ບ່ອນທີ່ສາມາດລອງຊິມຄຣາຟເບຍທີ່ດີທີ່ສຸດຂອງຫວຽດນາມ

ສໍາລັບການດື່ມເບຍສົດໆ ຢູ່ແຄມໜອງ, ຮ່າໂນ້ຍ ຄືບ່ອນທີ່ບໍ່ມີໃຜທຽບໄດ້. ດ້ວຍຮ້ານແທັບຮູມ ແລະ ແກັສໂຕຣພັບ ທີ່ຫຼາກຫຼາຍ, ທ່ານມີຕົວເລືອກໃຫ້ເລືອກຢ່າງຫຼວງຫຼາຍ. Standing Bar ເທິງຝັ່ງໜອງ ຈຸກບັກ (Truc Bach) ເປັນສະຖານທີ່ແຮງເອົາສັງຄົມແຄມນ້ຳທີ່ມີເບຍສົດຈາກແທັບເຖິງ 19 ຊະນິດໃຫ້ເລືອກຊິມ, ເສີບຄູ່ກັບ ທາປາສ (tapas) ແສນອະລ່ອຍ. 

ແຟນໆ ຄືນແຂ່ງຂັນກິລາສາມາດເພີດເພີນກັບການເບິ່ງບານເຕະພ້ອມກັບເບຍທີ່ໄດ້ຮັບແຮງບັນດານໃຈຈາກເຝີ (pho) ໄດ້ທີ່ Furbrew 100 Beer Garden ໃກ້ກັບທະເລສາບຕາເວັນຕົກ. ສໍາລັບປະສົບການຄຣາຟເບຍທີ່ຢູ່ໃກ້ຕົວເມືອງຫຼາຍກວ່າ, ໃຫ້ໄປທີ່ C-Craft Beer ຫຼື Pasteur Street ໃນຍ່ານເມືອງເກົ່າ. ສຸດທ້າຍ, ສໍາລັບຄົນຮັກເບຍຕົວຈິງ, ມີ ທົວຄຣາຟເບຍ ທີ່ຈະພາທ່ານໄປຊິມເບຍຢ່າງປອດໄພທົ່ວເມືອງຫຼວງ. 

ເມືອງຊາຍຝັ່ງທະເລທາງພາກກາງຂອງຫວຽດນາມ ກໍກຳລັງເຂົ້າຮ່ວມກະແສຄຣາຟເບຍເຊັ່ນກັນ, ດ້ວຍສະຖານທີ່ສຸດຊິວ ແລະ ເຄື່ອງດື່ມຄຸນນະພາບຢອດຢ້ຽມ. ຜ່ອນຄາຍ ແລະ ຊົມພຣະອາທິດພັນຕົກເໜືອຂົວມັງກອນ ຂອງ ດານັງ ພ້ອມກັບເບຍຈອກໜຶ່ງ ແລະ ອາຫານວ່າງຢູ່ດາດຟ້າຂອງ 7 Bridges Brewery. ຮ້ານແທັບຮູມແຄມນ້ຳແຫ່ງນີ້ໂດດເດັ່ນດ້ວຍເບຍທີ່ໄດ້ຮັບລາງວັນ, ວິວທີ່ງາມເໝາະກັບການຖ່າຍຮູບ ແລະ ແນວຄິດຄວາມຍືນຍົງ.  

Louisiane Brewhouse ໃນ ຍາຈາງ ເປັນອີກໜຶ່ງຈຸດນັດພົບທີ່ດີເລີດສໍາລັບຜູ້ທີ່ມັກຄຣາຟເບຍ ທີ່ຕ້ອງການຕາກແດດນໍາອີກ. ຮ້ານບາຕັ້ງຢູ່ແຄມຮາດຊາຍ, ພ້ອມດ້ວຍຕັ່ງນອນຕາກແດດ ແລະ ສະລອຍນ້ຳ. ນັກທ່ອງທ່ຽວທີ່ກະຫາຍນ້ຳຍັງສາມາດຈອງທົວເພື່ອຮຽນຮູ້ເພີ່ມເຕີມກ່ຽວກັບຂັ້ນຕອນການຕົ້ມເບຍໂດຍກົງໄດ້.

ອະພິມະຫາເມືອງທາງພາກໃຕ້ ຂອງຫວຽດນາມ ເປັນສູນຮວມຂອງຄຣາຟເບຍທີ່ຫຼາກຫຼາຍທີ່ສຸດ, ດັ່ງນັ້ນນັກດື່ມສາມາດໝັ້ນໃຈໄດ້ວ່າ ມີເບຍທີ່ເໝາະກັບລົດຊາດຂອງທຸກຄົນ. ສໍາລັບຄືນທີ່ໜ້າຈົດຈຳໃນເມືອງ, East West Brewery ຄືສະຖານທີ່ທີ່ບໍ່ຄວນພາດ. ໃນຖານະທີ່ເປັນທັງແກັສໂຕຣພັບ ແລະ ໂຮງຕົ້ມເບຍຂະໜາດນ້ອຍ ມັນຈຶ່ງເປັນທີ່ຊື່ນຊອບຂອງທັງຄົນທ້ອງຖິ່ນ ແລະ ນັກທ່ອງທ່ຽວ.

ສໍາລັບຮ້ານແທັບຮູມ ແລະ ຮ້ານຂາຍເບຍຂວດ, ຕົວເລືອກແມ່ນເກືອບວ່າບໍ່ມີຂີດຈຳກັດ. Pasteur Street Brewery ມີສອງສາຂາທີ່ຊ່ອນຢູ່ໃນຮອຍແຍກຈາກຖະໜົນໃຫຍ່. ສໍາລັບຜູ້ທີ່ພັກຢູ່ແຖວ Bui Vien, ລອງໄປດັບຄວາມກະຫາຍໄດ້ທີ່ຮ້ານແທັບຮູມ Ông Cao. ສໍາລັບຕົວເລືອກທີ່ຫຼາກຫຼາຍທີ່ສຸດ, ແວ່ໄປທີ່ BiaCraft Artisan Ales ໃນ ເມືອງ 3 (District 3), ບ່ອນທີ່ທ່ານສາມາດຊິມເບຍສູດຕ່າງໆ ໄດ້ຫຼາຍເຖິງ 50 ຊະນິດ.