ຫວຽດນາມ ເຕັມໄປດ້ວຍຍອດເຂົາປ່າໄມ້ອຸດົມສົມບູນ, ນ້ຳຕົກຕາດທີ່ດັງກ້ອງ ແລະ ບໍລິເວນຊາຍຝັ່ງທີ່ມີລົມພັດເຢັນສະບາຍ, ຈຶ່ງບໍ່ແປກເລີຍທີ່ປະເທດນີ້ດຶງດູດ ນັກທ່ອງທ່ຽວກາງແຈ້ງໄດ້ຫຼາຍຂຶ້ນເລື້ອຍໆ. ດ້ວຍຕົວເລືອກຫຼາກຫຼາຍຢູ່ຕໍ່ໜ້າທ່ານ, ທ່ານອາດຈະຕ້ອງມາທ່ຽວເປັນເທື່ອທີສອງ (ຫຼື ເທື່ອທີສາມ) ເພື່ອເກັບກ່ຽວປະສົບການໃຫ້ຄົບຖ້ວນ. ແລະ ໃນຂະນະທີ່ມີກິດຈະກຳຕື່ນເຕັ້ນເລົ້າໃຈຢ່າງຫຼວງຫຼາຍ, ຫວຽດນາມ ກໍຍັງມີວິທີທີ່ຜ່ອນຄາຍກວ່າໃນການເພີດເພີນກັບແຫຼ່ງທ່ອງທ່ຽວທາງທຳມະຊາດອັນກວ້າງໃຫຍ່. ລອງລ່ອງເຮືອໃນປ່າຊາຍເລນຂອງ Can Gio ເບິ່ງບໍ? ຫຼື ຫຼິ້ນກອຟ 18 ຮູ ຢູ່ສະໜາມຊັ້ນນຳໃນ Da Nang? ຫຼື ຫຼິ້ນພາຍກະດານຢືນຢູ່ຊາຍຫາດ Hoi An? ທ່ານເລືອກໄດ້ຕາມໃຈ.
ສິ່ງໜຶ່ງທີ່ແນ່ນອນແມ່ນ ຫວຽດນາມ ເປັນປະເທດທີ່ດີທີ່ສຸດໃນການທ່ອງທ່ຽວດ້ວຍສອງລໍ້. ການຂີ່ລົດຖີບທາງໄກ ແລະ ການທ່ອງທ່ຽວດ້ວຍລົດຈັກແມ່ນເໝາະສົມຢ່າງຍິ່ງສຳລັບການຊົມວິວທິວທັດຂອງຊ່ອງເຂົາອັນກວ້າງໃຫຍ່ ແລະ ທົ່ງນາທີ່ອາບແສງແດດ, ຍັງບໍ່ລວມເຖິງ ວິຖີຊີວິດທ້ອງຖິ່ນ ທີ່ທ່ານຈະໄດ້ເຫັນຕະຫຼອດເສັ້ນທາງ. ຫວຽດນາມ ມີຊື່ສຽງມາຢ່າງຍາວນານໃນການດຳນ້ຳເລິກທີ່ Nha Trang, ການຫຼິ້ນວ່າວໂຕ້ຄື້ນທີ່ Mui Ne ແລະ ການຍ່າງປ່າຕາມຄ້ອຍໂນນຂັ້ນໄດຂອງ Sa Pa. ເຖິງຢ່າງໃດກໍຕາມ, ເມື່ອບໍ່ດົນມານີ້, ລະບົບຖ້ຳອັນຍິ່ງໃຫຍ່ຂອງອຸທິຍານແຫ່ງຊາດ Phong Nha-Ke Bang ກໍກຳລັງສ້າງຄວາມຮືຮາ ຢ່າງຫຼວງຫຼາຍ. ພວກເຮົາໄດ້ເວົ້າເຖິງການຫຼິ້ນເຄື່ອງຮ່ອນຢູ່ຊານເມືອງ Ha Noi, ແລະ ການຂີ່ເຮືອຄາຍັກໃນ Bai Tu Long ແລ້ວຫຼືຍັງ? ເມື່ອເວົ້າເຖິງການຜະຈົນໄພໃນ ຫວຽດນາມ, ລາຍການກິດຈະກຳ ແມ່ນຕື່ນເຕັ້ນຢ່າງແທ້ຈິງ ແລະ ອາດຈະບໍ່ມີມື້ສິ້ນສຸດ.
