វិធីសាស្ត្រថ្មីៗ ៧ យ៉ាងដើម្បីទស្សនាវៀតណាមនាពេលឥឡូវនេះ

តំបន់ជនបទគឺស្រស់ស្អាត ប៉ុន្តែទីក្រុងនានានៃប្រទេសវៀតណាមកំពុងរីកចម្រើនក្នុងល្បឿនយ៉ាងលឿនដែលមិនអាចមើលរំលងបាន។ ដើម្បីទទួលបានថាមពលដ៏មមាញឹកដែលកំពុងគ្របដណ្តប់លើប្រទេសនេះ សូមរៀបចំផែនការសម្រាប់ចុងសប្តាហ៍ដ៏វែងនៅហាណូយ ទីក្រុងហូជីមិញ ឬដាណាំង។ អ្វីដែលអ្នករកឃើញអាចនឹងធ្វើឱ្យអ្នកភ្ញាក់ផ្អើល៖ ផ្ទះបាយវៀតណាមទំនើប បារលើដំបូលដ៏ទាន់សម័យ ហាងលក់ទំនិញប៊ូទិកតូចៗ សាលពិព័រណ៍សិល្បៈសម័យ និងហាងប៊ីយែរសិប្បកម្ម កំពុងរង់ចាំនៅគ្រប់ច្រកល្ហក។ ក្រសោបយក ca phe មួយកែវ ហើយរីករាយជាមួយសកម្មភាពដែលមិនចេះរីងស្ងួត។ 

ទទួលបានកាលវិភាគធ្វើដំណើរចុងសប្តាហ៍ដ៏ល្អឥតខ្ចោះនៅទីក្រុងហូជីមិញ

ការស្នាក់នៅបែប Homestay របស់ជនជាតិភាគតិចនៅវៀតណាម តែងតែទទួលបានការស្រឡាញ់ពេញចិត្តពីអ្នកទេសចរ តាមរយៈការស្វាគមន៍យ៉ាងកក់ក្តៅ និងតម្លៃដ៏សមរម្យ។ នេះជាឱកាសដើម្បីទំនាក់ទំនងផ្ទាល់ជាមួយជនជាតិភាគតិច ភ្លក្សរសជាតិម្ហូបជនបទពិតៗ និងសម្រាកក្នុងទីតាំងដ៏ស្រស់ស្អាតអស្ចារ្យក្នុងថវិកាសំចៃ។ ចាប់ផ្តើមស្វែងរក Homestay នៅក្នុង ឧទ្យានជាតិ និងតំបន់អភិរក្សរបស់វៀតណាម ដូចជា Pu Luong និង Phong Nha និងនៅក្នុងភូមិរបស់ជនជាតិថៃ និងហ្មុង នៅជុំវិញ Sa Pa និង Mai Chau។ 

មិនទាន់មានមនុស្សច្រើនដឹងនៅឡើយទេ ប៉ុន្តែឆ្នេរសមុទ្រភាគកណ្តាលនៃប្រទេសវៀតណាមកំពុងត្រៀមខ្លួនក្លាយជាគោលដៅសុខុមាលភាពដ៏ធំមួយបន្ទាប់របស់អាស៊ី។ ស្ប៉ានៅក្នុងតំបន់នេះទទួលបានរង្វាន់ឧស្សាហកម្មសម្រាប់កម្មវិធីដ៏យកចិត្តទុកដាក់ និងការរចនាដ៏ទាក់ទាញរួចទៅហើយ។ HARNN Heritage Spa និង Fusion Maia គឺជាអ្នកត្រួសត្រាយផ្លូវពីរដែលកំពុងនាំមុខគេ ទោះជាយ៉ាងណាក៏ដោយ ទឹកក្ដៅរ៉ែបែបសែន (Zen) នៅ Alba Wellness Valley និងវីឡាបែរមុខទៅរកបឹងសមុទ្រនៅ Lang Co គឺសមស្របសម្រាប់ការស្នាក់នៅយ៉ាងហោចណាស់ពីរបីយប់។ អ្នកហាត់យោគាអាចធ្វើដំណើរទៅកាន់ Hoi An ដែលជាកន្លែងដែលវគ្គបណ្តុះបណ្តាលគ្រូបង្រៀន ២០០ ម៉ោង និងការសម្រាកលំហែសុខុមាលភាព ឥឡូវនេះកើតឡើងស្ទើរតែរៀងរាល់ខែ។ ក្រៅពីភាគកណ្តាលប្រទេសវៀតណាម កោះ Con Dao និង Phu Quoc ក៏ផ្តល់នូវការសម្រាកលំហែសុខុមាលភាពកម្រិតពិភពលោកដ៏អស្ចារ្យផងដែរ។

អានបន្ថែមអំពីសុខុមាលភាពនៅភាគកណ្តាលប្រទេសវៀតណាម

អ្នកណាថាការឈប់សម្រាកវិស្សមកាលត្រូវតែជាការលំហែសប្បាយតែមួយមុខ? កម្មវិធីរត់ម៉ារ៉ាតុង និងត្រីកីឡា (triathlon) ថ្មីៗជាច្រើនបានលេចឡើងនៅជុំវិញប្រទេសវៀតណាម ដោយបើកផ្លូវរត់ថ្មីៗសម្រាប់អ្នករត់ប្រណាំងមកពីគ្រប់ទិសទី។ The Vietnam Mountain Marathon គឺជាលេសដ៏ល្អឥតខ្ចោះក្នុងការចំណាយពេលពីរបីថ្ងៃនៅក្នុងទីក្រុងតំបន់ខ្ពង់រាប Sa Pa ដ៏ស្រស់ស្អាត ប៉ុន្តែអ្នកនឹងឃើញជម្រើសជាច្រើនទៀតពេញមួយឆ្នាំ រួមទាំងការប្រកួតប្រជែងនៅតាមឆ្នេរក្នុងក្រុង Da Nang ការរត់ប្រណាំងបេតិកភណ្ឌនៅ Ha Noi និងម៉ារ៉ាតុងជាច្រើនទៀតនៅតាមគោលដៅនានាដូចជា Moc Chau, Ha Long និងទីក្រុងហូជីមិញ។

អ្នកលេងកូនហ្គោលដែលជ្រោះជ្រាបច្បាស់ អាចនឹងចងចាំនូវពានរង្វាន់ដ៏គួរឱ្យចាប់អារម្មណ៍ជាច្រើនដែលទីលានវាយកូនហ្គោលនៅវៀតណាមទទួលបាននាពេលថ្មីៗនេះ។ ប្រទេសនេះបានឈ្នះពានរង្វាន់ 'គោលដៅវាយកូនហ្គោលល្អបំផុតនៅអាស៊ី' ក្នុងឆ្នាំ ២០១៧ និង ២០១៨ ពី World Golf Awards ដោយសារតែទីលានដែលត្រូវបានរចនាឡើងយ៉ាងទាក់ទាញពីស្ថាបត្យករកូនហ្គោលល្បីៗបំផុតដូចជា Greg Norman, Jack Nicklaus, និង Sir Nick Faldo។ ឆ្នេរសមុទ្រលូតសន្ធឹងពី Hue ទៅ Hoi An ជាពិសេស ធានាបាននូវវប្បធម៌ដ៏សម្បូរបែប ព្រមទាំងទីលានដ៏ប្រពៃសម្រាប់អ្នកលេងកូនហ្គោលគ្រប់កម្រិត។

ស្វែងយល់បន្ថែមអំពីទីលានវាយកូនហ្គោលរបស់ប្រទេសវៀតណាម

ម្ហូបអាហារប្រកបដោយភាពផ្ចិតផ្ចង់ និងឈ្ងុយឆ្ងាញ់របស់វៀតណាម គឺជាហេតុផលគ្រប់គ្រាន់ដើម្បីមកទស្សនា។ អ្នកនឹងបានឃើញភោជនីយដ្ឋានសម័យទំនើបដែលកំពុងប្រកួតប្រជែងជាមួយវិធីសាស្រ្តចាស់ៗ (ដូចជា នំប៉័ង Banh Mi តម្លៃ ១០០ ដុល្លាររបស់ភោជនីយដ្ឋាន AnAn) និងអ្នកស្រឡាញ់ម្ហូបអាហារយ៉ាងមុតមាំដែលបើកទ្វារផ្ទះបាយ និងសហគមន៍របស់ពួកគេជូនភ្ញៀវទេសចរតាមរយៈដំណើរទស្សនកិច្ចផ្ទាល់ខ្លួន។ ក្រុមហ៊ុនប្រតិបត្តិករទេសចរណ៍នៅវៀតណាមកំពុងចាប់យកនិន្នាការនេះ ជាមួយនឹងដំណើរទស្សនកិច្ចស្វែងយល់ពីម្ហូបអាហារពីជើងទៅត្បូង ដែលឈានជើងចូលយ៉ាងជ្រៅទៅក្នុងទស្សនវិជ្ជាសិល្បៈធ្វើម្ហូបរបស់វៀតណាម។ 

ស្វែងយល់ពីបង្អែមវៀតណាមដ៏ឆ្ងាញ់ពិសារចំនួន ១០ មុខ

សម័យកាលដែលទូកទាំងអស់ដើរតាមផ្លូវមួយដែលស្មានដឹងជាមុននៅក្នុងឆកសមុទ្រ Ha Long បានកន្លងផុតទៅហើយ។ លទ្ធភាពសម្រាប់ដំណើរទស្សនកិច្ចនៅឆកសមុទ្រតុងកឹង (Gulf of Tonkin) — Ha Long ក៏ដូចជា Lan Ha និងឆកសមុទ្រ Bai Tu Long — គឺកាន់តែសម្បូរបែប និងគួរឱ្យចាប់អារម្មណ៍ជាងមុនឆ្ងាយណាស់។ ក្បួននាវាលំដាប់ផ្កាយប្រាំថ្មីៗកំពុងពង្រីកការផ្តល់ជូនរបស់ពួកគេជាមួយនឹងបរិក្ខារកម្រិតផ្កាយប្រាំ ការកម្សាន្តបែបផ្សងព្រេង និងផ្លូវធ្វើដំណើរវែងជាងមុន។ ការជិះទូកកម្សាន្តរយៈពេលពីរយប់ គឺគ្រប់គ្រាន់ដើម្បីរីករាយជាមួយសម្រស់នៃឆកសមុទ្រក្នុងចង្វាក់សម្រាកកាយ។ ប្រសិនបើអ្នកធ្លាប់បានទៅដល់ Ha Long រួចហើយ សូមជឿជាក់ថាឆកសមុទ្រពីរទៀតគឺអស្ចារ្យមិនចាញ់គ្នាទេ ឬអាចអស្ចារ្យជាង ហើយនៅតែរក្សាបាននូវធម្មជាតិដើមយ៉ាងស្រស់ស្អាត។

ចង់បានគំនិតធ្វើដំណើរនៅវៀតណាមបន្ថែមទៀតទេ? ចុះឈ្មោះទទួលព្រឹត្តិបត្រព័ត៌មានរបស់យើង ដើម្បីទទួលបានអត្ថបទល្អៗបំផុតរបស់យើងនៅក្នុងប្រអប់សំបុត្ររបស់អ្នក។