ດ້ວຍຊັບພະຍາກອນທຳມະຊາດທີ່ຫຼາກຫຼາຍ ແລະ ອຸດົມສົມບູນ, ມໍລະດົກວັດທະນະທຳທີ່ເປັນຮູບປະທຳ ແລະ ນາມມະທຳ, ພ້ອມດ້ວຍແຄມຝັ່ງທະເລຍາວ 3,260 ກິໂລແມັດ, ຫວຽດນາມເປັນປະເທດທີ່ມີການເຕີບໂຕດ້ານການທ່ອງທ່ຽວຢ່າງແຂງແຮງ. ການທ່ອງທ່ຽວກ໊ອຟໃນຫວຽດນາມໄດ້ພັດທະນາເທື່ອລະກ້າວໃນໄລຍະຜ່ານມາ, ໂດຍມີສະໜາມກ໊ອຟເກືອບ 100 ແຫ່ງ ພ້ອມດ້ວຍບໍລິການພັກຜ່ອນ ແລະ ບັນເທີງລະດັບສູງ.

---

 

ງານບຸນທ່ອງທ່ຽວກ໊ອຟດານັງ 2023 ມີກຳນົດຈະເລີ່ມແຕ່ວັນທີ 25 ສິງຫາ ຫາ 2 ກັນຍາ ທີ່ Sheraton Grand Danang Resort & Convention Center ໂດຍມີເຫດການສຳຄັນຄື BRG Open Golf Championship Da Nang 2023. ມາຮອດປັດຈຸບັນ, ງານບຸນດັ່ງກ່າວໄດ້ດຶງດູດນັກກ໊ອຟມືອາຊີບ 120 ຄົນໃນໂລກ ແລະ ນັກກ໊ອຟ 24 ຄົນໃນຫວຽດນາມເຂົ້າຮ່ວມ.

ໃນຖານະເປັນສ່ວນໜຶ່ງຂອງ Asian Development Tour, BRG Open Golf Championship Da Nang 2023 ປະກອບມີການແຂ່ງຂັນແລກປ່ຽນກັບນັກກ໊ອຟສາກົນ, ປະສົບການການທ່ອງທ່ຽວຂອງດານັງສຳລັບນັກກ໊ອຟສາກົນ, ແລະ ການສຳມະນາກ໊ອຟສາກົນ. ງານບຸນທ່ອງທ່ຽວກ໊ອຟ 2023 ຈະນຳສະເໜີກິດຈະກຳໃໝ່ໆ ລວມທັງການວາງສະແດງບູດ ແລະ ການເຊັກອິນກ໊ອຟ, ປະສົບການການຝຶກຊ້ອມກ໊ອຟ, ການສະແດງແຟຊັນ ແລະ ອາຫານ. ດັ່ງນັ້ນ, ນັກກ໊ອຟ ແລະ ນັກທ່ອງທ່ຽວສາມາດມີວັນພັກຜ່ອນທີ່ດີເລີດໃນດານັງ.

ອີງຕາມທ່ານ Mark Reeves, ຜູ້ອຳນວຍການຝ່າຍກ໊ອຟ (BRG Group) - ເຊິ່ງເປັນຜູ້ສະໜັບສະໜູນຫຼັກຂອງການແຂ່ງຂັນເປັນປີທີສອງຕິດຕໍ່ກັນ, Nicklaus Course ທີ່ BRG Da Nang Golf Resort ຖືກເລືອກໃຫ້ເປັນສະຖານທີ່ຈັດການແຂ່ງຂັນ. ດ້ວຍສະໜາມກ໊ອຟລະດັບໂລກ ແລະ ດຳເນີນງານໂດຍທີມງານຜູ້ຊ່ຽວຊານຕ່າງປະເທດມາດຕະຖານ PGA, BRG Open Golf Championship Da Nang 2023 ເຊື່ອວ່າຈະເປັນການແຂ່ງຂັນທີ່ນຳມາເຊິ່ງປະສົບການທີ່ບໍ່ມີວັນລືມສຳລັບນັກກ໊ອຟ ແລະ ນັກທ່ອງທ່ຽວ, ສົ່ງເສີມການທ່ອງທ່ຽວກ໊ອຟໃຫ້ພັດທະນາຢ່າງແຂງແຮງ. 

_{ພິທີເຊັນບົດບັນທຶກຄວາມເຂົ້າໃຈເພື່ອຈັດງານບຸນທ່ອງທ່ຽວດານັງ ແລະ BRG Open Golf Championship Da Nang 2023}

 

ນອກຈາກການແຂ່ງຂັນໃນສະຖານທີ່ແລ້ວ, BRG Open Golf Championship Da Nang 2023 ຈະຖືກຖ່າຍທອດສົດໂດຍ VGS Group. ທ່ານ Nguyen Ngoc Tuan, ປະທານ VGS Group ໄດ້ກ່າວວ່າ, ງານບຸນທ່ອງທ່ຽວກ໊ອຟດານັງ, ໂດຍເນັ້ນໃສ່ການແຂ່ງຂັນກ໊ອຟມືອາຊີບອາຊີ BRG Open Championship Da Nang 2023, ຈະເປັນເຫດການທີ່ໜ້າຈົດຈຳສຳລັບຄົນຮັກກ໊ອຟ ແລະ ປະຊາຊົນທົ່ວໄປ, ເປັນຈຸດໝາຍສຳຄັນໃນການນຳສະເໜີການທ່ອງທ່ຽວກ໊ອຟດານັງສູ່ລະດັບສາກົນ.

ໃນຖານະເປັນໜຶ່ງໃນຕະຫຼາດກ໊ອຟທີ່ເຕີບໂຕໄວທີ່ສຸດໃນໂລກ ແລະ ໄດ້ຮັບຕຳແໜ່ງເປັນຈຸດໝາຍປາຍທາງກ໊ອຟທີ່ດີທີ່ສຸດຂອງອາຊີ 5 ປີຕິດຕໍ່ກັນ ແລະ 2 ຄັ້ງເປັນຈຸດໝາຍປາຍທາງກ໊ອຟທີ່ດີທີ່ສຸດຂອງໂລກໂດຍ World Golf Awards (WGA), ຫວຽດນາມເປັນດາວເດັ່ນສຳລັບນັກກ໊ອຟສາກົນທີ່ຈະມາຫຼິ້ນ ແລະ ເພີດເພີນກັບທິວທັດທີ່ສວຍງາມ. 

ປະຈຸບັນຫວຽດນາມໄດ້ເປີດປະຕູຕ້ອນຮັບທົ່ວໂລກ ແລະ ຕ້ອນຮັບນັກກ໊ອຟ, ຄົນຮັກການທ່ອງທ່ຽວທົ່ວໂລກໃຫ້ມາພັກຜ່ອນ, ສຳຫຼວດ ແລະ ຫຼິ້ນໃນປະເທດທີ່ເປັນມິດແຫ່ງນີ້.