ໃຊ້ເວລາ 2-3 ມື້ໃນຕົວເມືອງຂອງຫວຽດນາມ, ແລ້ວທ່ານຈະເລີ່ມເຂົ້າໃຈວ່າເປັນຫຍັງນັກທ່ອງທ່ຽວຫຼາຍຄົນຈຶ່ງຫຼົງສະເໜ່ກັບການປະສົມປະສານທີ່ໜ້າດຶງດູດໃຈລະຫວ່າງຄວາມເກົ່າ ແລະ ຄວາມໃໝ່ຂອງຫວຽດນາມ. ມັນເປັນການຜະສົມຜະສານທີ່ໜ້າຕື່ນຕາຕື່ນໃຈ. ເມື່ອອອກໄປຕາມທ້ອງຖະໜົນ ທ່ານຈະໄດ້ພົບກັບຕະຫຼາດທີ່ຄຶກຄື້ນ ແລະ ຮ້ານກາເຟຍຸກອານານິຄົມ, ຫ້າງສັບພະສິນຄ້າທີ່ແວວວາວ ແລະ ຮ້ານບູຕິກທີ່ເປັນລະບຽບຮຽບຮ້ອຍ. ຢູ່ ນະຄອນໂຮ່ຈີມິນ, 'ຖະໜົນເຄື່ອງເກົ່າ' ທີ່ຕັ້ງຊື່ໄດ້ຢ່າງເໝາະສົມ ເຕັມໄປດ້ວຍຜົນງານສິລະປະ ແລະ ເຄື່ອງໂບຮານທີ່ງົດງາມ. ຢູ່ ເຂດເມືອງເກົ່າ ຮ່າໂນ້ຍ, ຮ້ານຄ້າມີການຈໍາໜ່າຍຜ້າໄໝ ຊັ້ນດີ, ເຄື່ອງເຄືອບເງົາ, ແລະ ເຄື່ອງເຊຣາມິກ. ແລະ ຢູ່ ຮ້ອຍອານ, ຊ່າງຕັດເຄື່ອງຈະຕັດຊຸດສູດໃໝ່ໃຫ້ທ່ານໄດ້ພາຍໃນເວລາພຽງບໍ່ກີ່ມື້.
ເມື່ອເຖິງເວລາຜ່ອນຄາຍຢູ່ຫວຽດນາມ, ທ່ານສາມາດເລືອກສຳພັດວິຖີຊີວິດທ້ອງຖິ່ນ ຫຼື ໃຊ້ບໍລິການລະດັບໄຮເອັນຕາມໃຈມັກ. ຍາຈ່າງ ເປັນທີ່ຮູ້ຈັກກັນດີສຳລັບງານປາຕີ້ຕາມຊາຍຫາດ ແລະ ບັນຍາກາດທີ່ເຕັມໄປດ້ວຍຄວາມມ່ວນຊື່ນ. ແມ່ຮ່ອງ ແລະ ທະເລສາບຂອງຮ່າໂນ້ຍ ແລະ ນະຄອນໂຮ່ຈີມິນ ແມ່ນເໝາະສົມຢ່າງຍິ່ງສຳລັບການລ່ອງເຮືອຊົມພະອາທິດພັນຕົກ, ແລະ ທັງສອງເມືອງກໍມີເລົາຈ໌ບົນດາດຟ້າທີ່ທັນສະໄໝ ແລະ ບາເບຍຫັດຖະກຳໃຫ້ສຳຫຼວດ. ມັກການສະແດງສົດບໍ? ທ່ານສາມາດຊົມຄອນເສີດ ກາຈູ (Ca Tru) ຢູ່ ຮ່າໂນ້ຍ, ຫຼື ການສະແດງ AO Show ທີ່ໜ້າຕື່ນຕາຕື່ນໃຈຢູ່ ນະຄອນໂຮ່ຈີມິນ. ຢ່າງໜ້ອຍໜຶ່ງຄັ້ງໃນລະຫວ່າງການພັກຜ່ອນ, ໃຫ້ລອງເຮັດຄືກັບຄົນທ້ອງຖິ່ນໂດຍການເພີດເພີນກັບຕອນແລງຂອງ ປິ້ງຢ້າງ ແລະ ເບຍຢູ່ແຄມທາງ, ຫຼື ນັ່ງລົມກັນພ້ອມຈິບຊາຢູ່ກາງຮົ່ມໄມ້ຂອງສວນສາທາລະນະ ໃນເມືອງ. ກວດເບິ່ງປະຕິທິນກິດຈະກຳຂອງພວກເຮົານຶກເຖິງລາຍການການແຂ່ງຂັນດອກໄຟ, ເທດສະການ, ແລະ ຄອນເສີດຕະຫຼອດທັງປີ.
