដ៏ស្រស់ស្អាតរបស់ជនជាតិពួកគេ។

ដើម្បីទទួលបានបទពិសោធន៍ល្អបំផុតពីពេលវេលារបស់អ្នកនៅ Sa Pa អ្នកអាចកក់ដំណើរកម្សាន្តតាមតម្រូវការផ្ទាល់ខ្លួនជាមួយ Sapa Sisters — ដែលជាសហគ្រាសសង្គមគ្រប់គ្រងទាំងស្រុងដោយស្ត្រីជនជាតិ H’mong។ ដោយមានរយៈពេលចាប់ពី ១ ដល់ ៣ ថ្ងៃ អ្នកអាចរៀបចំពេលវេលារបស់អ្នកដើម្បីទៅទស្សនាផ្សារដ៏រស់រវើក ធ្វើក្រណាត់ពុម្ពបាទិកដោយផ្ទាល់ដៃ ចម្អិនម្ហូប H’mong លើភ្នើងចង្ក្រាន និងរៀនសូត្រពីប្រជាជនដែលរស់នៅទីនេះ។ ប្រសិនបើអ្នកមកទស្សនានៅខែសីហា ឬកញ្ញា អ្នកថែមទាំងអាចបន្ថែមសកម្មភាពច្រូតកាត់ស្រូវទៅក្នុងកម្មវិធីធ្វើដំណើររបស់អ្នកបានទៀតផង។

ភាគកណ្តាលនៃប្រទេសវៀតណាម គឺជាគោលដៅសម្រាកកម្សាន្តដ៏ល្អឥតខ្ចោះ ដែលជាការរួមបញ្ចូលគ្នានៃវប្បធម៌បុរាណ ឆ្នេរសមុទ្រដ៏ស្រស់ស្អាត និងម្ហូបអាហារប្រចាំតំបន់ដ៏ឆ្ងាញ់ពិសា។ ល្អាងភ្នំ និងព្រៃឈើដ៏អស្ចារ្យនៃឧទ្យានជាតិ Phong Nha-Ke Bang រាជធានីបុរាណ និងផ្នូរស្ដេចនៅ Hue និងទស្សនីយភាពដ៏ស្រស់ស្អាតនៃច្រកភ្នំ Hai Van គឺស្ថិតនៅចម្ងាយត្រឹមតែប៉ុន្មានម៉ោងពីគ្នាទៅវិញទៅមក។ សម្រាប់អ្នកស្រឡាញ់ប្រវត្តិសាស្ត្រ ទីក្រុងបុរាណ Hoi An ដ៏មានមន្តស្នេហ៍ និងប្រាសាទចាមបុរាណ My Son Sanctuary គឺជាមូលហេតុដ៏អស្ចារ្យពីរក្នុងការមកទស្សនា។

ក្រុមហ៊ុនទេសចរណ៍ប្រកបដោយចីរភាព Grasshopper Adventures បានប្រមូលផ្តុំចំណុចលេចធ្លោនៃតំបន់ភាគកណ្តាលទៅជាដំណើរកម្សាន្តដ៏គួរឱ្យចាប់អារម្មណ៍សម្រាប់អ្នកជិះកង់។ ត្រូវបានរចនាឡើងយ៉ាងយកចិត្តទុកដាក់ដើម្បីតម្រូវតាមអ្នកធ្វើដំណើរដែលមានបទពិសោធន៍ជិះកង់បង្គួរ 'Central Vietnam Cycle Tour' គឺជាដំណើរកម្សាន្តដ៏ស្រស់ស្រាយពីចំណុចឆ្នេរសមុទ្រមួយទៅចំណុចមួយទៀត។ ដំណើរកម្សាន្តនេះរួមបញ្ចូលទាំងផ្លូវភូមិ ផ្លូវលំ ការទៅទស្សនាបេតិកភណ្ឌពិភពលោក UNESCO និងបទពិសោធន៍ស្នាក់នៅផ្ទះអ្នកស្រុក ដើម្បីនាំយកការយល់ដឹងកាន់តែជ្រាលជ្រៅអំពីវប្បធម៌វៀតណាមដល់ភ្ញៀវទេសចរ។ អ្នកជិះកង់អាចរីករាយនឹងការឈប់សម្រាកក្នុងដំណើរកម្សាន្ត ដោយមានការដើរព្រៃ ការជិះរថភ្លើង និងពេលរសៀលទំនេរដើម្បីដើររុករកតាមចិត្តចង់។

តំបន់ខ្ពង់រាបភាគកណ្តាលនៃប្រទេសវៀតណាម គឺជាកំណប់ទ្រព្យនៃសម្រស់ធម្មជាតិដែលមិនទាន់ត្រូវគេរុករកច្រើន និងជាជម្រកនៃក្រុមជនជាតិភាគតិចដ៏គួរឱ្យចាប់អារម្មណ៍ជាច្រើនដែលបានថែរក្សាប្រពៃណីបុរាណយ៉ាងខ្ជាប់ខ្ជួន។ នៅលើវាលរាប និងចម្រាក់ភ្នំនៃតំបន់នេះ ជនជាតិភាគតិច Ede, M'nong, Garai, K'Ho និងជនជាតិភាគតិចដទៃទៀតបានសាងសង់ភូមិករតាមស្ថាបត្យកម្មជនជាតិដើម ប្រារព្ធពិធីបុណ្យផ្សេងៗដោយមានការសម្តែងគង និងរបាំប្រជាប្រិយ ព្រមទាំងដាំដំណាំដូចជា កាហ្វេ កាកាវ និងពោត។ សូម្បីតែនៅក្នុងទីរួមខេត្ត Buôn Ma Thuột ក្នុងខេត្ត Đắk Lắk វត្តមានរបស់ជនជាតិភាគតិចក៏មានភាពរស់រវើកខ្លាំងដែរ ហើយត្រូវបានបង្ហាញនៅក្នុងពិធីបុណ្យកាហ្វេប្រចាំឆ្នាំរបស់ទីក្រុង និងសារមន្ទីរជាតិពន្ធុវិទ្យាដ៏ឆ្នើមរបស់ខ្លួន។

ក្រុមហ៊ុនប្រតិបត្តិករទេសចរណ៍ចីរភាពឈានមុខគេ EXO Travel បានរៀបចំ ដំណើរដំណើរកម្សាន្តមួយ នៅតំបន់ខ្ពង់រាបកណ្តាល ដែលផ្តោតលើទេសចរណ៍សហគមន៍ និងចំណុចលេចធ្លោធម្មជាតិនៃតំបន់នេះ។ ដោយនាំភ្ញៀវទេសចរចូលជ្រៅទៅក្នុងតំបន់ខ្ពង់រាបកណ្តាល ដំណើរទស្សនកិច្ចរយៈពេល ៥ ថ្ងៃនេះ មានរួមបញ្ចូលភូមិជនជាតិភាគតិចដាច់ស្រយាលចាប់ពី Kon Tum រហូតដល់ Buôn Ma Thuột។ ជួបជុំ រាំ និងញ៉ាំអាហារជាមួយជនជាតិភាគតិច Gia Rai, Sodra, Bahnar និង Jan, ដើរព្រៃទៅកាន់ទឹកធ្លាក់បន្លឺសំឡេងលាន់ឮ និងរីករាយជាមួយដំណើរកម្សាន្តមើលដំរីប្រកបដោយសីលធម៌ដំបូងគេបង្អស់របស់វៀតណាមនៅក្នុងឧទ្យានជាតិ Yok Đôn។ 

រៀបចំផែនការវិស្សមកាលចីរភាពនៅវៀតណាមជាមួយ មគ្គុទ្ទេសក៍ទេសចរណ៍បៃតង របស់យើង។

ត្រូវបានការពារចាប់តាំងពីទសវត្សរ៍ឆ្នាំ ១៩៧០ Cát Tiên ស្ថិតនៅចម្ងាយត្រឹមតែប៉ុន្មានម៉ោងប៉ុណ្ណោះភាគខាងជើងទីក្រុងហូជីមិញ។ ឧទ្យានជាតិដ៏ធំទូលាយនេះគ្របដណ្តប់លើផ្ទៃដីជាង ៧០០ គីឡូម៉ែត្រក្រឡាក្នុងខេត្តចំនួនបី ហើយជាកន្លែងមួយក្នុងចំណោមកន្លែងមួយចំនួនតូចនៅភាគខាងត្បូងប្រទេសវៀតណាម ដែលអ្នកអាចប្រទះឃើញបក្សីកម្រ ទោចថ្ពាល់លឿង និងពង្រូលនៅក្នុងព្រៃធម្មជាតិ។ Cát Tiên ជាជម្រកនៃរុក្ខជាតិជាង ១,៦០០ ប្រភេទ ព្រមទាំងដំរី ក្រពើ និងខ្លាឃ្មុំផងដែរ។ 

Footprint Travel ផ្តល់ជូននូវ ‘ដំណើរដើរព្រៃដោយស្មារតីផ្ចិតផ្ចង់’ រយៈពេលពីរថ្ងៃសម្រាប់អ្នកស្នេហាធម្មជាតិ ជ្រៅទៅក្នុងឧទ្យានជាតិ Cát Tiên។ កម្មវិធីធ្វើដំណើ រួមមានការដើរតាមផ្លូវព្រៃភ្លៀងតំបន់ក្តៅ ការសង្កេតមើលរុក្ខជាតិ និងសត្វព្រៃដោយមានជំនួយពីអ្នកជំនាញបរិស្ថាន និងការជិះទូកកាណូតាមទន្លេ Đồng Nai ដើម្បីស្វែងរកសត្វបក្សីនៅពេលព្រលប់។ ចំនួនភ្ញៀវទេសចរត្រូវបានកំណត់ឱ្យចូលក្នុងឧទ្យានជារៀងរាល់ថ្ងៃ ដើម្បីជួយថែរក្សាស្ថានភាពធម្មជាតិនៃឧទ្យាន ហើយអ្នកធ្វើដំណើរកម្សាន្តអាចជឿជាក់បានថាពួកគាត់កំពុងជួយត្រឡប់ទៅវិញ ព្រោះ ៣០% នៃប្រាក់ចំណូលពីទស្សនកិច្ចនីមួយៗត្រូវបរិច្ចាគដោយផ្ទាល់ទៅគម្រោងអប់រំបរិស្ថានដោយក្រុម Save Cat Tien Group។

កង់ និងទូក គឺជាមធ្យោបាយធ្វើដំណើរដ៏ស័ក្តិសមបំផុតនៅក្នុងតំបន់វាលទំនាបទន្លេមេគង្គ ដែលជាតំបន់មានផ្ទៃទឹកច្រើនស្មើនឹងផ្ទៃដី ព្រមទាំងមានផ្លូវដើរ និងប្រឡាយទឹកដ៏ត្រជាក់ស្រទំរាប់មិនអស់។ តំបន់ដ៏ទាក់ទាញនៅភាគខាងត្បូងប្រទេសវៀតណាមនេះ ប្រៀបដូចជាពិភពលោកមួយដោយឡែកពីគេ។ ទីក្រុងតូចៗដែលស្ថិតនៅលើច្រាំងទន្លេមេគង្គ និងទន្លេដៃ គឺសម្បូរទៅដោយទិដ្ឋភាពដ៏មានពណ៌សោភ័ណភាព។ តំបន់វាលទំនាបនេះ គឺជាតំបន់មួយក្នុងចំណោមតំបន់ដែលមានជីជាតិ និងសម្បូរបែបបំផុតក្នុងប្រទេស ហើយភ្ញៀវទេសចរតែងតែទទួលបានការបម្រើផ្លែឈើទុំស្រស់ៗ ត្រីទើបចាប់បានថ្មីៗ និងមុខម្ហូបគុយទាវដ៏ឆ្ងាញ់ពិសា។ 

ដើម្បីបង្ហាញពីតំបន់វាលទំនាបទន្លេមេគង្គ ព្រមទាំងបង្កើតផលប៉ះពាល់វិជ្ជមាន ក្រុមហ៊ុនប្រតិបត្តិករដែលទទួលបានវិញ្ញាបនបត្រ Travelife គឺ Images Travel បានរៀបចំ ដំណើរទស្សនកិច្ចរយៈពេល ៣ ថ្ងៃ ដោយចាប់ផ្តើមចេញពីទីក្រុងហូជីមិញ។ ដំណើរទស្សនកិច្ចនេះនឹងនាំអ្នកទៅកាន់ផ្ទះនៃប្រលោមលោក ‘The Lover’ របស់លោកស្រី Marguerite Duras ក្នុង Sa Đéc ក៏ដូចជាផ្សារបណ្តែតទឹកដ៏គួរឱ្យចាប់អារម្មណ៍បំផុតមួយនៃតំបន់នេះក្នុង Long Xuyên។ ចំណុចលេចធ្លោផ្សេងទៀត រួមមានការជិះកង់កម្សាន្តនៅតាមកោះតូចៗដ៏ស្រស់បំព្រង ការស្នាក់នៅផ្ទះសំណាក់គ្រួសារ និងអាហារថ្ងៃត្រង់តាមរចនាបថតំបន់ទន្លេមេគង្គ។

ចង់បានគំនិតធ្វើដំណើរកម្សាន្តនៅវៀតណាមបន្ថែមទៀតទេ? ចុះឈ្មោះទទួលព្រឹត្តិបត្រព័ត៌មានរបស់យើង ដើម្បីទទួលបានរឿងរ៉ាវល្អៗបំផុតនៅក្នុងប្រអប់សាររបស់អ្នក។