ໃນວັນທີ 1 ທັນວາ, ໃນງານ Grand Final 2023 - ຈຸດສູງສຸດຂອງການສະເຫຼີມສະຫຼອງຄົບຮອບ 30 ປີຂອງການມອບລາງວັນຄວາມເປັນເລີດດ້ານການທ່ອງທ່ຽວ - ທີ່ໂຮງແຮມ Burj Al Arab ອັນເປັນສັນຍາລັກຂອງເມືອງ Dubai, UAE. ຫວຽດນາມ ໄດ້ຄອງຕຳແໜ່ງຈຸດໝາຍປາຍທາງມໍລະດົກຊັ້ນນຳຂອງໂລກ 2023 ຈາກ World Travel Awards ອີກຄັ້ງ. ປະເທດນີ້ເຄີຍໄດ້ຮັບລາງວັນນີ້ມາແລ້ວສາມຄັ້ງຄື: ໃນປີ 2019, 2020 ແລະ 2022.

ຫວຽດນາມ ໄດ້ຜ່ານຜູ້ຖືກສະເໜີຊື່ທີ່ເຂັ້ມແຂງຫຼາຍປະເທດ ເຊັ່ນ: ອາເມເນຍ, ບຣາຊິນ, ອີຢິບ, ເກຣັກ, ຍີ່ປຸ່ນ ແລະ ຊາອຸດີອາຣາເບຍ ເພື່ອຄອງຕຳແໜ່ງຈຸດໝາຍປາຍທາງມໍລະດົກຊັ້ນນຳຂອງໂລກໃນປີ 2023.

ລາງວັນດັ່ງກ່າວສະແດງໃຫ້ເຫັນເຖິງຄຸນຄ່າທີ່ໂດດເດັ່ນໃນລະດັບໂລກ ແລະ ຄວາມດຶງດູດຂອງມໍລະດົກວັດທະນະທຳຂອງປະເທດຕໍ່ປະຊາຄົມສາກົນ.

ເມືອງບູຮານຮອຍອານ

ນອກຈາກຄວາມງາມອັນກວ້າງໃຫຍ່ຂອງພູຜາປ່າໄມ້, ທະເລ ແລະ ໝູ່ເກາະແລ້ວ, ຫວຽດນາມ ຍັງມີສະຖານທີ່ມໍລະດົກທຳມະຊາດ ແລະ ວັດທະນະທຳຂອງໂລກທີ່ໄດ້ຮັບການຮັບຮອງຈາກ UNESCO, ໂບຮານສະຖານທາງປະຫວັດສາດ ແລະ ວັດທະນະທຳທີ່ກ່ຽວຂ້ອງກັບງານບຸນປະເພນີ, ໝູ່ບ້ານຫັດຖະກຳເກົ່າແກ່, ອາຫານແຊບ, ຜົນງານສະຖາປັດຕະຍະກຳທີ່ມີຄຸນຄ່າທາງປະຫວັດສາດອັນອຸດົມສົມບູນ...

​ມໍລະດົກແຕ່ລະປະເພດມີຄວາມງາມ ແລະ ເລື່ອງລາວທີ່ເປັນເອກະລັກສະເພາະຂອງຕົນເອງ. ທັງໝົດນີ້ສ້າງຄວາມດຶງດູດທີ່ໂດດເດັ່ນໃຫ້ແກ່ນັກທ່ອງທ່ຽວທົ່ວໂລກ.

ຈາກ ຮ່າໂນ້ຍ - ນະຄອນຫຼວງທີ່ມີອາລະຍະທຳຫຼາຍພັນປີ, ແຫຼ່ງມໍລະດົກທຳມະຊາດໂລກຂອງ ອ່າວຮາລອງ, ສະຖານທີ່ທ່ອງທ່ຽວ ຈ່າງອານ, ແຫຼ່ງມໍລະດົກວັດທະນະທຳໂລກຂອງປ້ອມປາການລາຊະວົງໂຮ່, ເມືອງບູຮານ ຮອຍອານ, ສະຖານທີ່ສັກສິດ ໝີເຊີນ, ສະຖານທີ່ສຳຄັນ ເຫວ... ລະບົບມໍລະດົກອັນອຸດົມສົມບູນຂອງຫວຽດນາມ ເປັນເຄື່ອງຢືນຢັນເຖິງຫວຽດນາມທີ່ສະຫງ່າງາມ ແລະ ຮຸ່ງເຮືອງດ້ວຍທຳມະຊາດທີ່ກົມກຽວ, ເອກະລັກແຫ່ງຊາດທີ່ຫຼາກຫຼາຍ, ແລະ ປະຫວັດສາດວັດທະນະທຳອັນຍາວນານ.

ສະຖານທີ່ສຳຄັນເຫວ