ហាណូយ ប្រទេសវៀតណាម (ថ្ងៃទី ២០ ខែធ្នូ ឆ្នាំ ២០២០) -- ក្រុមហ៊ុនបដិសណ្ឋារកិច្ច Vinpearl បានសហការជាមួយភោជនីយដ្ឋាន Almaz ដើម្បីរៀបចំពិធីបុណ្យហ្វើ (Phở Festival) ថ្នាក់ជាតិនៅថ្ងៃទី ១២ ខែធ្នូ ឆ្នាំ ២០២០។ ពិធីបុណ្យហ្វើរបស់ Vinpearl បានប្រព្រឹត្តទៅនៅទីតាំងសណ្ឋាគារ និងរមណីយដ្ឋាន Vinpearl ចំនួន ១៨ កន្លែងនៅទូទាំងប្រទេស។ ភ្ញៀវទេសចរមានឱកាសភ្លក្សរសជាតិហ្វើ Thìn ដ៏ល្បីល្បាញ និងភ្លក្សរសជាតិហ្វើច្នៃប្រឌិតផ្សេងៗទៀតក្នុងអំឡុងពេលព្រឹត្តិការណ៍នេះ។ 

ចំណុចលេចធ្លោនៃពិធីបុណ្យនេះ រួមមានម៉ឺនុយ Phở Brunch ពិសេសជាមួយនឹងមុខម្ហូបហ្វើពិសេសៗ វគ្គជួបជុំសំណេះសំណាលជាមួយលោក Nguyễn Trọng Thìn ដែលជាស្ថាបនិកនៅពីក្រោយហ្វើ Thìn ដ៏ល្បីល្បាញនៅទីក្រុងហាណូយ និងការប្រកួតប្រជែងភ្លក្សរសជាតិសម្រាប់ភ្ញៀវគ្រប់វ័យ។ ដោយទទួលបានគំនិតច្នៃប្រឌិតពីរវសជាតិតាមបែបប្រពៃណី និងការបកស្រាយបែបទំនើប ចុងភៅរបស់ Vinpearl ក៏បាននាំយកមុខម្ហូបហ្វើដ៏ពិសេសមកជូនភ្ញៀវផងដែរ រួមមាន ‘Landmark Phở’ ដ៏ល្បីជាមួយនឹងសាច់គោ Wagyu, ហ្វើបង្កង, ហ្វើសាច់មាន់ជាមួយម្ទេសអាចម៍សត្វ និងភីហ្សា ហ្វើ។

ដើម្បីណែនាំរសជាតិហ្វើដ៏ល្អបំផុតជូនដល់អ្នកធ្វើដំណើរមកពីជុំវិញពិភពលោក នៅក្នុងឆ្នាំ ២០១៤ Vinpearl បានទាក់ទងទៅកាន់អ្នកជំនាញធ្វើហ្វើដ៏ល្បីល្បាញ លោក Nguyễn Trọng Thìn ដើម្បីដាក់បញ្ចូលហ្វើរបស់លោកទៅក្នុងម៉ឺនុយអាហាររបស់ពួកគេ។ ចុងភៅរបស់ Vinpearl ត្រូវបានបណ្តុះបណ្តាល និងណែនាំដោយលោក Thìn តាមរយៈដំណើរការយ៉ាងម៉ត់ចត់ ចាប់តាំងពីការជ្រើសរើសគ្រឿងផ្សំស្រស់ៗបំផុត រហូតដល់ការតាមដានទឹកស៊ុបជាច្រើនម៉ោង ដើម្បីទទួលបានរសជាតិយ៉ាងឆ្ងាញ់ពិសា។ ទទួលបានការពេញនិយមពីសំណាក់អ្នកស្រុកហាណូយ និងភ្ញៀវទេសចរដូចគ្នា ហ្វើ Thìn គឺជាហាងហ្វើដ៏ល្បីល្បាញបំផុតមួយក្នុងក្រុង ជាមួយនឹងរូបមន្តដែលត្រូវបានកែច្នៃយ៉ាងល្អឥតខ្ចោះអស់រយៈពេលជាច្រើនទសវត្សរ៍។ បច្ចុប្បន្ន សណ្ឋាគារ និងរមណីយដ្ឋានទាំង ៣៣ របស់ Vinpearl សុទ្ធតែមានបម្រើហ្វើ Thìn នៅប៊ូហ្វេអាហារពេលព្រឹករបស់ពួកគេ ដែលជាអត្ថប្រយោជន៍ពិសេសមួយដែលអ្នកចូលចិត្តអាហារអាចទន្ទឹងរង់ចាំ។  

សម្រាប់ព័ត៌មានបន្ថែមអំពីពិធីបុណ្យហ្វើ សូមចូលទៅកាន់គេហទំព័រផ្លូវការរបស់ Vinpearl៖ https://www.vinpearl.com/le_hoi_pho_vinpearl_tinh_hoa_am_thuc_viet/

---