15 ວິທີໃນການທ່ຽວຊົມຫວຽດນາມຈາກຢູ່ເຮືອນ

ເຕັກໂນໂລຊີອາດຈະບໍ່ສາມາດທົດແທນການໄປເບິ່ງຫວຽດນາມດ້ວຍຕາຕົນເອງໄດ້, ແນວໃດກໍຕາມ ການທ່ຽວຊົມແບບ 360 ອົງສາທີ່ສາມາດໂຕ້ຕອບໄດ້ເຫຼົ່ານີ້ ແມ່ນສິ່ງທີ່ດີທີ່ສຸດຮອງລົງມາຈາກການໄປທ່ຽວຊົມສະຖານທີ່ທ່ອງທ່ຽວຍອດນິຍົມຂອງຫວຽດນາມແທ້ໆ. ຕັ້ງແຕ່ພະລາຊະວັງຫວຽດນາມ ເຮ້ (Hue), ໄປຈົນເຖິງລະບົບຖ້ຳອັນງົດງາມແປກຕາຢູ່ ຟອງຍາ (Phong Nha), ກົດຢູ່ທີ່ນີ້ ເພື່ອສຳຫຼວດມໍລະດົກໂລກ UNESCO ຂອງຫວຽດນາມ 6 ແຫ່ງໃນລາຍລະອຽດອັນງົດງາມ, ແລະ ເບິ່ງຄັງຮູບພາບໃນການທ່ຽວຊົມເພື່ອຊົມພາບອັນຕາຕະລຶງເພີ່ມເຕີມ. 

ກິ່ນຫອມຂອງຊາລາເປົາທີ່ນຶ່ງໃໝ່ໆ, ສຽງຊີ້ນໝູຍ່າງບາບີຄິວເທິງເຕົາຖ່ານ, ສີສັນສົດໃສຂອງໝາກໄມ້ເມືອງຮ້ອນ — ທຸກປະສາດສຳຜັດຂອງທ່ານຈະຖືກກະຕຸ້ນເມື່ອໄດ້ຮັບປະທານອາຫານຢູ່ຫວຽດນາມ. ນຳເອົາລົດຊາດອັນເຂັ້ມຂຸ້ນນີ້ມາສູ່ເຮືອນຄົວຂອງທ່ານເອງໂດຍການຮຽນເຮັດອາຫານທີ່ເປັນທີ່ຮັກຂອງຫວຽດນາມ. ກົດຢູ່ທີ່ນີ້ ສຳລັບ 5 ສູດອາຫານຫວຽດນາມ — ລວມທັງ bún chả, cao lầu, ແລະ bánh mì — ທີ່ປະດິດສ້າງໂດຍເຊຟຜູ້ຊ່ຽວຊານຢູ່ Spice Viet, ຮ້ານອາຫານແບບ farm-to-table ໃນ ຮາໂນ້ຍ.

ກິ່ນທຳອິດທີ່ທ່ານຈະໄດ້ສຳຜັດເມື່ອຍ່າງເຂົ້າສູ່ເມືອງເກົ່າ ຮອຍອັນ (Hoi An) ແມ່ນກິ່ນຫອມຂອງທູບໄມ້ກິດສະໜາ. ໝູ່ບ້ານຫັດຖະກຳໃນພາກກາງ ແລະ ພາກເໜືອຂອງຫວຽດນາມໄດ້ເຮັດທູບໂດຍໃຊ້ຂະບວນການດັ້ງเดิมດຽວກັນນີ້ມາເປັນເວລາຫຼາຍສະຕະວັດ, ແລະ ເນື່ອງຈາກຄົນຫວຽດນາມພວກເຮົາມີແທ່ນບູຊາໃນທຸກໆເຮືອນ, ຮ້ານຄ້າ, ແລະ ວັດ, ກິ່ນຫອມຂອງທູບຈຶ່ງຢູ່ຄຽງຄູ່ກັບຫຼາຍຊ່ວງເວລາທີ່ໜ້າຈົດຈຳຢູ່ທີ່ນີ້. ພາຕົວທ່ານເອງໄປສູ່ຖະໜົນທີ່ສ່ອງແສງປະກາຍຂອງເມືອງເກົ່າ, ຫຼື ຫໍໂຮງສີແດງເຂັ້ມຂອງວັດ ທຽນຮາວ (Thien Hau Pagoda) ໂດຍການຈູດທູບໜຶ່ງດອກໃນພື້ນທີ່ບ່ອນຢູ່ອາໄສຂອງທ່ານເອງ. 

ພໍ່ແມ່ຢູ່ຊົນນະບົດຂອງຫວຽດນາມມັກຈະໃຊ້ໃບລານ ເພື່ອປະດິດເປັນຮູບສັດທີ່ໜ້າຮັກ ແລະ ເຄື່ອງຫຼິ້ນສຳລັບລູກໆຂອງພວກເຂົາ. ຄົນພາຍເຮືອທັງຍິງ ແລະ ຊາຍໃນເຂດພື້ນທີ່ປາກແມ່່ນ້ຳເມກອງ ແລະ ໃນ ຮອຍອັນ (Hội An) ກໍຍັງປະດິດເຄື່ອງຫັດຖະກຳຈາກໃບລານເປັນຂອງຂວັນສຳລັບຜູ້ໂດຍສານອີກດ້ວຍ. ໃນຂະນະທີ່ຢູ່ເຮືອນ, ທ່ານສາມາດສ້າງຄວາມບັນເທິງໃຫ້ກັບຕົນເອງ ແລະ ເດັກນ້ອຍເປັນເວລາຫຼາຍຊົ່ວໂມງໂດຍການຮຽນຮູ້ນຳວິທີເຮັດຕັກແຕນ, ແມງກະເບື້ອ, ດອກກຸຫຼາບ, ຫຼື ແມ້ກະທັ້ງໝວກທີ່ເປັນມິດກັບສິ່ງແວດລ້ອມຈາກໃບລານ. ກົດຢູ່ທີ່ນີ້ ສຳລັບບົດຮຽນອອນໄລນ໌ຟຣີ. 

ປ່ຽນບັນຍາກາດຍາມເຊົ້າຂອງທ່ານດ້ວຍກາເຟຫວຽດນາມແບບດັ້ງເດີມ. ທ່ານຈະຕ້ອງມີຕົວຕອງກາເຟພິເສດທີ່ຮ້ອງວ່າ 'phin', ທີ່ທ່ານສາມາດຊອກຫາໄດ້ຕາມຕະຫຼາດອາຊີ. ການເບິ່ງກາເຟຍອດຜ່ານຕົວຕອງຈະຊ່ວຍໃຫ້ທ່ານມີເວລາທີ່ງຽບສະຫງົບກ່ອນເລີ່ມຕົ້ນມື້ໃໝ່. ເພີ່ມນົມຂົ້ນ ແລະ ນ້ຳແຂງ ເພື່ອລິ້ມລອງລົດຊາດ cà phê sữa đá ທີ່ຊວນໃຫ້ຫຼົງໄຫຼຂອງຫວຽດນາມ (ເບິ່ງຄູ່ມືເທື່ອລະຂັ້ນຕອນໄດ້ທີ່ນີ້) ຫຼື ທ້າທາຍຕົນເອງດ້ວຍການເຮັດກາເຟໝາກພ້າວ ຫຼື ກາເຟໄຂ່ແບບຫວຽດນາມຢູ່ເຮືອນ.

ຄັ້ງໜຶ່ງເຄີຍໄດ້ຮັບການສະເໜີຊື່ໂດຍ Martin Luther King Jr. ເພື່ອຮັບລາງວັນໂນເບລສາຂາສັນຕິພາບ, ພະສົງຝ່າຍເຊນ Thich Nhat Hanh ເປັນທີ່ຮັກແພງຂອງຜູ້ປະຕິບັດທຳທົ່ວໂລກ ສຳລັບຄຳສອນທີ່ເຂົ້າເຖິງງ່າຍກ່ຽວກັບສະຕິ, ຄວາມເມດຕາ ແລະ ຄວາມສະຫງົບພາຍໃນ. ເພື່ອສ້າງຄວາມສະຫງົບໃນຊີວິດປະຈຳວັນຂອງທ່ານ, ທ່ານສາມາດອ່ານປຶ້ມຂອງເພິ່ນ “The Miracle of Mindfulness”, ຫຼື ດາວໂຫຼດແອັບ Plum Village ເພື່ອຟັງສຽງສວດມົນ, ສຽງກະດິ່ງກຳນົດເວລາສະມາທິ ແລະ ການບັນຍາຍທຳມະຈາກທ່ານອາຈານ ‘Thay’ ໂດຍຕົ່ງ. 

ໃຜໆ ກໍສົມຄວນໄດ້ຮັບການຜ່ອນຄາຍໃນເວລາແບບນີ້, ແມ່ນບໍ? ໃນເຂດພູດອຍທາງພາກເໜືອຂອງຫວຽດນາມ, ການແຊ່ຕີນດ້ວຍສະໝຸນໄພແມ່ນວິທີປົວຄວາມເມື່ອຍລ້າ, ຄວາມເຄັ່ງຕຶງ ແລະ ກ້າມເນື້ອທີ່ອ່ອນເພຍໄດ້ດີທີ່ສຸດ. ຊົນເຜົ່າ Dao ແດງ ໄດ້ເຮັດນ້ຳແຊ່ຕີນອຸ່ນໆ ຂອງພວກເຂົາດ້ວຍຜັກແຍ້ວ (elsholtzia), ເອວເດີເບີຣີ, ໜຽງ (schefflera) ແລະ ເປືອກອົບເຊີຍ. ຖ້າທ່ານບໍ່ມີສະໝຸນໄພເຫຼົ່ານີ້, ໃຫ້ລອງຕົ້ມຫົວສິງໄຄ, ຂິງ, ເກືອ ແລະ ນ້ຳມັນຫອມລະເຫີຍໃນນ້ຳອຸ່ນແທນ. ແຊ່ຕີນຂອງທ່ານ ແລະ ປ່ອຍໃຫ້ຄວາມເຄັ່ງຕຶງມະລາຍຫາຍໄປ. 

ການລະບາຍສີເປັນກິດຈະກຳງ່າຍໆ ທີ່ຫຼາຍຄົນໃນພວກ ເຮົາເຄີຍມ່ວນຊື່ນໃນໄວເດັກ. ເພື່ອຊ່ວຍໃຫ້ທ່ານຮູ້ຈັກຫວຽດນາມໄດ້ດີຂຶ້ນ, ພວກຮູບເຮົາໄດ້ກະກຽມຊຸດຮູບພາບລະບາຍສີທີ່ໄດ້ແຮງບັນດານໃຈຈາກຫວຽດນາມ, ໂດຍສາມາດດາວໂຫຼດຟຣີໄດ້ທີ່ນີ້. ພຽງແຕ່ພິມອອກມາ, ແລະ ເພີດເພີນກັບການລະບາຍສີອັນຜ່ອນຄາຍ ໃນຂະນະທີ່ທ່ານເຕີມສີສັນທີ່ທ່ານມັກໃສ່ຮູບວັດວາອາຮາມທີ່ງົດງາມ, ອາຫານເຝີ/ໝີ່ທີ່ເປັນຕາກິນ, ແລະ ສາກບັນຍາກາດຕາມທ້ອງຖະໜົນຂອງຫວຽດນາມ. 

ການແບ່ງປັນອາຫານແມ່ນໜຶ່ງໃນວິທີທີ່ພົບເລື້ອຍທີ່ສຸດທີ່ຊາວຫວຽດນາມພວກຮູບເຮົາສະແດງຄວາມຫ່ວງໃຍຕໍ່ກັນ. ລອງນຳເອົາວັດທະນະທຳນີ້ຂອງຫວຽດນາມມາໃຊ້ ແລະ ພາທຸກຄົນມາຮວມໂຕກັນໂດຍການຈັດງານກິນໝໍ້ໄຟຢູ່ເຮືອນຂອງທ່ານເອງ. ນ້ຳຊຸບຂອງທ່ານອາດເປັນຊຸບອາຫານທະເລສົ້ມຫວານ, ຫຼື ນ້ຳຊຸບຕົ້ມກະດູກທີ່ເຂັ້ມຂຸ້ນສຳລັບອາກາດທີ່ເຢັນກວ່າ. ກະກຽມເສັ້ນເຝີ, ເຫັດ, ແລະ ຜັກໄວ້ຄຽງຂ້າງສຳລັບຕົ້ມລວກໃນນ້ຳຊຸບທີ່ຟົດ. ໃສ່ຜັກຫອມສົດຈັກໜ້ອຍ ແລະ ແຈ່ວເພັດຈັກໜ້ອຍ ຈະຊ່ວຍປະສົມປະສານສ່ວນປະສົມທີ່ຕົ້ມສຸກເຫຼົ່ານີ້ເຂົ້າກັນໄດ້ຢ່າງລົງໂຕ.