កន្លែងសម្រាកលំហែកាយបែបប្រណីតជិតស្និទ្ធនឹងធម្មជាតិដ៏ល្អបំផុតនៅវៀតណាម

អ្នកទេសចរដែលស្វែងរកកន្លែងគេចចេញពីការផ្ញើអ៊ីមែល កាតព្វកិច្ច និងបណ្តាញសង្គមឥតឈប់ឈរដែលពាក់ព័ន្ធនឹងជីវិតសម័យទំនើប គួរតែឆ្ពោះទៅកាន់ទីកន្លែងដ៏ស្ងប់ស្ងាត់សុខសាន្តនេះ ដែលស្ថិតនៅលើជម្រាលភ្នំសាម (Sam Mountain) ដ៏ពិសិដ្ឋ ក្នុងតំបន់វាលទំនាបទន្លេមេគង្គ។ បន្ទប់ និងវីឡាចំនួន ៣៦ ត្រូវបានរចនាឡើងយ៉ាងស៊ីសង្វាក់គ្នានឹងធម្មជាតិ ដោយប្រើប្រាស់ថ្ម និងឈើនៅក្នុងស្រុក ដើម្បីឲ្យស៊ីគ្នាយ៉ាងល្អឥតខ្ចោះជាមួយនឹងបរិស្ថានដ៏ពិសិដ្ឋនៅជុំវិញ។ មិនមានអ្វីមករំខានដល់ការសមាធិ និងសម្រាកអារម្មណ៍របស់អ្នកឡើយ នៅពេលអ្នកទស្សនាទស្សនីយភាពដ៏ធំល្វឹងល្វើយនៃវាលស្រែដែលលាតសន្ធឹងសន្ធឹងដល់ជើងមេឃ។ អ្នកប្រហែលជាមិនចង់ចាកចេញពីទីនេះឡើយ ប៉ុន្តែសម្រាប់អ្នកចូលចិត្តការផ្សងព្រេង តំបន់ជម្រកសត្វស្លាប ត្រាស៊ូ (Tra Su) ដ៏ស្រស់ស្អាតលើផ្ទៃដី ៨៥០ ហិកតា គឺស្ថិតនៅចម្ងាយផ្លូវយ៉ាងជិតប៉ុណ្ណោះ។ 

ស្ថិតនៅលើកំពូលភ្នំដ៏ខៀវស្រងាត់ខ្ពស់បំផុតមួយនៃតំបន់សាប៉ា (Sa Pa) Topas Ecolodge មានបឹងហ្គាឡូប្រកបដោយរចនាប័ទ្មបែបជនបទស៊ីវិល័យ ប្រកបដោយដំបូលប្រកស្បូវ ដែលមើលទៅឃើញវាលស្រែជណ្តើរលាតសន្ធឹងឥតព្រំដែន។ ឡកច៍ (lodge) នេះយកចិត្តទុកដាក់យ៉ាងខ្លាំងចំពោះកាតព្វកិច្ចរបស់ខ្លួនចំពោះទាំងសហគមន៍មូលដ្ឋាន និងបរិស្ថាន។ មិនត្រឹមតែបណ្តុះបណ្តាល និងផ្តល់ការងារដល់អ្នកភូមិជិតខាងប៉ុណ្ណោះទេ រីសតក៏បានជួយផ្គត់ផ្គង់ទឹកដល់កសិករធ្វើស្រែក្នុងរដូវបង្កបង្កើនផល ទិញផលិផលក្នុងស្រុកនៅពេលអាចធ្វើទៅបាន និងគាំទ្រសាលារៀននៅក្នុងតំបន់ផងដែរ។ ការរួមបញ្ចូលគ្នារវាងថាមពលវារីអគ្គិសនី និងថាមពលព្រះអាទិត្យ ព្រមទាំងកម្មវិធីកែច្នៃសំណល់យ៉ាងម៉ត់ចត់ និងប្រព័ន្ធបន្សុទ្ធទឹកធម្មជាតិ ជួយធានាថា Sa Pa នៅតែរក្សាបាននូវភាពស្រស់បំព្រង និងស្រស់ស្អាតជានិច្ច។

ដោយទទួលបានការបំផុសគំនិតពីភូមិអ្នកនេសាទបុរាណរបស់វៀតណាម Six Senses Con Dao ត្រូវបានគេកោតសរសើរស្មើៗគ្នាទាំងសម្រស់ធម្មជាតិដ៏អស្ចារ្យ និងគោលការណ៍ចីរភាពរបស់វា។ រីសតនេះបានសហការជាមួយឧទ្យានជាតិ Con Dao ដើម្បីបង្កើតកន្លែងភ្ញាស់ពងអណ្តើកសមុទ្រដោយសុវត្ថិភាព ហើយបានលែងកូនអណ្តើកចំនួន ២.២៧០ ក្បាលចូលទៅក្នុងទឹកដោយសុវត្ថិភាពក្នុងឆ្នាំ ២០១៩ តែមួយប៉ុណ្ណោះ។ ទីកន្លែងនេះក៏បាន ដាំដុះកសិដ្ឋានសរីរាង្គផ្ទាល់ខ្លួនដែលមានរុក្ខជាតិចំនួន ៣០ ប្រភេទ ដោយប្រើប្រាស់សំណល់ជីវសាស្រ្តពីរោងបាយរបស់ខ្លួន ព្រមទាំងចោះនិងកែច្នៃទឹកបរិភោគផ្ទាល់ខ្លួននៅនឹងកន្លែង ដែលជួយសន្សំសំចៃដបប្លាស្ទិកបានជាង ១០.០០០ ដបក្នុងមួយខែៗ។ ក្រៅពីវីឡាឫស្សីដ៏ស្រស់ស្អាតស័ក្តិសមនឹងការថតរូប ស្ប៉ាគឺជាហេតុផលដ៏ល្អបំផុតមួយក្នុងការមកទស្សនាទីនេះ។ បន្ទាប់ពីការធ្វើស្ប៉ាដ៏រីករាយ សូមដើរលំហែកាយយ៉ាងវែងនៅលើ ឆ្នេរខ្សាច់ដ៏រលូននៃកោះ Con Dao។ 

ចង់បានគំនិតទស្សនាវៀតណាមបន្ថែមទៀតទេ? ចុះឈ្មោះទទួលព្រឹត្តិបត្រព័ត៌មានរបស់យើង ដើម្បីទទួលបានអត្ថបទល្អៗបំផុតនៅក្នុងប្រអប់សំបុត្ររបស់អ្នក។