ទស្សនាចំការទំពាំងបាយជូរនៃខេត្ត Ninh Thuan

នៅពេលទៅកម្សាន្តប្រទេសណាមួយ គេតែងតែចង់សាកល្បងភ្លក់គ្រឿងស្រវឹងក្នុងស្រុក។ ដោយសារតែមានវាលស្រែជាច្រើន ស្រាបៀរស្រស់ ‘bia hoi’ និងស្រាក្នុងស្រុក វៀតណាមតែងត្រូវបានគេផ្សារភ្ជាប់ទៅនឹងស្រាបៀរ និងស្រាសជាជាងស្រាទំពាំងបាយជូរ។ ប៉ុន្តែចំការទំពាំងបាយជូរដ៏ខៀវស្រងាត់ជាច្រើនហិកតាអាចស្វែងរកបាននៅកន្លែងមួយដែលអ្នកទេសចរតិចតួចណាស់បានដឹង ហើយជាកន្លែងដែលការដាំដុះទំពាំងបាយជូរកំពុងមានការកើនឡើង គឺខេត្ត Ninh Thuan តាមបណ្តោយឆ្នេរសមុទ្រភាគកណ្តាលខាងត្បូង។ ខេត្តដែលល្បីល្បាញដោយសារឆ្នេរសមុទ្រ បុរាណដ្ឋានចាម និងឧទ្យានជាតិ Nui Chua មួយនេះ ក៏ជាជម្រកនៃចំការទំពាំងបាយជូរដែលបើកទ្វារជូនសាធារណជនចូលទស្សនាសម្រាប់ដំណើរកម្សាន្តមួយថ្ងៃដ៏រីករាយ ទទួលបានចំណេះដឹង និងមានឱកាសភ្លក់រសជាតិដ៏ឆ្ងាញ់ពិសាផងដែរ។ 

ប៉ុន្តែតើប្រទេសនេះក្ដៅ និងសើមពេកសម្រាប់ផលិតស្រាទំពាំងបាយជូរមែនទេ? ជាទូទៅគឺមែនហើយ។ ទោះជាយ៉ាងណាក៏ដោយ ក៏នៅមានតំបន់ដែលមានអាកាសធាតុត្រជាក់ជាងនេះដែរ រួមទាំង Ninh Thuan ដែលមានតែ ២ រដូវប៉ុណ្ណោះក្នុងមួយឆ្នាំ គឺរដូវប្រាំង និងរដូវវស្សា ដែលជាដីដ៏ល្អឥតខ្ចោះសម្រាប់ដើមទំពាំងបាយជូរលូតលាស់ និងចម្រើនលូតលាស់។ 

បច្ចុប្បន្ននេះ Ninh Thuan ជាតំបន់ផលិតទំពាំងបាយជូរធំបំផុតនៅក្នុងប្រទេស ហើយជាទីតាំងនៃចំការផលិតស្រាទំពាំងបាយជូរប្រមាណជាង ២០ កន្លែង។ នៅពេលទំពាំងបាយជូរទុំ រោងចក្រផលិតស្រាទំពាំងបាយជូរទិញវាដើម្បីយកទៅផ្អាប់ទុកនៅ Da Lat។ កន្លែងកែច្នៃផ្សេងទៀតនៅក្នុង Ninh Thuan ប្រើប្រាស់វាដើម្បីកែច្នៃជាផលិតផលផ្ទាល់ខ្លួនដូចជា ដំណាប់ ស្រាទំពាំងបាយជូរ និងទឹកឃ្មុំ។ 

_{ប្រភព៖ អ៊ីនធឺណិត}

នៅក្នុងឆ្នាំ ២០១៩ ពិធីបុណ្យទំពាំងបាយជូរ និងស្រាទំពាំងបាយជូរ Ninh Thuan ត្រូវបានរៀបចំឡើងនៅចុងខែមេសា ក្នុងអំឡុងពេលប្រមូលផល ដោយមានរួមបញ្ចូលទាំងដំណើរកម្សាន្តនៅចំការទំពាំងបាយជូរ ពិព័រណ៍ពាណិជ្ជកម្ម ពិធីផ្លូវការ និងការប្រកួតប្រជែងសម្រាប់ក្រុមជនជាតិភាគតិចនៅទីនោះ ពិធីបុណ្យតាមផ្លូវ និងសកម្មភាពជាច្រើនទៀត។ 

_{ប្រភព៖ អ៊ីនធឺណិត}

ប៉ុន្តែដើម្បីទទួលបានបទពិសោធន៍ពីសម្រស់ពិសេសនៃការដើរកម្សាន្តតាមចំការទំពាំងបាយជូរដោយផ្ទាល់ ក្នុងពេលណាមួយនៃឆ្នាំ អ្នកអាចទៅទស្សនាចំការទំពាំងបាយជូរមួយក្នុងចំណោមចំការជាច្រើនដែលបើកទ្វារជូនសាធារណជន ឧទាហរណ៍ដូចជា៖