ម្ហូបឆ្ងាញ់ៗបំផុតនៅហ្វេ - ចាប់ពីក្នុងវាំង រហូតដល់តាមចិញ្ចើមផ្លូវ

Bo មានន័យថា សាច់គោ ជាភាសាវៀតណាម ដូច្នេះឈ្មោះនេះអាចធ្វើឱ្យយល់ច្រឡំបន្តិច។ ទោះបីជាស៊ុបគុយទាវនេះមានសាច់គោ (សាច់ទ្រូង) ក៏ដោយ វាក៏ប្រើប្រាស់សាច់ជ្រូកយ៉ាងច្រើនផងដែរ (ជើងជ្រូក, ដុំឈាមកក, និងសាច់ផ្នត់ចង្កេះ)។ ទឹកស៊ុបត្រូវបានសម្រិតសម្រាំងដោយខ្ទឹមស, ខ្ទឹមក្រហម, ម្ទេសប្លោក paprika, ប្រកាំ/កពិបង្គា, ស្លឹកគ្រៃ, ជីចម្រុះ និងក្រូចឆ្មារ។ ហើយក្នុងខណៈដែលជនបរទេសភាគច្រើនស្គាល់ Pho (យ៉ាងហោចណាស់តាមឈ្មោះ) នៅប្រទេសវៀតណាម Bun Bo Hue ត្រូវបានគេស្គាល់ថាជាជម្រើសដែលមានរសជាតិឆ្ងាញ់ពិសារ និងពេញនិយមជាង។ ចុងភៅដើរទូទាំងពិភពលោក Anthony Bourdain ត្រូវបានគេសម្រង់សម្តីថា៖ "នៅក្នុងចំណាត់ថ្នាក់អាហារទឹកដ៏ឆ្ងាញ់ក្នុងចាន Bun Bo Hue គឺស្ថិតនៅកំពូលគេបង្អស់"។ លោកបានបន្តហៅស៊ុបនេះថា "មានរសជាតិរំជួលចិត្ត!"

មុខម្ហូបដែលមានដើមកំណើតចេញពីរាជវាំង។ ខ្ចប់ក្នុងស្លឹកចេក Banh Nam ប្រៀបដូចជាគ្រាប់មុជ្យដែលលាក់ខ្លួននៅក្នុងលៀស។ នំម្សៅអង្ករចំហុយសំប៉ែត និងថ្លានេះ ត្រូវបានញាត់ដោយសាច់ជ្រូកចិញ្ច្រាំ និងបង្គា មុនពេលខ្ចប់ក្នុងស្លឹកចេក។ នៅពេលជ្រលក់ជាមួយទឹកត្រីដ៏មានរសជាតិ នំតូចៗទាំងនេះពិតជាឆ្ងាញ់ជក់ចិត្តខ្លាំងណាស់។

វាអាចរំលឹកអ្នកអំពីនំក្រែប ឬនំតូទីឡាស្រួយស្តើង។ នំធ្វើពីម្សៅអង្កររាងមូលទាំងនេះត្រូវបានញ៉ាំជាមួយសាច់ជ្រូក បង្គា ពងទា និងបន្លែ។ ហើយជាការពិតណាស់ គឺត្រូវមានទឹកជ្រលក់។ ប្រទេសវៀតណាមមានទឹកជ្រលក់ជាច្រើនប្រភេទ ដែលនីមួយៗត្រូវបានផ្គូផ្គងជាមួយមុខម្ហូបផ្សេងៗគ្នាដើម្បីបង្កើតជារសជាតិផ្ទុះឡើងយ៉ាងអស្ចារ្យ។ នៅពេលបត់ជាពីរ អ្នកអាចនិយាយបានថា Banh Khoai មានលក្ខណៈប្រហាក់ប្រហែលនឹងតាកូ (taco) យក្សកំណែវៀតណាម។

ចានស៊ុបគុយទាវម្សៅសាគូថ្លាខាប់ គ្របពីលើដោយសាច់ក្តាម បង្គា ពងក្រួច និងទឹកត្រី។ កំឡុងពេលនៅក្រុងហ្វេ សូមប្រាកដថាអ្នកបានញ៉ាំ Banh Canh Nam Pho មួយចានដើម្បីផ្តល់កម្តៅដល់បេះដូងរបស់អ្នកក្នុងរដូវរងានេះ។

_{ប្រភព៖ Instagram - ngl.310}

នំស្រួយពណ៌ត្នោតដែលអាំងលើចង្ក្រានធ្យូង ហើយញ៉ាំជាមួយបន្លែស្រស់ ការ៉ុតជ្រក់ ហើយជ្រលក់ក្នុងទឹកត្រីជូរអែម។

_{ប្រភព៖ Instagram - ryanfoodaholic}

មុខម្ហូបសាមញ្ញដែលមានធាតុផ្សំផ្ទុយគ្នា—នំបញ្ចុកអង្ករត្រជាក់ និងសាច់ជ្រូកអាំងក្តៅៗពីលើចង្ក្រាន។ លាយឡំជាមួយបន្លែបៃតង ជី គ្រឿងទេស សណ្តែកដីលីង និងទឹកជ្រលក់សណ្តែកដីដ៏ល្បីល្បាញរបស់ហ្វេ។ មុខម្ហូបមួយទៀតដែលមានប្រភពដើមចេញពីផ្ទះបាយរាជវាំង។

ម្ហូបហិលនេះត្រូវបានគេនិយាយថាមានប្រភពដើមចេញពីអ្នកស្រុកស្រែចម្ការ។ វាជាវិធីប្រើប្រាស់បាយកកដែលសល់ (ស្រដៀងគ្នាទៅនឹងជនជាតិអ៊ីតាលីបង្កើតប៉ាស្តា Fagioli ឬការធ្វើស៊ុប stew របស់ជនជាតិអៀរឡង់ដែរ)។ ម្ហូបនេះជាទូទៅរួមមាន គ្រំតូចៗ (ពីទន្លេ Perfume ដែលនៅជិតនោះ) បន្លែ ជីរ និងសណ្តែកបណ្តុះ ទឹកកពិមានក្លិនឈ្ងុយឆ្ញាញ់ ព្រមទាំងមានរោយសណ្តែកដីលីង និងស្បែកជ្រូកបំពងស្រួយ។

អ្នកអាចរកទិញសាច់ជ្រូកអាំងដោតឈើដ៏ឈ្ងុយឆ្ញាញ់ទាំងនេះពីអ្នកលក់តាមដងផ្លូវ ឬស្ទើរតែគ្រប់ភោជនីយដ្ឋាន។ សាច់ជ្រូកចញ្រ្ចាំ ប្រលាក់ជាមួយទឹកត្រី និងខ្ទឹមក្រហម ព្រមទាំងជីរ និងគ្រឿងទេសយ៉ាងច្រើន។ ម្ហូបនេះត្រូវគេអាំងដោយភ្លើងតិចៗយ៉ាងមានរស្មី និងជ្រលក់ជាមួយទឹកជ្រលក់ពិសេសប្រចាំតំបន់។ ប្រសិនបើ corn dog មានភាពស៊ីវិល័យ វាប្រាកដជា Nem Lui ហើយ។ វិធីសាស្ត្រទូទៅក្នុងការញ៉ាំ Nem Lui គឺខ្ចប់វាក្នុងនំត្រដក់ ជាមួយជីរ ម្នាស់ សណ្តែកបណ្តុះ ចេកខ្ចី ម្ទេស ហើយជ្រលក់ក្នុងទឹកជ្រលក់ខាប់ពិសេស។

ក្នុងចំណោមម្ហូបពិសេសៗនៃក្រុងបុរាណហ្វេ ម្ហូបមួយនេះលេចធ្លោមិនត្រឹមតែតាមរយៈឈ្មោះរបស់វាប៉ុណ្ណោះទេ ប៉ុន្តែថែមទាំងរសជាតិរបស់វាទៀតផង។ វាមានបាយសឈ្ងុយ សាច់ជ្រូកអាំងជក់ផ្សែងធ្យូង បង្គា ពងទា និងជីរ ដែលសុទ្ធសឹងតែត្រូវបានហាន់ជាសរសៃៗ។ ទោះបីជាសាមញ្ញយ៉ាងណាក៏ដោយ ប៉ុន្តែរសជាតិរបស់វាឆ្ងាញ់ដូចនៅលើឋានសួគ៌។
 

_{ប្រភព៖ Instagram - accnhi}

កំពុងស្វែងរកបង្អែមមែនទេ? គ្រាន់តែអញ្ជើញមកកាន់តូប ហើយរីករាយជាមួយបង្អែមមានពណ៌ចម្រុះ និងចម្លែកអារម្មណ៍។ ភ្ញៀវទេសចរអាចជ្រើសរើសដោយសេរីចាប់ពីបង្អែមពោត ឬគ្រាប់ឈូក រហូតដល់បង្អែមកែវស្នូលសាច់ជ្រូកអាំងពិសេស (Che bot loc heo quay) បង្អែមត្រាវ ជាដើម។

ទីក្រុង ហ្វេ បញ្ចូលគ្នានូវភាពរីករាយនៃម្ហូបអាហារដ៏ឆ្ងាញ់ពិសា ជាមួយនឹងតម្លៃប្រវត្តិសាស្ត្រ។ ធ្វើដំណើរត្រឡប់ទៅកាន់អតីតកាល។ ញ៉ាំអាហារដូចជាស្តេចក្នុងតម្លៃថោកសមរម្យ។ ស្វែងយល់ និងពង្រីកចំណេះដឹងវប្បធម៌ ព្រមទាំងបំពេញតម្រូវការរសជាតិនៃអណ្តាតរបស់លោកអ្នក។